بھارتی فوج کی بلااشتعال جارحیت سے ایک اور معصوم بچہ شہید
اشاعت کی تاریخ: 7th, May 2025 GMT
فوٹوز بشکریہ سوشل میڈیا
بھارتی فوج کی بلااشتعال جارحیت سے ایک ننھا معصوم بچہ شہید ہوگیا۔
سیکیورٹی ذرائع کا بتانا ہے کہ بھارتی جارحیت میں پاک فوج کے لیفٹیننٹ کرنل ظہیر کا 7 سالہ بیٹا ارتضیٰ عباس توری شہید ہوگیا۔
سیکیورٹی ذرائع کا کہنا ہے کہ یہ واقعہ بزدل دشمن کی بلااشتعال گولہ باری سے پیش آیا۔
یاد رہے کہ گزشتہ شب بھارت نے میزائل حملوں سے معصوم شہریوں کو نشانہ بنایا تھا جس کے نتیجے میں بھارت کے 5 جنگی طیارے پاکستان نے مار گرائے جبکہ 3 ڈرونز اور متعدد کواڈ کاپٹر بھی تباہ کر دیے۔
گزشتہ روز بھارتی میزائل حملوں کے جواب میں پاکستان کے منہ توڑ جواب کی بین الاقوامی میڈیا پر بھی تصدیق کی گئی ہے۔
سیکیورٹی ذرائع کے مطابق لائن آف کنٹرول پر بھی بھارتی جارحیت کا بروقت دندان شکن جواب دیا گیا۔
بھارتی فوج کا انفنٹری بریگیڈ ہیڈکوارٹر اور ایک بٹالین ہیڈکوارٹر سمیت متعدد پوسٹیں تباہ کر دی گئی ہیں۔
لائن آف کنٹرول پر بھاری نقصان اٹھانے کے بعد بھارت نے تین سیکٹر سے سفید جھنڈا لہرا کر شکست تسلم کر لی ہے۔
.ذریعہ: Jang News
پڑھیں:
سوشل میڈیا پر پروپیگنڈے کا جواب، مصطفیٰ کمال نے اپنی بیٹی کو اینٹی سروائیکل کینسر ویکسین لگوا دی
وفاقی وزیر صحت سید مصطفیٰ کمال نے اینٹی سروائیکل کینسر ویکسین کے بارے میں پھیلنے والی افواہوں کو رد کرتے ہوئے اپنی بیٹی کو ویکسین لگوا لی۔
کراچی میں پریس کانفرنس کرتے ہوئے ان کا کہنا تھا کہ سروائیکل ویکسین کے بارے میں جھوٹی مہم چلائی جا رہی ہے، جس کا جواب میں نے ایسے کرکے دیا کہ اپنی بیٹی کو سب کے سامنے ویکسین لگوا دی تاکہ واضح ہو کہ یہ ویکسین محفوظ ہے۔
یہ بھی پڑھیں: سروائیکل کینسر کیخلاف آگاہی مہم، شہزاد رائے بھی میدان میں آگئے
انہوں نے کہاکہ میرے 30 سالہ سیاسی سفر میں کبھی اپنے اہل خانہ کو عوامی طور پر سامنے نہیں لایا، لیکن اس بار غلط اطلاعات کو روکنے کے لیے مجھے یہ فیصلہ کرنا پڑا۔
قوم کی بیٹیاں عزیز ہیں ! جو کچھ کیا، اللہ کی رضا کے لیے کیا۔
وفاقی وزیرصحت مصطفیٰ کمال نے اپنی بیٹوں کو سرویکل کینسر سے بچاؤ کی ویکسین لگوائی ! pic.twitter.com/0Z0TTaVWZd
— WE News (@WENewsPk) September 20, 2025
ان کا مزید کہنا تھا کہ جیسے میری بیٹی مجھے عزیز ہے، ویسے ہی مجھے قوم کی ہر بیٹی پیاری ہے۔ ہمارا مقصد اللہ کی رضا کی خاطر عوام کو بیماریوں سے بچانا ہے۔
مصطفیٰ کمال نے کہاکہ موجودہ نظام صحت میں ہر فرد کا علاج ممکن نہیں، لوگ اسپتالوں میں داخل ہونے کے بعد وہیں کے ہو کر رہ جاتے ہیں، اس لیے ضروری ہے کہ ہم ویکسینیشن کی اہمیت کو سمجھیں اور اسے عام کریں۔
وفاقی وزیر کے مطابق آئندہ مزید ویکسینز متعارف کروائی جائیں گی، اور بیماریوں سے بچاؤ کے لیے ان کا استعمال ناگزیر ہوگا۔ کینسر ایک ایسا جان لیوا مرض ہے جو صرف مریض کو نہیں، بلکہ اس کے پورے خاندان کو متاثر کرتا ہے، لہٰذا اس سے بچاؤ ہی سب سے مؤثر راستہ ہے۔
یہ بھی پڑھیں: سروائیکل کینسر ویکسین تولیدی صحت کے لیے کتنی محفوظ، پاکستان میں لوگ بائیکاٹ کیوں کررہے ہیں؟
واضح رہے کہ حکومت نے 15 ستمبر سے ملک میں اینٹی سروائیکل کینسر ویکسین کی مہم شروع کی ہے، تاہم اس حوالے سے سوشل میڈیا پر مختلف غلط فہمیاں پھیلائی جارہی ہیں، جس کا جواب آج وفاقی وزیر صحت نے دے دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اینٹی سروائیکل کینسر بیٹی کو ویکسین لگوا دی پروپیگنڈا مسترد مصطفٰی کمال وی نیوز
اسرائیل کے انسانیت کیخلاف جرائم کو روکنے کیلئے عرب ٹاسک فورس تشکیل دی جائے، وزیراعظم