بھارت کشیدگی کے تناظر میں ایف 16 بنانے والی کمپنی کا ’معنی خیز‘ بیان
اشاعت کی تاریخ: 7th, May 2025 GMT
واشنگٹن(نیوز ڈیسک)امریکی جنگی جہاز ایف 16 بنانے والی کمپنی لاک ہیڈ مارٹن نے دو مئی کو اپنے فیس بک پیج پر ایک پوسٹ کی، جس میں 16 طیاروں کے حوالے سے ایک تعریفی بیان شامل تھا۔
لاک ہیڈ مارٹن کی اس پوسٹ کو صارفین کی جانب سے پاکستان انڈیا کشیدگی کے تناظر میں بہت معنی خیز قرار دیا جا رہا ہے۔
لاک ہیڈ مارٹن نے اپنی پوسٹ میں کہا کہ ’جب آزادی کو خطرہ لاحق ہو تو ایف سولہ اس مشکل میں کام آتا ہے۔ یہ فائٹنگ فالکن طاقت سے امن قائم کرتا ہے اور امریکہ اور اس کے اتحادیوں کو ہر خطرے سے محفوظ رکھتا ہے۔‘
پاکستان ان چند ممالک میں شامل ہے جن کے فضائی بیڑے میں لاک ہیڈ مارٹن کے طیار کردہ ایف سولہ طیارے شامل ہیں اور پاکستانی فضائیہ کی جنگی صلاحتیوں کا ایک بڑا حصہ ایف سولہ طیاروں پر منحصر ہے۔
ویب سائٹ سٹیٹسٹا کے مطابق امریکہ کے علاوہ کئی اور ممالک کی فضائیہ کے پاس بھی ایف سولہ طیارے موجود ہیں۔
امریکہ کے پاس 936 ایف 16 طیارے، اسرائیل کے پاس 224، مصر کے پاس 224، ترکی کے پاس 243، جنوبی کوریا کے پاس 167، تائیوان کے پاس 202، ڈینمارک کے 43 اور نیدرلینڈز کے پاس 29 ایف سولہ طیارے ہیں۔
بیلجیئم کے پاس 52 اور پولینڈ کے پاس 48 ایف سولہ طیارے ہیں، پاکستان کے پاس موجود ایف 16 طیاروں کی تعداد ایک اندازے کے مطابق 50 سے 100 کے درمیان ایف سولہ طیارے موجود ہیں۔
لاک ہیڈ مارٹن کی فیس بک پوسٹ پر پاکستانی صارفین کی بڑی تعداد بھی کمنٹس میں اپنے خیالات کا اظہار کر رہی ہے۔
مزیدپڑھیں:یہ 2001 نہیں کہ کوئی کہہ دے مسلمان دہشتگرد ہیں، اور ہم سن لیں، بلاول بھٹو زرداری
ذریعہ: Daily Ausaf
کلیدی لفظ: کے پاس
پڑھیں:
روس کا یوکرین کے مشرق میں واقع گاﺅں بریزووے پر قبضہ کا دعویٰ
data-id="863a0a8" data-element_type="widget" data-widget_type="theme-post-content.default">
ماسکو:۔ روسی افواج نے یوکرین کے مشرقی علاقے میں واقع گاﺅں بریزووے کا کنٹرول حاصل کرلیا۔ روسی وزارتِ دفاع نے دعویٰ کیا ہے کہ یہ قبضہ ایک منظم فوجی کارروائی کے دوران کیا گیا، جس میں یوکرینی افواج کو پسپا ہونا پڑا۔
روسی وزارتِ دفاع کے مطابق اس کی افواج نے اس کارروائی کے ساتھ ساتھ یوکرین کی عسکری اورصنعتی تنصیبات کو بھی نشانہ بنایا جن میں اسلحہ کے ذخائر اورفوجی تنصیبات شامل ہیں۔
ادھر یوکرین نے روسی دعوﺅں کی سختی سے تردید کرتے ہوئے کہا کہ ان کے فوجی اب بھی محاذ پرڈٹے ہوئے ہیں اور حملوں کا موثر جواب دے رہے ہیں۔ روس اور یوکرین کے درمیان حالیہ جھڑپوں نے خطے میں کشیدگی کو مزید بڑھا دیا اور عام شہری بھی شدید متاثر ہو رہے ہیں۔
بین الاقوامی میڈیا کے مطابق دونوں ممالک کی افواج کے درمیان جھڑپوں میں بھاری جانی و مالی نقصان کی اطلاعات موصول ہوئی ہیں۔ روسی فوج کی جانب سے جاری حملوں سے یوکرین کے متعدد علاقوں میں بجلی اور مواصلاتی نظام بھی متاثر ہوا ہے جبکہ عالمی برادری نے فوری طور پر فریقین سے کشیدگی کم کرنے کی اپیل کی ہے۔
اسرائیل کے انسانیت کیخلاف جرائم کو روکنے کیلیے عرب ٹاسک فورس تشکیل دی جائے، وزیراعظم