اسرائیل نے امدادی سامان غزہ پہنچانے والا بحری جہاز بمباری سے تباہ کردیا
اشاعت کی تاریخ: 2nd, May 2025 GMT
غزہ کے شہریوں کے لیے امدادی سامان لے جانے والے بحری جہاز پر مالٹا کے قریب ڈرون سے بمباری کا نشانہ بنادیا گیا۔
یہ بھی پڑھیں: غزہ میں امدادی کاموں پر اسرائیلی پابندیوں کے خلاف عالمی عدالت میں سماعت کا آغاز
گارجین کی رپورٹ کے مطابق فلاحی تنظیم فریڈم فلوٹیلا کولیشن کا دعویٰ ہے کہ بین الاقوامی پانیوں میں غیر مسلح شہری جہاز پر مبینہ طور پر اسرائیل نے حملہ کیا۔
منتظمین نے بتایا ہے کہ غزہ کے لیے انسانی امداد اور کارکنوں کو لے جانے والے جہاز کو مالٹا کے قریب بین الاقوامی پانیوں میں اس وقت ڈرون مارکر ناکارہ بنادیا گیا جب وہ فلسطینی سرزمین کی طرف بڑھ رہا تھا۔
گروپ نے ایک بیان میں کہا کہ فریڈم فلوٹیلا کولیشن کا جہاز، بین الاقوامی سمندری حدود میں براہ راست حملے کی زد میں آیا۔
بیان کے مطابق مسلح ڈرونز نے غیر مسلح شہری جہاز کے اگلے حصے پر 2 بار حملہ کیا جس سے اس میں آگ لگ گئی اور بہت بڑا شگاف پڑ گیا۔ بیان میں اس حملے کا الزام واضح طور پر اسرائیل پر عائد کیا گیا۔
غزہ کے لیے امدادی سامان اور رضا کاروں کو لے جانے والے بحری جہاز پر ڈرون کے ذریعے بمباری کیے جانے کے بعد تنظیم کی جانب سے جہاز پر لگی آگ کی ویڈیو بھی شیئر کی گئی۔ حملے کی وجہ سے فلاحی ورکرز والا جہاز ڈوبنے کے خطرے سے دوچار ہے۔
مزید پڑھیے: اسرائیلی جارحیت کے نتیجے میں غزہ ابتک کتنے لاکھ فلسطینی بے گھر ہو ئے؟ اقوام متحدہ نے بتا دیا
دریں اثنا مالٹا کی حکومت نے اپنے بیان میں بتایا ہے کہ عملے کے 12 ارکان اور 4 سویلین مسافر سوار تھے تاہم کوئی جانی نقصان نہیں ہوا ہے۔ بیان میں کہا گیا کہ جہاز کی مدد کے لیے قریبی ٹگ کو ہدایت کردی گئی ہے۔
فریڈم فلوٹیلا کولیشن کا کہنا ہے کہ 21 ممالک کے کارکن اسرائیل کے غزہ کے غیر قانونی اور مہلک محاصرے کو چیلنج کرنے اور زندگی بچانے والی اشد ضرورت کی امداد فراہم کرنے کے مشن پر گامزن تھے۔
بیان میں کہا گیا کہ اسرائیلی سفیروں کو طلب کیا جانا چاہیے اور بین الاقوامی قوانین کی خلاف ورزیوں، ناکہ بندیوں اور بحری جہاز پر حملے کا جواب لیا جانا چاہیے۔
مزید پڑھیں: امدادی کارکنوں کی شہادت، غزہ کے شہری دفاع نے اسرائیلی فوج کی تحقیقات مسترد کردیں
یاد رہے کہ اسرائیل نے 2 ماہ قبل غزہ پر سخت ناکہ بندی کر دی تھی جس میں خوراک، ایندھن، ادویات یا دیگر اشیا کو علاقے میں داخل ہونے کی اجازت نہیں دی جارہی جس سے غزہ کے شہری صحت کے مسائل اور قحط کا شکار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل امدادی بحری جہاز پر حملہ امدادی جہاز تباہ غزہ مالٹا.ذریعہ: WE News
کلیدی لفظ: اسرائیل امدادی بحری جہاز پر حملہ امدادی جہاز تباہ مالٹا بین الاقوامی بحری جہاز پر غزہ کے کے لیے
پڑھیں:
ایف آئی اے کی کارروائی، کراچی ایئرپورٹ پر غیرقانونی طور بیرون ملک جانے والے 7 مسافر آف لوڈ
کراچی:وفاقی تحقیقاتی ادارہ (ایف آئی اے) امیگریشن نےکراچی ائیرپورٹ پرغیرقانونی طور پر بیرون ملک جانے والے 7مسافروں کوآف لوڈ کردیا۔ترجمان ایف آئی اے کے مطابق جناح ٹرمینل ائیرپورٹ پر تعینات امیگریشن عملے نے کارروائیوں کے دوران غیرقانونی طور پر بیرون ملک سفر کرنے کی کوشش ناکام بناتے ہوئے7 مسافروں کو آف لوڈ کردیا۔ترجمان نے بتایا کہ مسافر وزٹ ویزے پر آذربائیجان جا رہے تھے. امیگریشن کلئیرنس کےدوران مسافروں کو مشکوک پایا گیا۔انہوں نے کہا کہ ابتدائی تفتیش کے مطابق مسافروں نے باکو سے دبئی اور ملائیشیا کے راستے ترکیہ اور لیبیا سفر کرنا تھا، مسافر کا بعد ازاں ترکیہ اور لیبیا سے غیرقانونی طور پر سمندر کے راستے اٹلی جانے کا منصوبہ تھا۔ترجمان نے بتایا کہ مسافر مختلف ایجنٹوں سے رابطے میں تھے. مسافروں نےایجنٹوں سے 20 لاکھ سے 45 لاکھ روپےفی کس پر یورپ جانے کےمعاملات طے کیے ہوئے تھے. تاہم مسافروں کو آف لوڈ کرکے اینٹی ہیومن ٹریفکنگ سرکل کراچی منتقل کردیا گیا۔
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی