وزیراعلیٰ پنجاب کی لاہورڈویلپمنٹ پلان کے لیے ماہانہ ٹائم لائن مقررکرنے کی ہدایت
اشاعت کی تاریخ: 2nd, May 2025 GMT
وزیراعلیٰ پنجاب مریم نوازشریف کی زیر صدارت خصوصی اجلاس میں لاہور ڈویلپمنٹ پلان پر پیش رفت کا جائزہ لینے کے بعد سینیئر صوبائی وزیر اور چیف سیکریٹری پنجاب کو لاہور ڈویلپمنٹ کی بروقت تکمیل کا ٹاسک سونپا گیا ہے۔
لاہور ڈویلپمنٹ پلان کے پہلے فیز کا مرحلہ وار جائزہ لینے کے بعد وزیراعلیٰ مریم نوازشریف نے پراجیکٹس کا تصویری معائنہ بھی کیا، انہوں نے لاہور ڈویلپمنٹ پلان کے لیے ماہانہ ٹائم لائن مقررکرنے کی ہدایت بھی کی۔
یہ بھی پڑھیں: وزیراعلیٰ مریم نواز شریف کا لاہور کو 3 دن کے اندر صاف ستھرا کرنے کا حکم
اس ضمن میں مریم نوازشریف کا کہنا تھا کہ ترقیاتی اسکیموں کی تکمیل میں تاخیر سے عوام کی روزمرہ زندگی متاثرہوتی ہے، خود کو عوام کے سامنے جوابدہ سمجھتی ہوں، مشکل میں نہیں دیکھ سکتی۔
میونسپل کارپوریشن لاہور کی 3705 اور واسا کے زیر اہتمام230 اسٹریٹس کی تعمیر و بحالی کے لیے 30جون کی ڈیڈ لائن، واسا ورکس کے لیے 1573 گلیوں کی تعمیر و مرمت کے لیے 31 جولائی کی حتمی ڈیڈ لائن مقرر کی گئی ہے۔
مزید پڑھیں: ’مریم نواز‘ سے منسوب زیر تعمیر اسکیم کا نام لاہور ہائیکورٹ میں چیلنج کردیا گیا
لاہور ڈویلپمنٹ پلان فیز 2 میں علامہ اقبال، عزیز بھٹی اور واہگہ ٹاؤن میں گلیوں کی تعمیر ومرمت اور دیگر منصوبے شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب ترقیاتی اسکیموں چیف سیکریٹری ڈیڈ لائن لاہور ڈیولپمنٹ پلان ماہانہ ٹائم لائن مریم نوازشریف وزیر اعلی.ذریعہ: WE News
کلیدی لفظ: ترقیاتی اسکیموں چیف سیکریٹری ڈیڈ لائن مریم نوازشریف وزیر اعلی کے لیے
پڑھیں:
پنجاب ٹورازم ڈويلپمنٹ کارپوریشن کے زیر اہتمام بائیکرز اور سیاحوں کے اعزاز میں تقریب
لاہور: ٹورازم ڈويلپمنٹ کارپوريشن آف پنجاب کی جانب سے وسطی ايشيا کے بين الاقوامی سفر پر روانہ ہونے والےبائيکرز اور سياحوں کے اعزاز ميں ايک خصوصی الوداعی تقريب کا انعقاد کیا گیا۔ تقریب میں منیجنگ ڈائریکٹر ٹی ڈی سی پی ڈاکٹر ناصر محمود بشیر نے خصوصی شرکت کی۔شرکاء نے پاکستان کی دل مو ہ لینے والی قدرتی خوبصورتی اور مہمان نوازی کی تعريف کی۔ انہوںنے ٹورازم ڈويلپمنٹ کارپوريشن آف پنجاب کی جانب سے ملنے والے تعاون پر دلی شکريہ ادا کیا ۔اور دوستانہ رويے کو سراہتے ہوئے مستقبل میں ایسے مزید پروگرام منعقد کرنے اور ان ميں شرکت کرنے کا عزم ظاہر کيا۔ منیجنگ ڈائریکٹر ڈاکٹر ناصر محمود بشيرنے میڈیا سے گفتگو کرتے ہوئے کہا کہ تقريب اقتصادی تعاون تنظيم کے چار رکن ممالک پاکستان، افغانستان، تاجکستان اور ازبکستان— کے مابين سياحتی روابط کو مضبوط بنانے کے ايک وسيع تر اقدام کا حصہ ہے۔ بائیکرز ريلی باہمی سياحت، ثقافتی ہم آہنگی اور علاقائی دوستی کے فروغ ميں ايک اہم سنگِ ميل ثابت ہو گی ۔ تقريب کا مقصد پاکستان کی دلکش قدرتی خوبصورتی، عظيم ثقافتی ورثے اور مہمان نوازی کو دنيا کے سامنے پيش کرنا ہے ۔ يہ ريلی لاہور کو 2027 ميں ECO ممالک کاسياحتی دارالحکومت قرار دینے کی تياريوں کا بھی حصہ ہے۔
ايم ڈی ٹی ڈی سی پی نے ملکی اور غير ملکی سياحت کو فروغ دينے والی سرگرمیوں میں ٹی ڈی سی پی کے کردار پر بھی زورديا۔ انہوں نے کہا، "ايسی صحت مند اور مہماتی سرگرميوں کے ذريعے پاکستان نہ صرف ويلنيس ٹورازم کو فروغ ديتاہے بلکہ دنيا کو امن، ہم آہنگی اور دوستی کا پيغام بھی ديتا ہے۔"
يہ ریلی پاکستان سے شروع ہو کر افغانستان، تاجکستان اور ازبکستان کے تاريخی، ثقافتی اور قدرتی مقامات کی سير کرے گی۔ بائيکرز 23 دنوں ميں تقريباً 5000 کلوميٹر کا فاصلہ طے کريں گے اور 4 ممالک کا سفر کريں گے۔ اس سفر کا بنيادی مقصد علاقائی دوستی کو مضبوط کرنا، پرامن تعلقات کو فروغ دينا، اور دنيا کے سامنے خطے کا مثبت تشخص اجاگرکرنا ہے۔
اب پاکستان کی فضاؤں میں چینی ساختہ مسافر بردار طیارے اڑان بھریں گے