پی سی بی کے تحت قومی ویمنز ٹی ٹوئنٹی ٹورنامنٹ کا آغاز
اشاعت کی تاریخ: 8th, May 2025 GMT
پی سی بی کے تحت قومی ویمنز ٹی ٹوئنٹی ٹورنامنٹ کا آغاز ہوگیا۔ افتتاحی روز دو میچز کا فیصلہ ہوگیا،اسٹارز نے اسٹرائیکرز کو 17 رنز سے شکست دیدی، کانکررز نے انونسیبلز کو 30 رنز سے ہرادیا۔ سدرہ امین اور قومی کپتان ثنا فاطمہ پلیئر آف دی میچ رہیں۔
تفصیلات کے مطابق پانچ ٹیموں کے درمیان ہونے والے 30 لاکھ روپے انعامی رقم کے ایونٹ کے پہلے دن نیشنل اسٹیڈیم پر قومی ون ڈے چیمپئن اسٹارز نے چار وکٹوں کے نقصان پر 148 رنز بنائے۔
کپتان سدرہ امین نے شاندار بیٹنگ کرتے ہوئے 14 چوکوں اور ایک چھکے کی مدد سے ناقابل شکست 89 رنز اسکور کیے۔حورنیا سجاد نے 25 رنز بنائے اور آوٹ نہیں ہوئیں۔
جواب میں اسٹرائیکرز 6 وکٹیں گنوا کر 131 رنز جوڑ سکی۔
ایمان فاطمہ کے 52 رنز ناٹ آوٹ رائیگاں گئے ،طوبی حسن اور نیلم مشتاق نے دو، دو وکٹیں حاصل کیں۔
دوسرے میچ میں اوول گراونڈ پر کانکرز نے مقررہ 20 اوورز میں 9 وکٹوں کے نقصان پر 145 رنز بنائے۔
کانکررز کی کپتان فاطمہ ثنا جارحانہ بیٹنگ کرتے ہوئے 3 چھکوں اور12 چوکوں کی مدد سے 85 رنز بناکر ناٹ آؤٹ رہیں۔ صائم ملک نے 4 کھلاڑیوں کو آوٹ کیا۔
جواب میں انونسیبلز 6 وکٹوں پر115 رنز بناسکی۔
کپتان منیبہ علی نے ایک چھکے اور 5 چوکوں کی مدد سے 50 رنز کی اننگ کھیلی۔ فظمہ خان نے آوٹ ہوئے بغیر 30 رنز بنائے، نشرح سندھو نے 2 وکٹیں اپنے نام کیں۔
.ذریعہ: Express News
پڑھیں:
پاکستان ویمن کرکٹ ٹیم کو آئرلینڈ کے ہاتھوں پہلے ٹی20 میچ میں 11 رنز سے شکست
پاکستان ویمن کرکٹ ٹیم کو آئرلینڈ کے خلاف 3 میچوں پر مشتمل ٹی20 انٹرنیشنل سیریز کے پہلے میچ میں 11 رنز سے شکست کا سامنا کرنا پڑا۔ ڈبلن کے کلو نٹارف کرکٹ گراؤنڈ میں کھیلے گئے میچ میں پاکستان کی کپتان فاطمہ ثنا کی شاندار بولنگ کے باوجود ٹیم فتح حاصل نہ کر سکی۔
یہ بھی پڑھیں: قومی ویمنز کرکٹرز کے لیے سینٹرل کنٹریکٹ کا اعلان، سعدیہ اقبال اے کیٹیگری میں شامل
آئرلینڈ نے پہلے کھیلتے ہوئے 142 رنز بنائے جس کے تعاقب میں پاکستان کی پوری ٹیم 131 رنز پر ڈھیر ہو گئی۔ آل راؤنڈر اورلا پرینڈرگاسٹ نے شاندار آل راؤنڈ کارکردگی کا مظاہرہ کرتے ہوئے 26 رنز بنانے کے ساتھ 3 وکٹیں حاصل کیں اور پلیئر آف دی میچ قرار پائیں۔
فاطمہ ثنا کی تباہ کن بولنگفاطمہ ثنا نے شاندار باؤلنگ کرتے ہوئے 4 اوورز میں 26 رنز کے عوض 4 وکٹیں حاصل کیں۔ ان کی ان سوئنگ گیند پر آئرلینڈ کی کپتان گیبی لوئس کی وکٹ گرنا اہم لمحہ تھا۔ دیگر نمایاں بولرز میں سعدیہ اقبال، نشرہ سندھو، رامین شمیم اور ڈیانا بیگ شامل تھیں جنہوں نے ایک، ایک وکٹ حاصل کی۔
پاکستان کی بیٹنگ لائن دباؤ کا شکار رہیہدف کے تعاقب میں پاکستان کا آغاز مایوس کن رہا۔ اوپنر منیبہ علی صرف 5 رنز پر آؤٹ ہوئیں جبکہ گل فیروزہ بھی جلد پویلین لوٹ گئیں۔ سدرہ امین اور عالیہ ریاض کی جوڑی نے کچھ مزاحمت کی کوشش کی، مگر دونوں نرم شاٹس پر آؤٹ ہو گئیں جس سے ٹیم دباؤ میں آ گئی۔
مزید پڑھیے: ویمنز کرکٹ ٹیم آئرلینڈ کے خلاف کامیابی کے تسلسل کو برقرار رکھنے کے لیے پُرعزم ہے، کپتان فاطمہ ثنا
ڈیبیوٹنٹ ایمان فاطمہ اور نتالیا پرویز نے ٹیم کو سہارا دینے کی کوشش کی اور 50 رنز کا سنگ میل عبور کیا، تاہم ایمان ایک بدقسمت رن آؤٹ کا شکار بن گئیں۔ نتالیا نے سب سے زیادہ 34 رنز بنائے، مگر وہ بھی پرینڈرگاسٹ کی گیند پر آؤٹ ہو گئیں۔
کپتان فاطمہ ثنا نے جارحانہ آغاز کیا مگر متنازعہ کیچ پر آؤٹ قرار پائیں اور DRS نہ ہونے کے باعث فیصلے پر شدید ناپسندیدگی کا اظہار کیا۔ رامین شمیم نے آخر تک مزاحمت کی، مگر پاکستان مقررہ اوورز میں مطلوبہ ہدف حاصل نہ کر سکا۔
یہ دونوں ٹیموں کے درمیان 5ویں باہمی ٹی20 سیریز ہے جس میں اب تک 2،2 سیریز پاکستان اور آئرلینڈ کے نام رہی ہیں۔ تاہم مجموعی طور پر پاکستان کو آئرلینڈ پر 15-4 کی واضح برتری حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمن بمقابلہ آئرلینڈ پاکستان ویمن کرکٹ ٹیم
لیجنڈز لیگ: 47 سالہ سعید اجمل کی تباہ کن بولنگ، نیا ریکارڈ قائم