اسرائیلی کابینہ نے پورے غزہ پر قبضے کا منصوبہ منظور کر لیا، رپورٹ
اشاعت کی تاریخ: 5th, May 2025 GMT
بن یامین نتن یاہو کی کابینہ نے حماس کے خلاف اسرائیل کی جارحانہ کارروائی کے بڑے پیمانے پر پھیلاؤ کی منظوری دے دی ہے، جس کے تحت پورے غزہ کی پٹی پر قبضہ کر لیا جائے گا اور اسرائیلی فورسز وہاں غیر معینہ مدت تک تعینات رہیں گی۔
دو اسرائیلی حکام نے ایسوسی ایٹڈ پریس کو بتایا کہ یہ فیصلہ پیر کی صبح کے اوائل میں ووٹنگ کے ذریعے ہوا۔
اس اقدام کے نتیجے میں لاکھوں فلسطینیوں کو جنوبی غزہ کی طرف دھکیل دیا جائے گا، جو پہلے ہی انسانی بحران سے دوچار علاقے میں صورت حال کو مزید سنگین بنا دے گا، اور اس فیصلے پر بین الاقوامی سطح پر شدید تنقید متوقع ہے۔
اس سے قبل اسرائیلی فوج کے سربراہ ایال زمیر نے کہا تھا کہ اسرائیل دفاعی افواج (IDF) قیدیوں کی واپسی کو یقینی بنانے کے لیے ’دباؤ میں اضافہ‘ کر رہی ہیں جب کہ وزیراعظم نے حملے جاری رکھنے کے عزم کا اظہار کیا۔
فوجی سربراہ نے اتوار کو کہا ’اس ہفتے ہم اپنے ریزرو اہلکاروں کو دسیوں ہزار ڈرافٹ آرڈرز بھیج رہے ہیں تاکہ غزہ میں اپنی کارروائیوں کو تیز اور وسیع کیا جا سکے۔ ہم اپنے لوگوں کی واپسی اور حماس کی شکست کے لیے دباؤ بڑھا رہے ہیں۔
انہوں نے مزید کہا کہ اسرائیلی فوج ’مزید علاقوں میں کارروائی کرے گی اور حماس کے تمام زمینی اور زیر زمین انفراسٹرکچر کو تباہ کرے گی۔‘
اتوار کو ایک ویڈیو پیغام میں، جسے سوشل میڈیا پلیٹ فارم ایکس پر جاری کیا گیا، نتن یاہو نے بتایا کہ ایرانی حمایت یافتہ حوثی ملیشیا کی جانب سے یمن سے داغا گیا ایک میزائل اسرائیل کے بین گوریون ہوائی اڈے کے قریب گرا۔
اس کے بعد نتن یاہو نے کہا کہ وہ غزہ میں حملوں کے ’اگلے مرحلے‘ پر بات کرنے کے لیے سکیورٹی کابینہ کا اجلاس طلب کر رہے ہیں۔
نیوز سائٹ Ynet کے مطابق، نتن یاہو نے ’دسیوں ہزار‘ ریزرو اہلکاروں کو طلب کیا ہے، جنہیں لبنان کی سرحد اور مقبوضہ مغربی کنارے پر تعینات کیا جائے گا، جب کہ پیشہ ور فوجی غزہ میں نئے آپریشن کی قیادت کریں گے۔
سکیورٹی کابینہ نے غزہ میں امداد کی تقسیم کے لیے ایک نئے منصوبے کی بھی منظوری دی، اگرچہ یہ واضح نہیں کہ امدادی سامان کب غزہ میں داخل ہونے دیا جائے گا۔
رپورٹس کے مطابق اس وقت اسرائیلی فوج کی تین ڈویژنز غزہ میں سرگرم عمل ہیں۔ نتن یاہو کی حکومت کئی بار انتباہ کر چکی ہے کہ اگر قیدیوں کے حوالے سے نیا معاہدہ طے نہیں پایا تو فوج ایک بڑی کارروائی شروع کرے گی جس کا مقصد حماس کا خاتمہ ہو گا۔
اب تک 59 قیدیوں کی رہائی کے لیے فائر بندی کے مذاکرات ناکام ہو چکے ہیں، جن میں سے 24 کے زندہ ہونے کا یقین ہے۔
اسرائیلی قیدیوں کے خاندانوں نے کہا ہے کہ پورے غزہ پر قبضے کے منصوبے کے ذریعے فوج ان کے پیاروں کی ’قربانی‘ دے رہی ہے۔
’یرغمالیوں اور لاپتہ افراد کے خاندانوں کے فورم‘ نے ایک بیان میں کہا ’قوم کی زبردست اکثریت اس بات پر متفق ہے کہ اسرائیلی فتح کا تصور یرغمالیوں کی واپسی کے بغیر ممکن نہیں۔ اگر ہم یرغمالیوں کو کھو بیٹھے تو یہ اسرائیل کی شکست ہو گی۔‘
بیان میں مزید کہا گیا کہ کابینہ کی منظور کردہ اس حکمت عملی کو ’سموتریچ-نتن یاہو منصوبہ‘ کہا جانا چاہیے، کیونکہ یہ یرغمالیوں کی قربانی پر مبنی ہے۔
مقامی میڈیا نے اطلاع دی ہے کہ غزہ میں یہ عسکری توسیع امریکی صدر ڈونلڈ ٹرمپ کے اگلے ہفتے خطے کے دورے کے بعد عمل میں لائی جائے گی۔
ٹرمپ اسرائیل کا دورہ نہیں کریں گے بلکہ مئی کے وسط میں سعودی عرب، قطر اور متحدہ عرب امارات میں بات چیت کریں گے۔
حماس نے اسرائیل پر اس مرحلہ وار امن معاہدے کو چھوڑنے کا الزام عائد کیا ہے جو مارچ کے اوائل میں مذاکرات کی ناکامی کے بعد ختم ہو گیا تھا۔
اسرائیل نے تقریباً دو ہفتے بعد 18 مارچ کو غزہ پر فضائی حملے دوبارہ شروع کر دیے تھے۔
تب سے اسرائیلی فوج نے بمباری تیز کر دی ہے اور غزہ میں بڑے بفر زون قائم کر دیے ہیں، جس کے نتیجے میں 23 لاکھ کی آبادی کو غزہ کے مرکزی حصے اور ساحلی علاقوں میں مزید تنگ اور امداد کی ترسیل بند کر دی گئی ہے۔
نومبر 2023 سے اب تک 192 قیدیوں کو مذاکرات اور فوجی کارروائیوں کے ذریعے رہا کروایا جا چکا ہے۔
زیادہ تر افراد سات اکتوبر، 2023 کو اس وقت اغوا کیے گئے تھے جب حماس کے زیر قیادت عسکریت پسندوں نے جنوبی اسرائیل پر حملہ کر کے تقریباً 1,200 افراد کو مار دیا تھا، جن میں اکثریت عام شہریوں کی تھی،
اسرائیل کے جوابی حملے نے غزہ کے بیشتر علاقوں کو کھنڈر بنا دیا ہے اور حماس کے زیرانتظام وزارت صحت کے مطابق، اب تک 51,000 سے زائد فلسطینی قتل ہو چکے ہیں۔
ہفتے کے آخر میں اسرائیلی وزیراعظم کے دفتر نے اعلان کیا کہ نتن یاہو نے آذربائیجان کا دورہ مؤخر کر دیا ہے، جس کی وجہ غزہ اور شام میں تازہ پیش رفت بتائی گئی ہے۔
