بھارتی بزدلانہ حملہ بھونڈی سازش، عام شہریوں کو نشانہ بنایا
اشاعت کی تاریخ: 8th, May 2025 GMT
لاہور:
گورنر پنجاب سلیم حیدر کا کہنا ہے کہ آج انڈیا نے جو بزدلانہ حملہ کیا وہ ایک بڑی بھونڈی سازش تھی،انھوں نے ہمارے عام نہتے شہریوں کو ہٹ کیا،میں اپنی فورسز کو خراج تحسین پیش کرتا ہوںکہ انھوں نے بڑے زبردست طریقے سے اس کا جواب دیا اور جن رافیل طیاروں پر وہ بڑا مان کیے بیٹھے تھے وہ بھی گرگئے۔
ایکسپریس نیوز کے کنٹرول روم میں گفتگو کرتے ہوئے انھوں نے کہا کہ پھر انڈیا کا بہت سارا نقصان فوجی پوسٹوں کا ہوا، پاکستان کی بڑائی یہ ہے کہ انھوں نے کسی بھی سویلین آبادی پرکوئی جواب نہیں دیا۔
گروپ ایڈیٹر ایکسپریس ایازخان کا کہنا ہے کہ اس میں بڑی کلیئریٹی ہے، اعلامیہ آپ کے سامنے ہے کہ فوج کو اختیار دیدیا ہے کہ وہ اپنی، ٹائمنگ، جگہ سب کچھ طے کر کے وہ جواب دے سکتے ہیں، اس میں کوئی ابہام تو ہے نہیں لیکن اس کے ساتھ ساتھ آج میں رانا ثنااللہ کی بات سن رہا تھا انھوں نے یہ کہا کہ ہم نے انٹرنیشنل کمیونٹی سے بات کی ہے کہ اگرانڈیا مزید ایگریشن نہیں کرتا تو ہم معاملہ ٹھیک کرنے کیلیے تیار ہیں یہ بہت مثبت بات ہے۔
تجزیہ کار فیصل حسین نے کہا کہ انڈیا کو اب زہر ہی بجھوانا پڑے گا، انڈیا جہاں پہنچ چکا ہوا ہے ان کو چائے کی ضرورت نہیں زہر کی ہے، بات یہ ہے کہ اس وقت ہمارے لیے ایک اچھی خبر کیا ہے؟ خوشی کی خبر کیا ہے، انڈیا نے جو ہمارے لیے اچھا کام کردیا وہ سب سے بڑا کام کردیا کہ پوری دنیا میںپاکستان کی دھاک بٹھا دی یہ کوئی چھوٹا نہیں بہت بڑا کام ہو گیا ہے۔
تجزیہ کار نوید حسین نے کہا کہ ہوا یہ ہے کہ انڈیا، مودی جس تیزی سے ایسکلیشن لیڈر پر اوپر گیا ہے اس کے لیے اس نے اپنے آپ کو بیسیکلی اپنے آپ کو محدود کر دیا تھا کہ اس کے پاس کوئی آپشن نہیں تھا کہ وہ کچھ نہ کرے تو کچھ نہ کچھ اسے کرنا تھا،جب سے بی جے پی انڈر مودی اقتدار میں آئی ہے تو اس کا انڈیا میں ہندو بالا دستی اور اسے ہندو اسٹیٹ بنانے کا ون پوائنٹ ایجنڈا ہے۔
تجزیہ کار عامر الیاس رانا نے کہا کہ پہلے بات ہو رہی تھی رانا ثنا اللہ کے بیان پر، ہمارے انٹیلی جنس ادارے کا ایک سوشل میڈیا اکاؤنٹ ہے، انھوں نے کہا ہے کہ آپ زیادہ سیریس مت لیں، رانا ثنا اللہ کے بیان کو اور اس میں زیادہ مت تلاش کریں، ساتھ ہی انھوں نے بتایا کہ انڈیا نے یو این ایس سی کی ہنگامی میٹنگ کی بھی ریکویسٹ کی ہے، رافیل کے ساتھ جو ہوا وہ ساری کی ساری کہانی آئے گی سامنے، چھپ نہیں سکتی نہ وہ کمپنی بھاگ سکتی ہے۔
تجزیہ کار محمد الیاس نے کہا کہ رات بھر سے آپ نے دیکھا کہ جب سے اسٹارٹ ہو ا تھا، جب سے پاکستان نے جوابی کارروائی کی تو اس کے بعد بھارت نے رابطے کرنے شروع کر دیے، امریکی وزیر خارجہ سے بھی کیا، دوسرے ممالک سے رابطے شروع کر دیے، بھارت یہ چا رہا تھا کہ سیف سائڈ میں اسے باہر سے اسے سپورٹ آئے اور جنگ بندی کی جائے۔
.
ذریعہ
ذریعہ: Express News
کلیدی لفظ: تجزیہ کار نے کہا کہ انھوں نے ہے کہ ا
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا