ٹک ٹاک کے جنون میں 10 سالہ بچہ ریلوے ٹریک پر جان سے کھیل گیا
اشاعت کی تاریخ: 6th, May 2025 GMT
یاسر عرفات: نارووال میں ٹک ٹاک کا جنون بچوں میں بھی خطرناک حد تک بڑھنے لگا، بدومہلی ریلوے اسٹیشن پر ایک 10 سالہ بچہ ریلوے ٹریک عبور کرتے ہوئے تیز رفتار ٹرین کے انجن سے بال بال بچ گیا۔
تفصیلات کے مطابق واقعہ بدومہلی ریلوے اسٹیشن پر پیش آیا جہاں ایک کمسن بچہ ریلوے لائن عبور کرنے کی کوشش کر رہا تھا اس دوران پیچھے سے تیز رفتار ٹرین آتی دکھائی دی لیکن بچہ انجن کے بالکل قریب سے گزر کر معجزانہ طور پر محفوظ رہا۔ واقعے کی ویڈیو سوشل میڈیا پر وائرل ہو گئی ہے جس میں بچے کی جان لیوا حرکت کو واضح طور پر دیکھا جا سکتا ہے۔
اسٹیٹ بینک نے شرح سود میں ایک فیصد کمی کردی
شہریوں نے اس واقعے پر گہری تشویش کا اظہار کرتے ہوئے والدین سے اپیل کی ہے کہ وہ اپنے بچوں پر نظر رکھیں اور انہیں اس طرح کے خطرناک اور جان لیوا اقدامات سے روکیں جو صرف چند لمحوں کی ویڈیو کے لیے اپنی زندگی کو داؤ پر لگا دیتے ہیں۔
واضح رہے کہ حالیہ مہینوں میں بچوں اور نوجوانوں کے درمیان ٹک ٹاک ویڈیوز کے لیے خطرناک اسٹنٹس کرنے کا رجحان تیزی سے بڑھ رہا ہے، جس کے باعث کئی جانیں ضائع بھی ہو چکی ہیں۔
یہ اپریل ہسٹری کا گرم ترین اپریل کیوں تھا
ذریعہ: City 42
پڑھیں:
مودی سرکار کا جنگی جنون بے قابو، خطے کا امن خطرے میں ڈالنے کی نئی کوششیں بے نقاب
ہندوتوا کے نظریے پر گامزن بھارتی حکومت کے جنگی عزائم ایک بارپھرکھل کرسامنے آگئے ہیں، انتہا پسند مودی سرکار نے اپنے عسکری جنون کی ایک اورجھلک دکھاتے ہوئے انڈین آرمی کو بھاری جنگی سازوسامان سے لیس کرنے کی تازہ کارروائیوں کا آغاز کردیا ہے۔
بھارتی میڈیا کے مطابق انڈین آرمی نے 212 عدد 50 ٹن وزنی ٹینک ٹرانسپورٹر ٹریلرز کی خریداری کے لیے 224 کروڑ روپے مالیت کا معاہدہ کیا ہے، یہ معاہدہ ’آتم نربھربھارت‘ یعنی خود انحصار بھارت کے نام نہاد منصوبے کے تحت اینجسکیڈس ایروسپیس کمپنی کے ساتھ کیا گیا ہے۔
یہ بھی پڑھیں:بھارت کا جنگی جنون، پاکستانی مسلح افواج اور قوم کا دندان شکن جواب تیار
یہ ٹریلرزجدید ہائیڈرولک اورپنیومیٹک لوڈنگ ریمپس سے لیس ہیں اورانہیں بھاری ٹینکوں اورجنگی گاڑیوں کی تیز رفتاراورمحفوظ نقل و حرکت کے لیے تیار کیا گیا ہے۔ تجزیہ کاروں کے مطابق یہ اقدام بھارت کی جنگی تیاریوں میں غیر معمولی تیزی کا مظہر ہے، جو نہ صرف پاکستان بلکہ خطے کے دیگر ہمسایہ ممالک کے لیے بھی سنگین خطرے کی گھنٹی ہے۔
دوسری جانب، مودی حکومت کی جانب سے نوجوانوں کو عسکری ذہنیت اپنانے پر آمادہ کرنے کی خطرناک کوششیں بھی سامنے آئی ہیں۔ بھارتی میڈیا نے انکشاف کیا ہے کہ انڈین آرمی نے لداخ میں نیشنل کیڈٹ کور کے کیڈٹس کے لیے آرمی اٹیچمنٹ اورتربیتی کیمپ کا انعقاد کیا۔
مزید پڑھیں:بھارت میں جنگی جنون عروج پر، ریاستِ بہار میں بلیک آؤٹ اور جنگی ڈرل کا اعلان
ان کیمپس میں نوجوانوں کو ہتھیار چلانے، نقشہ خوانی اور جسمانی فٹنس کی خصوصی تربیت دی گئی، تجزیہ نگاروں کے مطابق یہ کیمپ محض تربیت نہیں بلکہ ایک جارحانہ ذہن سازی کا حصہ ہیں، جس کا مقصد بی جے پی اور آر ایس ایس کے ہندوتوا ایجنڈے کو فروغ دینا اور قوم کو ایک جنگی مشین میں تبدیل کرنا ہے۔
ماہرین کا کہنا ہے کہ بھارت کی جانب سے اسلحہ سازی، جنگی مشقوں میں اضافہ اور نوجوانوں کی عسکری ذہن سازی دراصل مودی حکومت کے مذموم سیاسی عزائم کی عکاسی کرتے ہیں، جو عوامی توجہ معاشی بحرانوں سے ہٹانے کے لیے قومی وسائل کو جنگی جنون کی بھینٹ چڑھا رہی ہے۔
مزید پڑھیں:بھارتی جنگی جنون، افواہوں کا بازار گرم
بین الاقوامی مبصرین خبردار کر چکے ہیں کہ اس قسم کے اقدامات سے جنوبی ایشیا میں عدم استحکام بڑھ سکتا ہے اور امن و ترقی کے امکانات کو شدید دھچکا پہنچ سکتا ہے۔
پاکستان کی جانب سے بارہا واضح کیا جا چکا ہے کہ وہ کسی بھی بھارتی مہم جوئی کا بھرپوراورمؤثرجواب دینے کی مکمل صلاحیت رکھتا ہے اور خطے میں امن کی ہرکوشش کومودی سرکارکے جنگی جنون کے ہاتھوں یرغمال بننے نہیں دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آتم نربھربھارت انڈین آرمی بھارت پاکستان جنوبی ایشیا عسکری جنون مودی سرکار ہندوتوا
نفرت انگیز بیانیہ معاشرے کیلئے زہر قاتل ہے، راغب نعیمی