وزیراعظم کے دفتر نے ’سفارتی اور سکیورٹی شیڈول‘ کو بھی وجہ قرار دیا، تاہم دورے کی نئی تاریخ کا اعلان نہیں کیا گیا۔ نتن یاہو کو اس ہفتے آذربائیجان کے صدر الہام علیئیف سے ملاقات کرنا تھی۔
ذریعہ
ذریعہ: Daily Mumtaz
پڑھیں:
کے فور منصوبہ مزید تاخیر کا شکار، 2029 تک مکمل ہونے کا امکان
کراچی میں اضافی پانی کا منصوبہ کے فور کی تکمیل میں مزید تین سال لگ سکتے ہے جبکہ منصوبے کا اصل کام تو ابھی شروع ہی نہیں ہوا جب وہ ہوگا تو شہر کی مرکزی سڑکیں متاثر ہوگی۔
ایکسپریس نیوز کو واٹر کارپوریشن حکام کے سینئر افسران نے اس کی تصدیق کی کہ منصوبے میں مزید ڈھائی سال لگ سکتے ہے، اگر کام اسی طرح ہوتا رہے تو اس منصوبے میں وفاق، سندھ حکومت ، بین الاقومی مالیتی اداروں کی فنڈنگ بھی کی گئی۔
حکام نے بتایا کہ 12 سال پہلے یہ منصوہہ 25 ارب روپے مکمل ہو جانا تھا تاہم اب اس کی لاگت 200 ارب روپے سے زائد ہوچکی ہے اور آنے والے وقت تخمینی لاگت میں مزید اضافہ کا بھی امکان ہے۔
تفصیلات کے مطابق کراچی میں پانی کی طلب 1ارب 20 کروڑ گیلن ہے جبکہ رسد 65 کروڑ گیلن ہے شہر کو مزید پانی فراہم کر نے کے لئے کے فور منصوبہ بنانے کا اعلان کیا تھا لیکن حکومتین تبدیل ہوتی رہی لیکن یہ منصوبہ 20 سال سے زیر التواء ہے۔
2014 میں اس منصوبے کو وفاق اور سندھ حکومت نے مل کر بناناتھا جس کی لاگت 25 ارب روپے بتا ئی گئی تھی لیکن پھر کھٹائی میں پڑ گیا تاہم پھر اس کو واپڈ کو دیا گیا اور اس کی مکمل ہونے کی ڈیڈ لائن بھی دی گئی لیکن اس میں مکمل نہیں ہوسکا۔
کئی ڈیڈ لائن گزر گئیں لیکن منصوبہ مکمل نہیں ہوسکا تاہم اب وفاقی وزیر احسن اقبال نے دسمبر 2026 کی ڈیڈ لائن دی ہے۔ ایکپسریس نیوز نے مختلف ذرائع سے جو تفصیلا ت حاصل کیں ان کے مطابق کے فور منصوبہ 2026 میں بھی مکمل نہیں ہوسکے گا اس کی مکمل ہونے کا امکان 2029 کی جنوری تک ہے۔
ایک ذرائع نے بتایا کہ اگر کام اسی رفتار سے کام چلتا رہا تو نومبر 2025 کو آگمیٹیشن کام نیپا چورنگی سے شروع ہوا جو حسن اسکوائر تک محیط ہے، اس کی لمبائی 2 اعشاریہ 7 کلو میٹر طویل ہے اب تک مکمل نہیں ہوسکا کیونکہ یہ تو صرف ابتداء ہے اصل کام تو آر ون، آر ٹو، آر تھری کا کام جو اب تک شروع ہی نہیں ہوا۔
سب سے حیرت انگیز بات یہ ہے کہ ان کا ٹھیکہ ہی نہیں ہوسکا کہ کام کون کریں گا آر ون ،آر ٹو ، آر تھری ہے کیا یہ ریروائر کی لائنیں ہے آر ون 26 کلومیٹر طویل ہے ، آر ٹو40کلومیٹر طویل ہے جبکہ آرتھری 28 کلومیٹر طویل بتائی جا تی ہے۔
