بھارت کو حملے کا اس کی سوچ سے بڑھ کر جواب دیں گے: خواجہ آصف
اشاعت کی تاریخ: 7th, May 2025 GMT
اسلام آباد (نیوز ڈیسک) وزیر دفاع خواجہ آصف نے کہا کہ بھارت کو حملے کا اس کی سوچ سے بڑھ کر جواب دیں گے۔
وزیر دفاع خواجہ محمد آصف نے بھارت کی جانب سے پاکستان پر بزدلانہ حملے پر ردعمل دیتے ہوئے کہا کہ بھارت نے پاکستان پر حملہ کرتے ہوئے سویلین آبادی کو نشانہ بنایا ہے۔
انہوں نے کہا کہ بھارت نے شہری آبادی اور مساجد پرحملے کئے ہیں، بھارت کو بھرپور فوری جواب دیاجائے گا، ہم فوجی اور سفارتی سطح پر بھارت کو بھرپورجواب دیں گے۔
پاکستان کا منہ توڑ جواب، بھارت گھبرا گیا عرب دنیا سے مدد مانگ لی
.ذریعہ: Daily Ausaf
کلیدی لفظ: بھارت کو
پڑھیں:
زائرین کیلئے کوئٹہ سے ایران اور عراق براہ راست پروازیں چلائی جائیں گی:وزیر دفاع
وزیر دفاع خواجہ آصف نے کہا ہے کہ وفاقی حکومت، اربعین کے زائرین کے لیے زمینی سفر پر پابندی کے بعد ضروری اقدامات کر رہی ہے، اور اس حوالے سے بلوچستان حکومت کو کوئٹہ سے ایران اور عراق کے لیے براہ راست پروازیں چلانے کی ہدایت دی گئی ہے۔سرکاری خبر رساں اے پی پی کے مطابق ہر سال پاکستان سے شیعہ مسلمان اسلامی مہینے صفر میں کربلا (عراق) کی زیارت کے لیے ایران کے راستے زمینی سفر کرتے ہیں تاکہ اربعین کے روحانی اعمال میں شرکت کر سکیں۔ اربعین، امام حسینؓ کی شہادت (واقعہ کربلا) کے بعد چالیس روزہ سوگ کے اختتام کی علامت ہوتی ہے۔
گزشتہ ماہ کے آخر میں حکومت نے سیکیورٹی خدشات کے باعث اعلان کیا تھا کہ پاکستانی زائرین کو اربعین کے لیے ایران اور عراق تک زمینی راستے سے سفر کرنے کی اجازت نہیں ہوگی۔اس فیصلے پر سندھ حکومت، سینیٹرز، پی ٹی آئی اور پیپلز پارٹی کی جانب سے شدید تنقید کی گئی تھی ، جبکہ ایران نے زائرین کو 7 اگست تک ای ویزا حاصل کرنے کا مشورہ دیا تھا۔آج قومی اسمبلی میں اظہار خیال کرتے ہوئے وزیر دفاع نے اعتراف کیا کہ یہ پابندی سنگین سیکیورٹی خدشات کے باعث عائد کی گئی تھی، خاص طور پر اس وجہ سے کہ زائرین کے قافلوں پر دہشت گرد حملوں کا خطرہ موجود ہے۔انہوں نے کہا کہ’ ان خطرات سے نمٹنے کے لیے، وفاقی حکومت نے بلوچستان حکومت کو براہ راست پروازوں کی اجازت دی ہے تاکہ زائرین ہوائی سفر کے ذریعے محفوظ طریقے سے اپنی منزل تک پہنچ سکیں۔’انہوں نے مزید کہا کہ’ ایران نے اب تک ایک پرواز کی اجازت دی ہے، ہم ان پر زور دے رہے ہیں کہ وہ باقاعدہ پروازوں کا آغاز کریں۔’انہوں نے بتایا کہ ایران اور عراق کے ہوائی اڈوں سے زائرین کو ان کی زیارت گاہوں تک پہنچانے کے لیے بھی انتظامات کیے جا چکے ہیں۔وزیر دفاع نے مزید کہا کہ’ گذشتہ چار دنوں سے اخبارات میں اشتہارات دیے گئے ہیں جن میں نجی ایئرلائنز کو اس روٹ پر پروازیں چلانے کی دعوت دی گئی ہے، اور تمام لائسنس یافتہ نجی ایئرلائنز کو خدمات فراہم کرنے کی اجازت دی گئی ہے۔’انہوں نے کہا کہ’ زیادہ سے زیادہ زائرین کو محفوظ طریقے سے سفر کی سہولت دینے کے لیے چارٹرڈ فلائٹس کی بھی منظوری دے دی گئی ہے۔’انہوں نے نجی فضائی کمپنیوں اور مارکیٹ سے اپیل کی کہ وہ دی گئی اجازت سے بھرپور فائدہ اٹھائیں، اور تسلیم کیا کہ یہ تمام اقدامات زمینی سفر کے خطرات سے بچتے ہوئے زائرین کو زیادہ سے زیادہ سہولت فراہم کرنے کے لیے کیے جا رہے ہیں۔خواجہ آصف نے مزید کہا کہ یہ معاملہ ایرانی صدر کے حالیہ دورہ پاکستان کے دوران بھی زیر بحث آیا، اور ایران نے پاکستانی زائرین کی سہولت کے لیے ایک اضافی پرواز کی اجازت دے دی ہے۔وزیردفاع نے کہا کہ’ میں ایوان اور پوری قوم کو یقین دلاتا ہوں کہ حکومت اربعین کے تمام زائرین کو محفوظ، آرام دہ اور بروقت سفری سہولیات فراہم کرنے کے لیے پوری طرح پرعزم ہے۔’
سلیمان اور قاسم احتجاج کاحصہ بنیں گے یانہیں، عمران خان کااہم اعلان سامنے آگیا