بھارت نے شہری علاقوں کو نشانہ بنا کر انتہا پسندانہ سوچ کو عیاں کر دیا، گورنر گلگت بلتستان
اشاعت کی تاریخ: 7th, May 2025 GMT
ایک بیان میں سید مہدی شاہ نے پاک فضائیہ کی جانب سے منہ توڑ جواب دیکر بھارت کے چھ جنگی جہاز گرانے پر پاک فضائیہ کی کارکاردگی کو سراہا اور شاباش دی جبکہ اٹلری کی جانب سے خاکی ٹیکری پوسٹ تباہ کرنے پر افواج پاکستان کو خراج تحسین پیش کیا۔ اسلام ٹائمز۔ گورنر گلگت بلتستان سید مہدی شاہ نے پاکستانی شہروں بہاولپور، کوٹلی اور مظفرآباد پر بھارت کے میزائل حملوں کی شدید مذمت کرتے ہوئے اسے دہشتگردی، جارحیت اور علاقائی امن کے لیے سنگین خطرہ قرار دیا ہے۔ ایک بیان میں سید مہدی شاہ نے پاک فضائیہ کی جانب سے منہ توڑ جواب دیکر بھارت کے چھ جنگی جہاز گرانے پر پاک فضائیہ کی کارکاردگی کو سراہا اور شاباش دی جبکہ اٹلری کی جانب سے خاکی ٹیکری پوسٹ تباہ کرنے پر افواج پاکستان کو خراج تحسین پیش کیا۔ سید مہدی شاہ نے کہا کہ بھارت کی طرف سے اس طرح کی اشتعال انگیزی ناقابل قبول ہے اور پاکستان کے عوام اور مسلح افواج کسی بھی قسم کی دشمنی کا بھرپور اور فیصلہ کن جواب دینے کے لیے پوری طرح تیار ہیں۔ بھارت نے پاکستان کے رہائشی علاقوں کو نشانہ بنا کر معصوم بچوں اور خواتین کو شہید کیا جو کہ گجرات کے قصاب مودی کی انتہا پسندانہ سوچ کو عیاں کر رہا ہے۔ پاکستانی علاقوں کو نشانہ بنانے پر گہری تشویش کا اظہار کرتے ہوئے انہوں نے عالمی برادری پر زور دیا کہ وہ بھارت کی لاپرواہی اور غیر ذمہ دارانہ رویے کا فوری نوٹس لے۔ گورنر گلگت بلتستان نے امن کے لیے پاکستان کے غیر متزلزل عزم کا اعادہ کیا لیکن خبردار کیا کہ کسی بھی جارحیت کا پوری طاقت سے مقابلہ کیا جائے گا۔ پاکستان کی مسلح افواج بھارت کے حملوں کا بھرپور جواب دے گی، وطن عزیز کی سالمیت اور خود مختاری پر حملہ کرنے والے منہ کی کھائیں گے۔
.ذریعہ: Islam Times
کلیدی لفظ: سید مہدی شاہ نے پاک فضائیہ کی کی جانب سے بھارت کے نے پاک
پڑھیں:
پاکستان ایک ذمہ دار جوہری ریاست ہے ،پاک فوج نے بھارت کو پیشہ وارانہ انداز میں منہ توڑ جواب دے کر ملک وقوم کا سر فخر سے بلند کردیا ،شازیہ مری
اسلام آباد (اُردو پوائنٹ اخبارتازہ ترین - اے پی پی۔ 20 جون2025ء) پاکستان پیپلز پارٹی کی مرکزی ترجمان شازیہ مری نے کہا ہے کہ پاکستان ایک ذمہ دار جوہری ریاست ہے،پاک فوج نے بھارت کو پیشہ وارانہ انداز میں منہ توڑ جواب دے کر نہ صرف ملک وقوم کا سر فخر سے بلند کردیا بلکہ دنیا پر ثابت کردیا کہ وہ دشمن کےناپاک عزائم کو خاک میں ملانے کی بھر پور صلاحیت رکھتی ہے، دنیا کے سامنے بھارتی چہرہ بے نقاب کرکے کامیاب دورے سے آج واپسی پر بلاول بھٹو زرداری کا کراچی میں والہانہ استقبال کیا جائے گا۔ پارلیمنٹ ہائوس کے باہر میڈیا سے گفتگو کرتے ہوئے انہوں نے کہا کہ بلاول بھٹو زرداری نے اعلیٰ سطحی پارلیمانی وفد کے ہمراہ امریکاسمیت یورپ کے مختلف ممالک کے 11روزہ دورے میں اقوام عالم کو پہلگام واقعہ کی سچائی بتا کر بھارت کا مکروہ چہرہ بے نقاب کیا ۔(جاری ہے)