یہ لائنیں شہر کے وسط سے ہوتی ہوئی گزریں گی ان لائنوں کا مختلف نمبرز دئیے گئے ہے یہ لائنیں ڈلنے کے بعد ہی کراچی کو اضافی پانی مل سکے گا جب لائنوں کا مکمل شروع ہوگا تو شہر کی اہم شاہراہوں کو کھودنا پڑے گا، جس میں 72 انچ اور 96 انچ کی لائنیں ڈالی جا ئیں گی۔
صرف ایک روڈ آر ٹو کی تفصیلات فراہم کرر ہے ہیں یہ ریزر وائر ٹو نادرن بائی سے واپڈ کے ڈبلیو ایس ایس آئی پی کے سپرد کریں گی جو کھدائی کرتی ہوئی۔
نادرن بائی پاس، ٹول پلازہ سے سپرہائی وے ، پھر جنجال گوٹھ سے ہوتی ہوئی سہراب گوٹھ ، وہاں سے ابوالحسن اصفہانی روڈ ، ڈسکو بیکری سے ہوتی ہے گلشن چورنگی ، رب میڈیکل سے ہوتی ہوئی ہے سرسید یونی ورسٹی سےنیپا چورنگی پر آگمینٹیشن سے منسلک کیا جا ئے گا۔
پھر یہ حسن اسکوائر سے ہوتا ہوا غریب آباد ، لیا قت آباد ، ناظم آباد، حبیب بنک چورنگی ، سے ہوتی ہوئی گلبائی تک جا ئیں گی، یہ راستہ ہے (آر ٹو) ریزر وائر ٹو کے فور کے لئے ڈالی جانی والی لائن اس کے لئے جب لائن ڈالنے کا کام ہو گا تو کھدائی ہوگی جس میں 72 انچ اور کسی مقام پر 96 انچ کی لائن ڈالی جا ئیں گی۔
اندازہ لگانا مشکل نہیں یہ 94 کلو میٹر کی لائنیں ڈالنے کے لئے 80 ارب روپے لگے اس کے لئے 2 بین الاقومی مالیتی ادارے 80 فیصد قرضے کی صورت میں فنڈ فراہم کر یں گے جبکہ 20 فیصد فنڈ سندھ حکومت فراہم کر یگا۔
ذرائع کا کہنا ہے کہ یہ 80 ارب روپے صرف آرون، آرٹو، آر تھری کی لائنیں ڈالنے میں خرچ ہوں گے جبکہ 124 ارب ٹرانسمیشن لائن، پمپنگ اسٹیشنز، فلٹر پلانٹٹس اور دیگر کاموں میں خرچ ہوں گے۔
ذرائع کا کہنا ہے کہ کے فور منصوبے پر وفاق کی جانب سے تین کام کئے جا نے ہے جن میں ٹراسمیشن لائن ، پمپنگ اسٹیشن اور فلٹر پلانٹ بنا نے کے کام کی ذمہ داری ہے جبکہ سندھ حکومت کے پاس چار کام کرنے تھے اس میں اراضی مہیا کرنا، آگمینٹیشن ، الیکٹرک سپلائی اور اری گیشن کی ذمہ داری تھی جو کینچھر جیل سے پانی فراہم کرنے میں مدد کریگا۔
ذرائع کا کہنا ہے کہ اس منصوبے کا ابھی بہت کام کرنا باقی ہے آگمیٹیشن کانیپا سے حسن اسکوائر کا نومبر 2025 سے اب تک کام مکمل نہیں ہوسکا بلکل بین الاقومی مالیتی ادارے نے اس کو غیر معیا ری قرار دے دیا ہے اور ابھی تو بہت کام باقی جب یہ لائنیں شہر کی مرکزی راستوں میں ڈالی جا ئیں گی اس وقت شہریوں کو آمد ورفت میں مزید مشکلا ت کا سامنا کرنا پڑیگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