’’پاک فضائیہ نے بھارتی فوج کے ماتھے پر سندور لگا دیا‘‘ پاکستانیوں کے جذبات؛ ویڈیو دیکھیں
اشاعت کی تاریخ: 9th, May 2025 GMT
بھارت کو ایک جانب اپنے آپریشن ’سندور‘ پر ذلت آمیز ناکامی کا سامنا کرنا پڑا ہے تو دوسری جانب پاکستانیوں نے بھی مودی سرکار کو آئینہ دکھا دیا ہے۔
بھارت کی پاکستان کے خلاف جارحیت اور درجنوں ڈرون حملوں کے بعد پاک فوج کے منہ توڑ جواب دینے پر پاکستانی عوام کی جانب سے زبردست ردعمل سامنے آیا ہے، جس میں شہریوں نے اپنے ملی جذبے کا کھل کر اظہار کیا۔
عوام کا کہنا ہے کہ بھارت نے اپنے آپریشن کا نام ’سندور‘ رکھا مگر وہ سندور ہماری پاک فوج نے اُن (بھارتی فوج) کے ہی ماتھے پر لگا دیا ہے۔ شہریوں نے کہا کہ رافیل طیارے بھارتی فضائیہ کا غرور تھے، مگر پاک فضائیہ نے ان کے بزدلانہ حملے کے جواب میں 5 رافیل طیارے تباہ کر دیے۔
عوام کا کہنا ہے کہ بھارت یہ گمان کر رہا تھا کہ پاکستانی ڈرون حملوں سے ڈر جائیں گے، لیکن پاک فضائیہ کے شاہینوں نے بھارتی ڈرون فضا میں ہی مار گرائے۔
شہریوں کا کہنا ہے کہ شور مچانا تو ہندوستانی میڈیا کا پرانا وتیرہ ہے، مگر اب دنیا سچ جان چکی ہے۔ عوام نے زور دے کر کہا کہ یہ (پاکستانی) قوم نہ کبھی ڈری ہے نہ جھکی ہے اور ہمیشہ اپنے دفاع کے لیے تیار ہے۔ پاک فوج نے تو دشمن کی ایک مکمل بریگیڈ کو تباہ کر دیا ہے۔
ان کا کہنا تھا کہ بھارت ایک بزدل قوم ہے جو صرف سکھوں پر ظلم کر سکتی ہے یا کینیڈا میں لوگوں کو مروا سکتی ہے، مگر پاکستان کے خلاف جارحیت کے بعد اب مودی کے لیے اپنے ہی گھر میں چھپنا بھی مشکل ہو جائے گا۔
عوام کا کہنا ہے کہ وہ ہر محاذ پر افواجِ پاکستان کے ساتھ کھڑے ہیں اور ملک کے دفاع کے لیے کسی بھی قربانی سے دریغ نہیں کریں گے۔
.
ذریعہ: Express News
کلیدی لفظ: کا کہنا ہے کہ
پڑھیں:
شاہینوں نے بھارتی غرور خاک میں ملا دیا، تباہ شدہ رافیل طیارے کی ویڈیو سامنے آگئی
پاکستانی شاہینوں کی جانب سے منہ توڑ جواب کے بعد تباہ ہونے والے بھارتی فضائیہ کے تباہ حال رافیل طیارے کی ویڈیو سامنے آگئی۔
نجی ٹی وی کے مطابق ویڈیو میں فرانسیسی ساختہ ایم آئی سی اے ایئر ٹو ایئر میزائل کا ملبہ بھی دیکھا جا سکتا ہے، جو طیارہ گرنے کے بعد بھی اپنے لانچر سے چپکا ہوا ہے، بھارتی جارحیت کے جواب میں پاکستان نے بھارت کے 5 لڑاکا طیارے مار گرائے ہیں، جب کہ مزید کارروائیوں کا سلسلہ بھی جاری ہے۔
یاد رہے کہ پاک فضائیہ کے ہاتھوں بھارتی فضائیہ کے زیر استعمال رافیل طیارے گرائے جانے کے بعد جدید ترین لڑاکا طیارے بنانے والی فرانسیسی کمپنی کے شیئرز گر گئے۔
ڈیسالٹ ایوی ایشن کے شیئرز کی قدر میں 1.64 فیصد کمی آگئی ہے، واضح رہے کہ گزشتہ 5 روز کے دوران کمپنی کے شیئرز کی قدر میں 3.4 فیصد کا اضافہ ہوا تھا۔
یاد رہے کہ بھارت نے گزشتہ ماہ ہی فرانس کے ساتھ مزید 26 رافیل ایم جنگی طیاروں کی خریداری کا معاہدہ کیا تھا۔
واضح رہے کہ بھارت نے گزشتہ رات، اندھیرے میں پاکستان کے شہری علاقوں پر حملہ کرکے طبل جنگ بجادیا تھا۔
بھارتی حملے کے بعد پاکستان کی مسلح افواج نے بزدلانہ حملے کا منہ توڑ جواب دیتے ہوئے بھارتی فضائیہ کے 3 رافیل طیاروں سمیت 5 جنگی طیارے مارے گرائے، جب کہ ایک بریگیڈ ہیڈکوارٹر سمیت متعدد فوجی چیک پوسٹوں کو تباہ کردیا تھا، بھارتی فوج نے ایل اوسی کے چورا کمپلیکس پر سفید جھنڈ الہرا کر شکست تسلیم کرلی تھی۔
وزیراطلاعات عطا اللہ تارڑ نے صبح سویرے میڈیا سے گفتگو کرتے ہوئے کہا تھا کہ بھارتی فوج نے سفید جھنڈا لہرا کر شکست تسلیم کرلی ہے، پاک فوج کی جانب سے لائن آف کنٹرول پر دشمن کی پوسٹوں کو بھاری نقصان پہنچایا گیا ہے، پاکستان کے مؤثر جواب کے بعد بھارت کی متعدد پوسٹیں تباہ ہوئیں جبکہ پاکستان نے بھارت کے 5 لڑاکا طیارے اور ایک ڈرون مار گرایا۔
اس کے علاوہ پاک فوج کی جوابی کارروائیاں تاحال جاری ہیں، اور دشمن کو بھاری نقصان پہنچنے کی مسلسل اطلاعات مل رہی ہیں۔
???? بھارتی فضائیہ کا رافیل طیارہ تباہ
ویڈیو میں فرانسیسی ساختہ ایم آئی سی اے (MICA) ایئر ٹو ایئر میزائل کا ملبہ بھی دیکھا جا سکتا ہے، جو اب بھی اپنے لانچر سے چپکا ہوا ہے۔ پاکستان کا کہنا ہے کہ اس نے بھارت کے پانچ طیارے مار گرائے ہیں۔ pic.twitter.com/WEJZMuCIVw
— ترکیہ اردو (@TurkiyeUrdu_) May 7, 2025
Post Views: 5
آزادی صحافت کا عالمی دن: صدر، وزیراعظم کا جانیں قربان کرنے والے صحافیوں کو خراج عقیدت