انہوں نے کہا کہ وزیراعظم محمد شہباز شریف نے سابق وزیر خارجہ بلاول بھٹو زرداری کی نوجوان قیادت کو جو مشن سونپا وہ انہوں نے کامیابی سے پورا کیا، وفد نے مجموعی طور پر 64 اعلیٰ سطحی ملاقاتیں کیں جن میں امریکی اراکین پارلیمنٹ ، تھنک ٹینکس اور سفارتی مشنز سے ملاقاتیں شامل تھیں اور پوری دنیا کو بھارتی فالس فلیگ آپریشن اور اس کی جارحیت اور سندھ طاس معاہدے کو منسوخ کرنے کے غیر قانونی یک طرفہ اقدامات سے آگاہ کیا۔
دوسری جانب بھارت نے بھی ایک وفد بھیجا جو اپنی کمیونٹی کے لوگوں کے ساتھ کھانے کھاتے اور گانے گاتے دکھائی دیئے اور کسی تھنک ٹینک نے ان کی آواز نہیں سنی۔ شازیہ مری نے کہا کہ پہلے دن سے کہہ رہے ہیں کہ پہلگام واقعہ فالس فلیگ آپریشن تھا،مودی کا کیس صرف پروپیگنڈہ ہے جبکہ پاکستان کا کیس سچا ہے۔ بلاول بھٹو زرداری نے بتایا کہ ہم امن کے خواہ ہیں، پاکستان ہی وہ ملک ہے جو دہشت گردی کا خاتمہ چاہتا ہے جبکہ بھارت نے ہمیشہ من گھڑت بیانات کے ذریعے سازشیں کیں، اب دنیا بھارت کی حقیقت جان چکی ہے ۔ شازیہ مری نے کہا کہ ایک عرصہ بعد ایسا ہوا ہے کہ دنیا پاکستان کو سنجیدہ لے رہی ہے ۔ شازیہ مری نے کہا کہ بلاول بھٹو زرداری کی عالمی میڈیا کے ساتھ 17 ملاقاتیں ہوئیں اور بلاول بھٹو کی اس کامیاب دورے کے بعد آمد آج متوقع ہے جس کے لئے کراچی میں ان کے استقبال کے لئے لوگوں کا ہجوم ہے ۔ پاکستان پیپلز پارٹی کی ترجمان نے کہا کہ وہ ایک پاکستانی کی حیثیت سے پاکستان کا کیس لڑنے گئے تھے ، بلاول بھٹو نے پاکستان کے عوام کا سر فخر سے بلند کیا ہے۔ شازیہ مری نے کہا کہ ہمیں اپنی پاک افواج پر فخر ہے جنہوں نے بہترین صلاحیت کا مظاہرہ کیا ،ہمیں اطمینان ہے کہ ہمارا دفاع مضبوط ہے، بلاول بھٹو سب سے کم عمر وزیر خارجہ رہے ،ان کی سفارتی صلاحیتوں کو مدنظر رکھتے ہوئے وزیراعظم محمد شہباز شریف نے ان کی قیادت میں پارلیمانی وفد تشکیل دیا جس پر ہم وزیراعظم کے بھی شکر گزار ہیں ، بلاول بھٹو اور ان کی ٹیم کی اہم ممالک سے ملاقاتیں ہوئیں ، امریکاکے دورے کے دوران انہوں نے امریکی سینیٹ اور کانگریس کے 25ممبران سے ملاقاتیں کیں، بلاول بھٹو زرداری نے غزہ میں جاری بربریت کی بھی مذمت کی اور فلسطینیوں سے یکجہتی کا اظہار کیا، بلاول بھٹو نے ایران کے خلاف حالیہ اسرائیلی جارحیت کی بھی مذمت کی اور ایران کے عوام کے ساتھ اظہار یکجہتی کیا ۔
عالمی مالیاتی اداروں کا پاکستان پر اعتماد، ریکوڈک میں سرمایہ کاری جاری