کرک؛ رات گئے تھانے پر فتنۃ الخوارج کے 30 دہشت گردوں کا حملہ ناکام
اشاعت کی تاریخ: 17th, September 2025 GMT
پشاور:
تھانہ گرگری ضلع کرک پر رات گئے فتنۃ الخوارج کے 25 سے 30 دہشتگردوں کا حملہ ناکام بنادیا گیا۔
پولیس نے تھانے کے قریب فتنہ الخوارج کی مشکوک نقل وحرکت بھانپتے ہی فائر کھول دیا جس کے باعث بزدل دہشتگرد منٹوں میں بھاگنے پر مجبور ہوگئے، دوران آپریشن نفری مکمل طور پر محفوظ رہی جبکہ حالات مکمل قابو میں ہیں۔
ڈی پی او کرک شہباز الہٰی کے مطابق تھانہ یعقوب شہید پولیس کی کارروائی میں بدنام زمانہ اشتہاری مجرم و ڈکیت گروہ کے سرغنہ شہباز عرف پنجابی کو جہنم واصل کردیا گیا۔
تھانہ یعقوب شہید کی حدود لمرکی قبرستان کے قریب انٹلیجنس بیسڈ کارروائی کی گئی جہاں ملزمان نے پولیس پارٹی کو دیکھتے ہی فائر کھولا۔
دو طرفہ مقابلے کے بعد سرچ آپریشن میں ہلاک اشتہاری مجرم کی لاش برآمد ہوئی جسے سابقہ ریکارڈ سے شناخت کیا گیا۔
آر پی او کوہاٹ عباس مجید مروت کا کہنا ہے کہ دہشتگردوں سمیت تمام جرائم پیشہ عناصر کے خلاف کرک پولیس کی کارروائیاں جاری ہیں، عوام کی جان و مال کی حفاظت کیلئے کرک پولیس ہر دم تیار ہے۔
.ذریعہ: Express News
پڑھیں:
لگا تار ناکامیوں پر فتنتہ الخوارج کے اندرونی اختلافات بڑھ گئے
اسلام آباد:سیکیورٹی ذرائع کے مطابق فتنتہ الخوارج کو حالیہ مہینوں میں لگاتار ناکامیوں اور بھاری جانی نقصان کے باعث شدید دباؤ کا سامنا ہے اور ان کے اندرونی اختلافات شدت اختیار کر چکے ہیں۔
مصدقہ اطلاعات کے مطابق پچھلے تین ماہ میں فتنتہ الخوارج کی کئی بڑی تشکیلیں بارڈر کراسنگ کے دوران ہی مار دی گئیں جس کے باعث خارجی سرغنہ سخت تذبذب اور اندرونی ناچاکی کا شکار ہیں۔
خارجی سرغنہ نور والی اپنے پیادہ دہشت گردوں کو موبائل فون اور دیگر کمیونیکیشن ذرائع کے استعمال سے گریز کرنے کی سخت ہدایات دے چکا ہے تاکہ ان کے نیٹ ورک کا سراغ لگانا مشکل ہو سکے۔
سکیورٹی ذرائع نے انکشاف کیا کہ خارجی سرغنہ نے اپنے دہشت گردوں کو مساجد، عوامی حجرات اور ان گھروں میں جو غیر قانونی افغان شہری استعمال کرتے ہیں، چھپنے اور دہشت گرد مواد بنانے کے لیے استعمال کرنے کے احکامات دیے ہیں۔
حال ہی میں گرفتار ہونے والے خارجی عبدل صمد کے ہوش رُبا انکشافات نے بھی اس امر کی تصدیق کی ہے کہ مساجد اور حجرات کو آئی ای ڈی بنانے اور دہشت گردوں کے چھپنے کے مراکز کے طور پر استعمال کیا جاتا ہے۔
سوشل میڈیا پر جھوٹی، اے آئی جنریٹڈ اور پرانی ویڈیوز و تصاویر کے ذریعے عوام کو گمراہ کرنے کا پرانا حربہ بھی خارجی سرغنہ کی نئی ہدایات میں شامل ہے۔
فورسز نے واضح کیا ہے کہ وہ خارجیوں اور ان کے سہولت کاروں کے مکمل صفایا کے لیے پوری طرح تیار اور پرعزم ہیں۔
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار