مودی کو پاکستان اور آزادکشمیر کی طرف میلی آنکھ سے نہیں دیکھنے دیں گے ،وزیراعظم آزادکشمیر
اشاعت کی تاریخ: 2nd, May 2025 GMT
مظفرآباد: وزیراعظم آزادحکومت ریاست جموں وکشمیر چوہدری انوارالحق نے کہا ہے کہ آپ کے وزیراعظم نے گزشتہ تین دنوں میں مودی کی ہندوتوا پالیسیوں اور مسئلہ کشمیر پر ایک بیانیہ دیا ، اس پر ہندوستانی میڈیا آپ کے وزیراعظم کا غلط تلفظ کے ساتھ نام لے کر چیختا اور چلاتا رہا ، ہندوستان نے تمام ٹیلی ویژن اور یوٹیوب چینلز اپنے ملک میں “بین “ کردئیے جن پر میرے انٹرویوز چلے ، دشمن کو ہمارے بیانیے کی طاقت کا اندازہ ہے ، ایک ارب سے زائد آبادی کا وزیراعظم 45 لاکھ آبادی والے وزیراعظم کے ہاتھوں پٹ گیا ، یہ اس لیے ہوا کہ میرا یقین ہے کہ طاقت کا محور و مسکن خدا کی ذات ہے ، مودی کی ایسی کی تیسی ، مودی گفتگو کی جعلی بدمعاشی کے ذریعے ہمیں خوف زدہ کرنا چاہتا ہے ، انشاء اللہ مودی کو پاکستان اور آزادکشمیر کی طرف میلی آنکھ سے نہیں دیکھنے دیں گے ، ہمارے اسلاف نے کبھی عددی برتری کی بنیاد پر باعزت زندگی کی خواہش کا اظہار نہیں کیا، 313سے لے کر اندلس میں طارق بن زیاد کی جانب سے کشتیاں جلانے کے واقعہ کو ذہن میں لائیے ، ہمارے اسلاف وہ ہیں ، ہمارا توکل خالص اللّہ تعالیٰ کی ذات پر ہے ، ہم نے کبھی دنیاوی بتوں کو پوج کر مستقبل کی منصوبہ بندی نہیں کی ، ہمارے نبی کی راہ ہدایت یہی ہے کہ حق کی خاطر جان گنوانی سب سے ارزاں سودا ہے ، موت اٹل حقیقت ہے ، زندگی میں اپنے نامہ اعمال میں کیا لکھوا جاتے ہیں ؟ یہی ہمارے ساتھ جائے گا، سوشل میڈیا “ہائپ” سے قطعی طور پر متاثر نہیں ہونا ہے، سوشل میڈیا پر خبروں سے سچائی تلاش کرنے کے لیے بڑی میچور سوچ چاہیے ، آج کل لوگ رزق کے چکر میں لائکس لینے کے لیے قومی سلامتی کا جنازہ نکال دیتے ہیں، حوصلہ رکھیں بھارت کی ہر اوچھی حرکت کا منہ توڑ جواب دیں گے ۔ان خیالات کا اظہار وزیراعظم آزاد کشمیر چوہدری انوار الحق نے محکمہ ہائر ایجوکیشن کے زیراہتمام مظفرآباد ڈویژن میں کالجز کے لئے بسوں کی تقسیم کے حوالے سے منعقدہ تقریب سے خطاب میں کیا ۔وزیراعظم آزادکشمیر چوہدری انوار الحق نے کہا کہ یہ سارا نظام ان کے صدقے ملا جو خونی لکیر کے پار ہندوتوا کے ننگے ناچ کا سامنا کررہے ہیں ، آج اللہ پاک نے ہمیں یہ موقع فراہم کردیا ہے کہ اپنے اسلاف کا قرض بھی ادا کرنا ہے اور جو ہمارے ذمے ہے وہ بھی ادا کرنا ہے ، تاریخ کا طالب علم ہونے کے ناطے میں اس مکار اور عیار دشمن کو اچھی طرح سمجھتا اور جانتا ہوں ، مجھے ہندوستان کی فطرت کا علم ہے ، کمینے دشمن سے کسی غیرت مندانہ اقدام کی توقع نہیں ہوتی ، یہ چانکنا ڈاکٹرائن کے تحت آپ پر حملہ آور ہوگا ، جب یہاں داخل ہوا تو ادارے کے سربراہ نے بتایا کہ 70 فیکلٹی ممبران اور 1600 کے قریب طلباء ہیں ، اگر وقت آیا تو 70کی فیکلٹی 1600 طلبہ کے بجائے 1600مجاہد تیار کرکے دے گی ، وزیراعظم آزاد کشمیر چوہدری انوارالحق نے کہا کہ آپ سب دوستوں نے سوشل میڈیا “ہائپ” سے قطعی طور پر متاثر نہیں ہونا ہے، سوشل میڈیا پر خبروں سے سچائی تلاش کرنے کے لیے بڑی میچور سوچ چاہیے ، آج کل لوگ رزق کے چکر میں لائکس لینے کے لیے قومی سلامتی کا جنازہ نکال دیتے ہیں ، پارلیمنٹ کا اجلاس جاری ہے ، تمام حقوق بحال ہیں ، صحافی لکھنے اور بولنے میں آزاد ہیں ، آپ کو صورتحال کا درست ادراک آزادجموں و کشمیر قانون ساز اسمبلی اور آپ کی حکومت کے ذریعے ملتا رہے گا ، میں نے آپ کے سامنے دل کی بات کردی اورکسی بھی بدترین صورتحال کے وقت کا خاکہ بھی آپ کے ذہنوں میں ڈال دیا ہے ، انھوں نے کہا کہ جب ڈاکٹرز کی ریکروٹمنٹ کا مرحلہ آیا تو 60سے زائد ایسے ڈاکٹر تھے جنہوں نے حاضری دے کر کہا کہ پوسٹ گریجویشن کے لیے جارہے ہیں ، پبلک سروس کمیشن کو فعال کیا تو اس کی فعالیت کی غمازی آج ایک پرچی نے کر دی ہے ، این ٹی ایس کے ذریعے میرٹ پر بھرتیاں کیں تو بھرتی ہونے والے بچوں بچیوں نے انٹرویو میں کہا کہ اگر میرٹ نہ ہوتا تو ہماری نسلوں میں سے بھی کوئی بھرتی نہ پاتا ، جب نوجوانوں کو یہ احساس ہو کہ ان کی نسلوں میں سے بھی کوئی بھرتی نہیں ہوسکتا تو پھر ان کا نظام پر اعتماد کیسے قائم ہوگا ، نظام پر اعتماد کو بحال کرنا ہے ، آج مظفرآباد کارڈیک ہسپتال میں “سٹنٹنگ” ہو رہی ہے ، میڈیکل کالج اپنی شاندار عمارت میں جارہا ہے، کینسر ہسپتال بھی بنارہے ہیں ، اس حکومت کی طاقت یہ ہے کہ مجھےاپنے رب سے تجارت کرنا اچھا لگتا ہے ، اختیار مالک کی دین ہے جب تک مالک میرا اختیار رکھے گا اس وقت تک مجھے کوئی “ڈیلیورنس” سے نہیں روک سکتا ۔
Post Views: 1.
ذریعہ
ذریعہ: Daily Mumtaz
کلیدی لفظ: کشمیر چوہدری سوشل میڈیا نے کہا کے لیے کہا کہ
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار