پاک فوج نے شکرگڑھ سیکٹر میں بھارت کا ایک اور ڈرون مار گرایا
اشاعت کی تاریخ: 7th, May 2025 GMT
احمد منصور:پاک فوج نے بھارت کی جانب سے ایک اور دراندازی کی کوشش ناکام بنا دی، شکرگڑھ سیکٹر میں بھارتی جاسوس ڈرون کو مار گرایا گیا۔
سیکیورٹی ذرائع کے مطابق بھارت کی جانب سے ایک بار پھر پاکستانی حدود میں ڈرون کے ذریعے دراندازی کی کوشش کی گئی تاہم الرٹ تعینات رینجرز نے بروقت کارروائی کرتے ہوئے ڈرون کو نشانہ بنا کر تباہ کر دیا۔
ذرائع کا کہنا ہے کہ دشمن کی ہر جارحیت کا پاک فوج مؤثر اور منہ توڑ جواب دے رہی ہے، اور ملکی فضائی و زمینی سرحدوں کی مکمل نگرانی جاری ہے۔
میچ کے دوران بولر دل کا دورہ پڑنے سے انتقال کرگیا
واضح رہے کہ گزشتہ رات بھارت کی جانب سے میزائل حملوں کے بعد پاک فضائیہ نے دشمن کے 5 جنگی طیارے، جن میں جدید رافیل طیارے بھی شامل تھے، کے ساتھ ساتھ ایک ڈرون بھی تباہ کیا تھا۔ یہ حالیہ کارروائی دشمن کی مسلسل اشتعال انگیزیوں کے تناظر میں کی گئی ہے۔
دفاعی ماہرین کے مطابق پاکستان کی دفاعی صلاحیت اور چوکسی دشمن کے ہر حملے کو ناکام بنا رہی ہے، اور کسی بھی مہم جوئی کا جواب پوری قوت سے دیا جا رہا ہے۔
سندرفائرنگ؛ 2 افراد زخمی
.
ذریعہ
ذریعہ: City 42
پڑھیں:
عالمی منڈی میں سونے کی قیمت میں کمی
عالمی منڈی میں سونے کی قیمت(Gold Rates) مسلسل دوسرے روز بھی دباؤ کا شکار رہی، کیونکہ امریکی فیڈرل ریزرو کی جانب سے آئندہ مہینوں میں شرح سود بڑھانے کے امکانات نے سرمایہ کاروں کو محتاط کر دیا ہے۔
برطانوی خبر رساں ادارے رائٹرز کے مطابق اسپاٹ گولڈ کی قیمت 0.4 فیصد کمی کے بعد 4,030.09 ڈالر فی اونس رہ گئی، جبکہ امریکی گولڈ فیوچرز بھی 0.4 فیصد کم ہو کر 4,033.20 ڈالر فی اونس پر آ گئے۔
مارکیٹ تجزیہ کاروں کے مطابق اگرچہ سونا ہفتہ وار بنیاد پر معمولی اضافے کی جانب گامزن ہے، تاہم بلند شرح سود کے خدشات کے باعث اس کی قیمتوں پر دباؤ برقرار ہے۔
مزیدپڑھیں:پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
ماہرین کا کہنا ہے کہ جب شرح سود میں اضافے کی توقع ہوتی ہے تو سونے جیسی ایسی سرمایہ کاری، جس پر منافع یا سود نہیں ملتا، نسبتاً کم پرکشش ہو جاتی ہے۔
سرمایہ کاروں کی نظریں اب آئندہ ہفتے ہونے والے امریکی فیڈرل ریزرو کے پالیسی اجلاس پر مرکوز ہیں۔ مارکیٹ کی توقع ہے کہ اس اجلاس میں شرح سود برقرار رکھی جائے گی، تاہم ستمبر میں شرح سود میں اضافے کے امکانات بدستور مضبوط سمجھے جا رہے ہیں
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم