انڈیا میں پاکستانی ڈراموں کی بندش پر صارفین کے دلچسپ تبصرے
اشاعت کی تاریخ: 2nd, May 2025 GMT
بھارت کی جانب سے پاکستانی یو ٹیوبرز اور نجی ٹیلی ویژن چینلز کے یوٹیوب چینلز کو اپنے ملک میں بلاک کر دیا گیا ہے۔ اس کے علاوہ پاکستانی شوبز شخصیات پر پابندی اور ان کے انسٹاگرام اکاؤنٹس کو بھی بلاک کیا گیا ہے۔
بھارت کی جانب سے ایسے اقدامات کیے جانے کے بعد کئی بھارتی صارفین اداس نظر آئے کہ اب وہ اپنے پسندیدہ پاکستانی ڈرامے نہیں دیکھ سکیں گے۔ جس پر پاکستانیوں نے بھارتی مداحوں کو ورچوئل پرائیویٹ نیٹ ورکس (وی پی این) استعمال کرنے کا مشورہ دیا ہے۔
یہ بھی پڑھیں: ’حملہ آور مذہب پوچھے بغیر گولیاں چلاتے رہے‘، پہلگام حملے سے متعلق ایک اور بھارتی جھوٹ بے نقاب
سوشل میڈیا پر کئی ایسی ویڈیوز گردش کر رہی ہیں جس میں بھارتی صارف کہتے نظر آ رہے ہیں کہ وہ پاکستانی ڈرامے دیکھتے تھے جو اب انڈیا میں بند کر دیے گئے ہیں جس سے وہ پریشان ہیں۔ جس پر پاکستانی صارفین دلچسپ تبصرے کرتے نظر آ رہے ہیں۔
ایک وائرل ویڈیو میں دیکھا جا سکتا ہے کہ بھارتی مداح اپنی والدہ سے پوچھتی ہیں کہ پاکستانی ڈرامے بند کر دیے گئے ہیں اب آپ اپنی زندگی میں کیا کریں گی جس پر وہ کہتی ہیں کہ ’بہت مشکل ہے، مجھے تو نانی ماں کی فکر ہو رہی ہے کہ ان کی زندگی کیسے گزرے گی‘۔
View this post on Instagram
A post shared by Kaynaat Kapoor (@_.
خاتون مداح نے کہا کہ وہ اپنا پسندیدہ ڈرامہ ’نقاب‘ دیکھ رہی تھیں جو اب کہیں پر نہیں آ رہا۔ اس پر ایک صارف نے تبصرہ کرتے ہوئے کہا کہ ہم بھارتیوں سے بالکل بھی نفرت نہیں کرتے اس لیے آپ وی پی این کا استعمال کریں شاید اس سے ڈرامہ لگ جائے۔
زوحا نامی صارف لکھتی ہیں کہ ’ممی کو ہم پاکستان سے اسکرین ریکارڈ کر کے بھیج دیں گے‘۔ جبکہ ایک سوشل میڈیا صارف کا کہنا تھا کہ مسلمانوں سے زیادہ ہندو پاکستانی ڈرامے دیکھتے ہیں۔ سمیرا حمید نے کہا کہ ’ہم ممی کو لائیو ویڈیو کال پر ڈرامہ دکھا دیں گے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا پاکستانی ڈرامے پہلگام حملہ
ذریعہ
ذریعہ: WE News
کلیدی لفظ: انڈیا پاکستانی ڈرامے پہلگام حملہ پاکستانی ڈرامے ہیں کہ
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار