دنیا کے امیر ترین امریکی سرمایہ دار وارن بوفے 60 برس بعد کمپنی سے مستعفی
اشاعت کی تاریخ: 4th, May 2025 GMT
دنیا کے مشہور سرمایہ کار وارن بوفے نے بالآخر اعلان کر دیا ہے کہ وہ 2025 کے آخر میں برکشائر ہیتھاوے کے چیف ایگزیکٹو آفیسر (CEO) کے عہدے سے ریٹائر ہو جائیں گے۔ 94 سالہ بوفے نے یہ اعلان کمپنی کے سالانہ شیئر ہولڈر اجلاس کے دوران کیا۔
بوفے نے گریگ ایبل کو اپنا جانشین مقرر کرتے ہوئے کہا کہ وہ اگرچہ مشاورتی کردار میں شامل رہیں گے، لیکن فیصلہ سازی کا مکمل اختیار اب ایبل کے پاس ہوگا۔ گریگ ایبل 2018 سے کمپنی کے نائب چیئرمین کے طور پر خدمات انجام دے رہے ہیں اور 2021 میں باضابطہ طور پر وارن کے جانشین نامزد کیے گئے تھے۔
ایبل اس وقت کمپنی کے غیر انشورنس کاروبار جیسے BNSF ریلوے، Geico، اور Dairy Queen کی نگرانی کرتے ہیں۔
یہ فیصلہ ایسے وقت میں آیا ہے جب برکشائر کی کارکردگی شاندار ہے۔ کمپنی کا اسٹاک اس سال اب تک 19 فیصد اضافہ دکھا چکا ہے، جو مارکیٹ کی اوسط سے کہیں زیادہ ہے۔ برکشائر اس وقت تقریباً 200 کاروبار اور 264 ارب ڈالر کی اسٹاک ہولڈنگز رکھتی ہے، جن میں ایپل، بینک آف امریکہ، اور امریکن ایکسپریس جیسے بڑے ادارے شامل ہیں۔
وارن بوفے کے فیصلے پر کاروباری دنیا کی بڑی شخصیات جیسے جے پی مورگن کے سی ای او جیمی ڈائمن اور ایپل کے سی ای او ٹم کُک نے تعریفی کلمات کہے۔
وارن کے بیٹے ہاورڈ کو کمپنی کا نان ایگزیکٹو چیئرمین بنایا جائے گا جبکہ وارن نے واضح کیا کہ وہ اپنے حصص نہیں بیچیں گے اور گریگ ایبل پر مکمل اعتماد رکھتے ہیں۔
اس اعلان کے بعد برکشائر کے مداحوں میں ملے جلے جذبات دیکھنے کو ملے، بہت سے افراد نے اسے "ایک دور کا اختتام" قرار دیا۔
ذریعہ: Express News
پڑھیں:
ایس آئی ایف سی کے 2 سال؛ ملک میں سرمایہ کاری، ترقی اور اصلاحات کا کامیاب سفر
معاشی استحکام، پائیدار ترقی اور سرمایہ کاری کے فروغ میں کلیدی کردار ادا کرنے والے اسپیشل انویسٹمنٹ فسیلیٹیشن کونسل (ایس آئی ایف سی) کے قیام کو 2 سال مکمل ہو گئے۔
ایس آئی ایف سی نے 2 برس کے دوران نمایاں کامیابیاں سمیٹی ہیں۔ ادارے کی حکمت عملی نے معاشی میدان میں مثبت نتائج دیے، جن میں مختلف شعبوں میں اربوں روپے کی سرمایہ کاری، اصلاحات کا آغاز اور بین الاقوامی سرمایہ کاروں کا اعتماد شامل ہے۔
معدنی شعبے میں طویل المدتی سرمایہ کاری کے معاہدے نہ صرف ملک کی زمینی دولت کو استعمال میں لانے کی جانب پیش قدمی ہیں بلکہ معاشی خود انحصاری کی طرف اہم سنگِ میل بھی ثابت ہو رہے ہیں۔
اسی طرح زرعی میدان میں کارپوریٹ فارمنگ کو فروغ دے کر برآمدی اشیا کی پیداوار میں اضافہ ممکن بنایا گیا ہے جب کہ ’’گرین پاکستان انیشیٹو‘‘کے تحت اسمارٹ زراعت کا آغاز، بی ٹو بی سرمایہ کاری اور نہروں کی مرمت جیسے اقدامات پانی کی منصفانہ ترسیل اور زرعی پیداوار میں بہتری کا باعث بنے ہیں۔
ایس آئی ایف سی نے آئی ٹی اور ٹیلی کام سیکٹر میں بھی پاکستان کو عالمی سطح پر متعارف کروانے میں اہم کردار ادا کیا۔ ڈیجیٹل معیشت کو فروغ دینے کے لیے ٹھوس اقدامات کیے گئے جن سے اسٹریٹیجک شراکت داریوں کی راہ ہموار ہوئی۔
ادارے کی زیرو ٹالرنس پالیسی کے تحت ذخیرہ اندوزی اور اسمگلنگ کے خلاف سخت کارروائیاں عمل میں لائی گئیں، جس سے اشیائے ضروریہ کی دستیابی اور مارکیٹ میں توازن قائم ہوا۔ صنعتی ترقی، سیاحت کے فروغ اور سرکاری اداروں کی نجکاری جیسے اقدامات بھی ان 2 برس کا اہم حاصل رہے۔ توانائی اور قابلِ تجدید ذرائع کے شعبوں میں اصلاحات کے ذریعے پائیدار ترقی کی مضبوط بنیاد رکھی گئی۔
ایس آئی ایف سی نے سلامتی، شفافیت اور مؤثر حکمت عملی کو یکجا کر کے ایک ایسا نظام وضع کیا جس نے پاکستان کی معاشی سمت کو درست کرنے میں عملی کردار ادا کیا۔ یہ دو سال نہ صرف کامیابیوں سے بھرپور رہے بلکہ آنے والے وقت کے لیے بھی امید اور اعتماد کی مضبوط بنیاد فراہم کرتے ہیں۔
وفاقی بجٹ متوازن اور عوام دوست ہے، عبدالروف چوہدری