پاک فضائیہ نے نانی یاد دلادی؛ بھارتی فوج نے مزید سیکٹرز پر بھی گھٹنے ٹیک دیے؛ ویڈیوز دیکھیں
اشاعت کی تاریخ: 7th, May 2025 GMT
رات کی تاریکی میں بھارت کے حملے کے جواب میں پاک فضائیہ نے دشمن کو نانی یاد دلادی، جس پر بھارتی فوج نے مزید سیکٹرز پر بھی گھٹنے ٹیک دیے۔
بھارتیوں نے چکوٹھی سیکٹر پر بھی سفید پرچم لہرا دیا
سکیورٹی ذرائع کے مطابق بھارت کی جانب سے بزدلانہ حملے کے بعد پاک فضائیہ کی جانب سے دشمن کو منہ توڑ جواب دیا گیا ہے، جس کے نتیجے میں لائن آف کنٹرول کے چکوٹھی سیکٹر میں بھی بھارتی فوج نے سفید جھنڈا لہرا دیا، جس کا مطلب گھٹنے ٹیکتے ہوئے شکست کو تسلیم کرنا ہے۔
بھارتی فوج کی بزدلانہ کارروائیوں کا پاک فوج بھرپور انداز سے جواب دے رہی ہے۔
ایل او سی پر مزید بھارتی پوسٹیں تباہ
بھارتی حملے کے بعد پاک فوج نے لائن آف کنٹرول پر مزید بھارتی پوسٹیں تباہ کردیں۔
سکیورٹی ذرائع کے مطابق لائن آف کنٹرول پر پاک فوج کی موثر جوابی کارروائیاں جاری ہیں۔ ایل او سی پر بٹل سیکٹر میں دشمن کی دھرمسل -1اور 2 پوسٹیں بھی تباہ کردی گئی ہیں۔
اسی طرح لائن آف کنٹرول کے نیزہ پیر سیکٹر کےمقابل بھارتی فوج کی شاہپور -3 پوسٹ بھی تباہ کردی گئی ہے۔ دشمن کی پوسٹوں کو مارٹر گولوں سے نشانہ بنایا گیا ہے اور بھارتی پوسٹیں دھویں کے بادلوں میں لپٹ گئی ہیں۔
سکیورٹی ذرائع کا کہنا ہے کہ بھارتی جارحیت کا پاک فوج اُسی کی زبان میں جواب دے رہی ہے۔ پاکستان کی مسلح افواج کی جوابی کارروائیوں میں دشمن کا بھاری نقصان ہو رہا ہے۔
بھارتی خاکی ٹیکری پوسٹ پاکستانی آرٹلری کا نشانہ
بھارت کی جانب سے رات گئے حملے کے بعد دشمن کی خاکی ٹیکری پوسٹ پاکستانی آرٹلری کی زد میں آ گئی۔ پاکستان کی جانب سے بھارتی جارحیت کا منہ توڑ جواب جاری ہے اور اس دوران بھارتی خاکی ٹیکری پوسٹ کو پاکستانی آرٹلری نے تباہ کر دیا ۔
پاک فوج کی جانب سے بھارتی جارحیت کا جواب بھر پور طریقے سے جاری رہے گا۔
لیپہ سیکٹر پر بھارت کو شکست
بھارتی فوج نے وادی لیپہ سیکٹر کی پوسٹ وانجل فارورڈپربھی سفیدجھنڈا لہراتے ہوئے شکست تسلیم کرلی۔
پاک فوج کی جانب سے لائن آف کنٹرول پر دشمن کو بھاری نقصان پہنچانے کاسلسلہ جاری ہے۔ اس سے قبل چوراکمپلیکس پوسٹ اور چکوٹھی سیکٹر میں بھی بھارتی فوج نے سفیدجھنڈا لہرا کر گھٹنے ٹیک دیے تھے۔
سکیورٹی ذرائع کے مطابق جنگ کےدوران سفیدجھنڈا لہرانےکا مطلب شکست تسلیم کرنا ہے۔ بھارتی فوج کی بزدلانہ کارروائیوں کا پاک فوج موثر جواب دے رہی ہے۔
پاکستان کی جانب سےجوابی کارروائیوں کے نتیجے میں بھارتی فوج بوکھلاہٹ اور خوف میں مبتلا ہو چکی ہے۔
.
ذریعہ
ذریعہ: Express News
کلیدی لفظ: لائن آف کنٹرول سکیورٹی ذرائع بھارتی فوج نے کی جانب سے پاک فوج حملے کے فوج کی
پڑھیں:
سپریم کورٹ: اے پی ایس شہداء لواحقین کو پیکیج نہ ملنے پر وفاقی حکومت سے جواب طلب
فائل فوٹوسپریم کورٹ نے اے پی ایس شہداء لواحقین کو پیکیج نہ ملنے پر وفاقی حکومت سے جواب طلب کرلیا۔
کیس کی سماعت جسٹس محمد علی مظہر کی سربراہی میں تین رکنی بینچ نے کی، جسٹس عرفان سعادت نے کہا کہ درخواست 25 دن تاخیر سے دائر کی گئی۔
پشاور ہائیکورٹ فیصلے پر توہین عدالت کی درخواست شہداء کےلواحقین کی جانب سے دائر کی گئی تھی، پشاور ہائیکورٹ نے توہین عدالت کی درخواست خارج کردی تھی۔
درخواست گزار کے وکیل نے کہا کہ شہداء کے لواحقین کو اعلان کردہ پیکیج نہیں ملا۔
جسٹس محمد علی مظہر نے کہا کہ اگر کوئی پیکیج ملا ہے تو سب کو دیں، وفاقی حکومت بتائے کہ پشاور ہائیکورٹ فیصلے پر عملدرآمد ہوا یا نہیں۔
کیس کی مزید سماعت غیر معینہ مدت کیلئے ملتوی کردی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