جاپانی سفیر اکاماتسو شوچی کی جانب سے پاک جاپان ہیومن ریسورس اسٹیک ہولڈرز کے اعزاز میں تقریب
اشاعت کی تاریخ: 2nd, May 2025 GMT
پاکستان میں جاپان کے سفیر اکاماتسو شوچی نے اپنی رہائشگاہ پر پاک جاپان انسانی وسائل کے اسٹیک ہولڈرز کے لیے ایک تقریب منعقد کی جس میں تقریباً 70 شخصیات نے شرکت کی۔
یہ بھی پڑھیں: جاپان نے پاکستان میں بچوں کی تعلیم کے لیے کتنی امداد کا اعلان کیا ہے؟
مذکورہ مہمان جاپان میں روزگار کے مواقع اور پاکستانیوں کی ترقی اور سہولت کاری میں سرگرم عمل ہیں۔ شرکا میں چوہدری سالک حسین وزیر اوورسیز پاکستانیز اینڈ ہیومن وسائل کی ترقی، شزہ فاطمہ وزیر اطلاعات ٹیکنالوجی اور ٹیلی کمیونیکیشن، محمد عون ثقلین، وزیر مملکت برائے سمندر پار پاکستانی اور انسانی وسائل ترقی اور دیگر سرکردہ جاپانیوں اور پاکستانیوں کے نمائندے شامل تھے۔ اس فورم کا فوکس جاپان میں آئی ٹی، تعمیرات، زراعت اور مینوفیکچرنگ کے شعبوں میں ہنر مند پاکستانی لیبر کی بڑھتی مانگ پر تھا۔
اپنی استقبالیہ تقریر میں سفیر اکاماتسو نے کہا کہ مجھے یقین ہے کہ جاپان میں پاکستانی پیشہ ور افراد کی کامیابی ہے دوطرفہ تعلقات کے اہم ستونوں میں سے ایک ہے اور دونوں جاپانی اور پاکستانی سفارت خانے اس میں اپنا حصہ ڈالنے کے لیے پرعزم ہیں۔
انہوں نے توقع ظاہر کی کہ مسقتبل میں جاپان میں ہنر مند پاکستانیوں کے لیے مواقع میں اضافہ ہوگا۔
مزید پڑھیے: جاپانی کمپنی کراچی سمیت 3 ایئرپورٹس کے لیے ایکسپلوسو ڈیٹیکشن سسٹم فراہم کرے گی
تقریب سے خطاب کرتے ہوئے وفاقی وزیر سالک حسین نے دونوں ممالک کے درمیان تعاون بڑھانے کی ضرورت پر زور دیتے ہوئے کہا کہ اس سے پاکستانی پیشہ ور افراد کو جاپانی کارپوریٹ سیکٹر میں رسائی میں مدد ملے گی۔
وفاقی وزیر شزہ فاطمہ نے اپریل میں ٹوکیو میں ہونے والے جاپان آئی ٹی ویک میں پاکستانی آئی ٹی کمپنیوں کی کامیابی پر روشنی ڈالی جہاں 15 کمپنیوں نے 6 لاکھ ڈالر کی مالیت کے معاہدے حاصل کیے۔ انہوں نے کہا کہ ایسے مزید روڈ شوز کا انعقاد ہونا چاہیے۔
جاپان میں اور ڈیمانڈ سپلائی میچنگ پلیٹ فارم کی ترقی پر زور دیا۔
اس موقعے پرJICA, JETRO, Plus W سے تعلق رکھنے والے مقررین اور انگریزی و جاپانی روانی کے ساتھ بولنے والے
پاکستانی یونیورسٹی کا طالب علموں نے بھی اپنی رائے کا اظہار کیا۔
مزید پڑھیں: جاپان پاکستان کو مختلف منصوبوں کے لیے کتنی امداد دے گا؟
تقریب کا اختتام پاکستان اور جاپان کے اسٹیک ہولڈرز کے درمیان پائیدار اور طویل مدتی تعاون کو فروغ دینے کے عزم کے ساتھ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک جاپان ہیومن ریسورس اسٹیک ہولڈرز جاپان جاپانی سفیر اکاماتسو شوچی.
ذریعہ
ذریعہ: WE News
کلیدی لفظ: جاپان سفیر اکاماتسو اسٹیک ہولڈرز جاپان میں کے لیے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی