پاکستانی باکسر شہیر آفریدی کے مکوں سے بھارتی حریف رِنگ میں ڈھیر
اشاعت کی تاریخ: 3rd, May 2025 GMT
پاکستانی باکسر شہیر آفریدی نے بھارتی حریف کو شکست دے دی۔
میڈیا رپورٹس کے مطابق سندھ پولیس کے کمانڈو شہیرآفریدی نے بھارتی باکسرترجوت سنگھ باوا کو دھول چٹا دی، بھارتی باکسر چوتھے راؤنڈ میں ناک آؤٹ ہوگیا۔
شہیرآفریدی نے حریف باکسر پر مکوں کی بارش کی، بھارتی باکسر شہیر آفریدی کے مکے سہہ نہ سکا اور رِنگ میں ڈھیر ہوگیا۔
یہ بھی پڑھیں: پاکستانی باکسر عثمان وزیر نے بھارتی حریف کو پہلے راؤنڈ میں شکست دیدی
مڈل ویٹ کیٹیگری میں شہیر آفریدی کی یہ 18 ویں فائٹ تھی، اس کامیابی کے بعد سندھ پولیس سے تعلق رکھنے والے کمانڈو شہیر آفریدی دنیا کے 50 بہترین باکسر میں شامل ہوگئے۔
شہیر آفریدی نے اب تک 18 حریفوں کا سامنا کیا ہے، 16 مقابلوں میں کامیاب رہے ، ایک ہارے اور ایک برابر رہا جبکہ ان کے بھارتی حریف ترجوت سنگھ باوا پروفیشنل باکسنگ میں اب تک ناقابل شکست تھے۔
یہ بھی پڑھیں: 23 سال کی عمر میں پاکستانی باکسر نے حکومتی تعاون کے بغیر 26 تمغے کیسے جیتے؟
بھارتی باکسر کو ہرانے پر وزیراعلیٰ سندھ سید مراد علی شاہ نے شہیر آفریدی کو مبارکباد دی ہے اور ان کے لیے حکومت سندھ کی جانب سے انعامات کا اعلان کیا۔
مراد علی شاہ نے اپنے بیان میں کہا کہ سندھ پولیس کو شہیر آفریدی پر فخر ہے، شہیر آفریدی نے بھارتی حریف کو ناک آؤٹ کرکے سندھ اور پاکستان کا سر فخر سے بلند کردیا۔
یہ بھی پڑھیں: ورلڈ باکسنگ کونسل ایشیا ٹائٹل کا کامیاب دفاع، پاکستانی باکسر کے ہاتھوں بھارتی ناک آؤٹ
مقابلے سے قبل شہیر آفریدی نے کہا تھا کہ وہ صرف ایک باکسنگ فائٹ نہیں بلکہ قوم کی عزت کے لیے رنگ میں اتریں گے اور بھارتی غرور کو خاک میں ملانے کے لیے پوری تیاری کے ساتھ مقابلہ کریں گے۔
دونوں باکسرز کے درمیان ہونے یہ مقابلہ جنوبی ایشیا میں پروفیشنل باکسنگ کے فروغ کے لیے ایک اہم سنگِ میل سمجھا جا رہا تھا، جس کا شائقین کو بے چینی سے انتظار تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باکسر بھارت پاکستان ترجوت سنگھ باوا سندھ پولیس شہیر آفریدی کمانڈو.
ذریعہ
ذریعہ: WE News
کلیدی لفظ: باکسر بھارت پاکستان سندھ پولیس شہیر ا فریدی کمانڈو پاکستانی باکسر بھارتی باکسر شہیر ا فریدی بھارتی حریف شہیر آفریدی سندھ پولیس نے بھارتی کے لیے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار