پاکستان نے چینی ساختہ طیاروں سے دو انڈین فوجی جہاز مار گرائے، دو امریکی عہدیداروں کی تصدیق
اشاعت کی تاریخ: 9th, May 2025 GMT
اسلام آباد / واشنگٹن (نیوز ڈیسک)دو امریکی عہدیداروں نے تصدیق کردی ہے کہ پاکستان نے چینی ساختہ طیاروں سے 2انڈین فوجی جہاز مار گرائے ۔ برطانوی خبر رساں ایجنسی کے مطابق کارروائی میں امریکی ساختہ لڑاکا طیارے ایف سولہ استعمال نہیں ہوئے ، واقعہ بیجنگ کے لڑاکا طیاروں کےلیے بڑاسنگ میل ہے اور اس سے یہ ثابت ہوتا ہے کہ چین کا دفاعی نظام مغربی معیار کا مقابلہ کرنے کے قابل ہوچکا ۔ ادھر سابق امریکی دفاعی اہلکار کا کہنا ہے کہ یہ واقعہ محض دو ممالک کا تنازع نہیں بلکہ مستقبل کی جنگوں میں استعمال ہونے والے ہتھیاروں کا عملی تجربہ ہے۔تفصیلات کے مطابق بدھ کو پاکستان نے بھارت کے جودو طیارے مارگرائےاگرچہ بھارت ان کی تصدیق سے گریزاں ہے مگردو امریکی اہلکاروں نے برطانوی خبررساں ادارے کو بتایا ہے کہ گرنے والے طیاروں میں سے کم از کم ایک فرانسیسی ساختہ رفال طیارہ ہے اورجس طیارے سے نشانہ بنایا گیا ہے وہ چینی ساختہ جے 10لڑاکا طیار ہ ہے، پاکستان نےF-16 طیارے استعمال نہیں کیے۔ یہ واقعہ بیجنگ کے جدید لڑاکا طیارے کی کارکردگی کے لیے ایک بڑا سنگِ میل قرار دیا جا رہا ہے۔ایک امریکی اہلکار نے نام ظاہر نہ کرنے کی شرط پر بتایا کہ “پاکستان نے چینی ساختہ J-10لڑاکا طیارے کے ذریعے فضائی لڑائی میں بھارتی طیاروں پر فضا سے فضا میں مار کرنے والے میزائل داغے، جس کے نتیجے میں کم از کم دو طیارے مار گرائے گئے۔” دوسرے اہلکار نے تصدیق کی کہ ان میں سے ایک طیارہ فرانسیسی ساختہ رافیل (Rafale) تھا۔
Post Views: 3.ذریعہ: Daily Mumtaz
کلیدی لفظ: پاکستان نے چینی ساختہ
پڑھیں:
پاک ،بھارت فضائیہ کے درمیان حالیہ تاریخ کی طویل ترین لڑائی ،دنیا بھر کی افواج کیلئے مثال بن گئی
اسلام آباد ( مانیٹرنگ ڈیسک )پاکستان اور بھارت کے درمیان حالیہ فضائی تصادم نے دنیا بھر کی توجہ حاصل کر لی ہے اور اسے جدید فضائی ہتھیاروں، پائلٹ کی مہارت اور لڑاکا طیاروں کی صلاحیتوں کو جانچنے کا ایک بہترین موقع قرار دیا جا رہا ہے۔
چینی ساختہ پاکستانی لڑاکا طیاروں اور فرانسیسی ساختہ ہندوستانی رافیل جیٹ طیاروں کے درمیان اس فضائی تصادم کا دنیا بھر کی فوجیں تجزیہ کریں گی تاکہ مستقبل کی جنگوں میں برتری حاصل کرنے کے لیے قیمتی معلومات حاصل کی جا سکیں۔
چھ اورسات مئی کی درمیانی شب پاکستانی اور بھارتی فضائیہ کے درمیان ہونے والی جھڑپ حالیہ تاریخ کی سب سے بڑی اور طویل ترین جنگ ہے۔
اس فضائی جھڑپ میں چینی ساختہ پاکستانی جے ٹین طیارے اور فرانسیسی ساختہ ہندوستانی رافیل لڑاکا طیارے آمنے سامنے آئے۔
سینئر پاکستانی سیکورٹی ذرائع نے امریکی نشریاتی ادارے کو بتایا کہ دونوں طرف سے تقریباً 125 طیاروں نے لڑائی میں حصہ لیا جو ایک گھنٹے سے زائد جاری رہی اور دونوں ممالک کے جنگی طیاروں نے اپنی فضائی حدود نہیں چھوڑی۔
یہ خبر بھی پڑھیں ۔پاکستانی جوابی وار میں رافیل طیارے کو نقصان پہنچا، فرانسیسی حکام کی تصدیق
لڑائی کے دوران بعض اوقات 160 کلومیٹر کے فاصلے سے ایک دوسرے پر میزائل داغے گئے ،پاک فوج کے ترجمان کے مطابق پاکستان نے بھارتی حملوں کا زبردست جواب دیا اور 3 فرانسیسی ساختہ رافیل طیاروں سمیت 5 بھارتی طیارے مار گرائے۔
امریکی حکام کے مطابق چینی ساختہ پاکستانی فضائیہ کے لڑاکا طیارے نے کم از کم دو ہندوستانی فوجی طیارے مار گرائے۔برطانوی خبر رساں ایجنسی کے مطابق پاکستان اور بھارت کی فضائی افواج کے درمیان یہ تصادم دنیا بھر کی فوجوں کی توجہ کا مرکز بن گیا ہے۔
یہ فضائی تصادم دوسرے ممالک کی فوجوں کے لیے اس جنگ میں پائلٹوں، لڑاکا طیاروں اور فضا سے فضا میں مار کرنے والے میزائلوں کی کارکردگی کا مطالعہ کرنے اور اس معلومات کو اپنی فضائی افواج کو جنگ کے لیے تیار کرنے کے لیے استعمال کرنے کا ایک بہترین موقع ہے۔
ماہرین کا کہنا ہے کہ بھارت اور پاکستان کی جانب سے جدید ہتھیاروں کے عملی استعمال کا دنیا بھر میں خاص طور پر چین، امریکہ اور دیگر یورپی ممالک میں تفصیل سے تجزیہ کیا جائے گا۔
انٹرنیشنل انسٹی ٹیوٹ فار اسٹریٹجک اسٹڈیز کے ایک سینئر رکن کا کہنا ہے کہ امریکہ اور کئی یورپی ممالک کی فضائی افواج پاک بھارت تنازعہ میں استعمال ہونے والے ہتھیاروں، طریقوں اور حکمت عملیوں کے ہر پہلو کا گہرائی سے تجزیہ کرنے میں دلچسپی لیں گی۔
ایل او سی پر رات بھر بھارتی گولہ باری جاری،ماں بیٹی سمیت5 افرادشہید ،13زخمی
سینیٹر پروفیسر ساجد میر انتقال کر گئے