جنگی صورتحال: پنجاب میں شہریوں کیلئے اہم حفاظتی ہدایات جاری
اشاعت کی تاریخ: 8th, May 2025 GMT
---فائل فوٹو
بھارت سے ممکنہ فضائی حملے یا مسلح تصادم کے خدشے پر پنجاب حکومت نے شہریوں کی حفاظت یقینی بنانے کے لیے ایس او پیز جاری کردیں۔
پنجاب حکومت کے جاری کردہ اعلامیے میں شہریوں پر زور دیا گیا ہے کہ وہ ہنگامی حالات میں پُر سکون رہیں، گھبراہٹ سے گریز، احتیاطی اقدامات اپنائیں اور اپنے آس پاس کے کمزور افراد کی مدد کریں، سرکاری اداروں یا کمیونٹی الرٹس سے باخبر رہیں۔
شہریوں کو ہدایت دی گئی ہے کہ وہ اپنے گھروں میں کسی محفوظ اور بغیر کھڑکی والے کمرے (تہہ خانہ یا اندرونی کمرے) کو ہنگامی صورتحال کے لیے مخصوص کریں۔
اس کے ساتھ ایک ایمرجنسی کٹ تیار رکھنے کی ہدایت بھی دی گئی ہے، جس میں ابتدائی طبی امداد کا سامان، ضروری ادویات، پانی کی بوتلیں، خوراک، ٹارچ، اضافی بیٹریاں اور پورٹیبل چارجرز شامل ہوں۔
اس حوال سے کہا گیا ہے کہ خطرے کی گھنٹی یا وارننگ کی صورت میں تمام روشنیاں فوراً بند کر کے اندھیرے کا ماحول بنائیں تاکہ شناخت سے بچا جا سکے، مقررہ محفوظ پناہ گاہ کی طرف سکون سے منتقل ہو جائیں، دروازے، کھڑکیاں بند کر کے گیس کنکشن بند کریں، اگر نچلی منزل کی طرف جانا ہو تو صرف سیڑھیوں کا استعمال کریں، لفٹ سے گریز کریں۔
وزیر اعلیٰ پنجاب مریم نواز کا کہنا ہے کہ بھارت طیارے، ڈرونز گرانے کی شرمناک شکست کا بدلہ عام شہریوں سے لینے کی کوشش کر رہا ہے۔
اعلامیے میں یہ بھی کہا گیا ہے کہ اگر انخلا کا حکم دیا جائے تو فوری طور پر عمارت سے نکلنے کے لیے سرکاری ہدایات پر عمل کریں، ایمرجنسی کٹ، اہم دستاویزات (شناختی کارڈ، انشورنس وغیرہ) اور ذاتی ضروری اشیاء ساتھ رکھیں، روانگی سے قبل بجلی، گیس اور پانی کی لائنیں بند کر دیں۔
یہ ہدایات صوبائی حکومت کے سروسز اینڈ جنرل ایڈمنسٹریشن ڈیپارٹمنٹ (ویلفیئر ونگ) کی جانب سے جاری کی گئی ہیں، جس کا مقصد گھریلو سطح پر لوگوں کو ممکنہ ہنگامی صورتحال کے لیے تیار کرنا ہے۔
حکومتی حکام کے مطابق یہ ایس او پیز شہریوں کی جان و مال کے تحفظ کو یقینی بنانے کے لیے ضروری ہیں اور ان پر عمل درآمد ہی ممکنہ نقصان سے بچاؤ کی ضمانت ہے۔
.ذریعہ: Jang News
کلیدی لفظ: کے لیے
پڑھیں:
موٹروے پولیس کی کارروائی، حفاظتی باڑ اور درخت چوری کرنے والا ملزم گرفتار
data-id="863a0a8" data-element_type="widget" data-widget_type="theme-post-content.default">
سیال موڑ: موٹروے پولیس نے بروقت کارروائی کرتے ہوئے سڑک کنارے لگی حفاظتی باڑ اور درخت چوری کرنے والے ایک ملزم کو گرفتار کرلیا جبکہ تین ساتھی موقع سے فرار ہوگئے۔
میڈیا رپورٹس کےمطابق ترجمان موٹروے پولیس نے کہاکہ انہیں اطلاع ملی کہ سیال موڑ کے قریب کچھ افراد سڑک کے کنارے لگائی گئی باڑ اور درخت کاٹ کر چوری کر رہے ہیں، اطلاع ملنے پر اہلکار فوری طور پر موقع پر پہنچے اور کارروائی کرتے ہوئے ایک شخص کو حراست میں لے لیا۔
پولیس کے مطابق گرفتار شخص سے تقریباً 150 میٹر حفاظتی باڑ اور کاٹی گئی لکڑی برآمد کرلی گئی ہے، جو ملزم نے ٹرالی میں لاد رکھی تھی، تین دیگر ملزمان موقع سے کھیتوں کے راستے فرار ہونے میں کامیاب ہوگئے، جن کی تلاش جاری ہے۔
ترجمان موٹروے پولیس نے کہا کہ عوامی و قومی اثاثے کسی بھی شہری کی ذاتی ملکیت نہیں ہوتے، ان کی حفاظت ہر ایک کی ذمہ داری ہے۔
انہوں نے واضح کیا کہ قومی املاک کو نقصان پہنچانے یا چوری کرنے والوں کے خلاف سخت کارروائی کی جائے گی۔
گرفتار ملزم کو ابتدائی تفتیش کے بعد مزید کارروائی کے لیے متعلقہ تھانے کے حوالے کردیا گیا ہے، پولیس نے واقعے کی ایف آئی آر درج کرکے مفرور ملزمان کی گرفتاری کے لیے چھاپے مارنے شروع کر دیے ہیں۔
چارلی کرک کے قتل کا ملزم تفتیش میں تعاون نہیں کر رہا، گورنر یوٹا اسپینسر کاکس