کوئٹہ، مجلس علمائے مکتب اہلبیت کے اجلاس کا انعقاد
اشاعت کی تاریخ: 10th, May 2025 GMT
اجلاس کے موقع پر تنظیمی معاملات اور آئندہ کی حکمت عملی پر مشاورت کی گئی۔ اور کثرت رائے سے آغا احمد یاور رجائی کو ضلع کوئٹہ علمدار روڈ کا صدر منتخب کیا گیا۔ اسلام ٹائمز۔ مجلس علماء مکتب اہلبیت ضلع کوئٹہ کا اجلاس مجلس علماء کے صوبائی صدر علامہ محمد موسیٰ حسینی کی صدارت کوئٹہ میں منعقد ہوا۔ جس میں تنظیمی معاملات اور آئندہ کی حکمت عملی پر مشاورت کی گئی۔ اجلاس میں کثرت رائے سے آغا احمد یاور رجائی کو ضلع کوئٹہ علمدار روڈ کا صدر منتخب کیا گیا۔ نو منتخب صدر نے اپنی کابینہ کا اعلان کرتے ہوئے ابراہیم حسینی کو نائب صدر، رحمت علی رضوانی کو جنرل سیکرٹری، سید نصراللہ حسینی کو سیکرٹری تبلیغات اور منظور حسین رحمانی کو سیکرٹری فلاح و بہبود نامزد کیا گیا۔ اس موقع پر علامہ موسیٰ حسینی نے تنظیم کی اہمیت اور اس کے خدمات پر روشنی ڈالتے ہوئے کہا کہ مجلس علماء مکتب اہلبیت ملت کی فکری، روحانی اور سماجی رہنمائی کے لئے ایک مؤثر پلیٹ فارم ہے۔
اس موقع پر اجلاس سے خطاب کرتے ہوئے علامہ مقصود علی ڈومکی نے مدیریت مسجد کے عنوان پر بصیرت افروز خطاب کیا۔ انہوں نے کہا کہ مساجد کو دینی و اجتماعی قیادت کا مرکز بنانے کی ضرورت ہے، تاکہ ملت کے نوجوانوں کی فکری اور عملی تربیت کی جا سکے۔ انہوں نے مزید کہا کہ علماء کو چاہئے کہ باہمی مشاورت سے کوئٹہ میں مدیریت مسجد کے عنوان سے ورکشاپ منعقد کریں۔ علامہ سید ہاشم موسوی نے اتحاد علماء کے موضوع پر خطاب کرتے ہوئے کہا کہ ملت کے اتحاد و وحدت کے لئے علماء کا باہمی تعاون ناگزیر ہے۔ مجلس علماء بلوچستان کے جنرل سیکرٹری مولانا ذوالفقار علی سعیدی نے تنظیم کا تعارف پیش کرتے ہوئے اس کے اغراض و مقاصد بیان کئے اور کہا کہ مجلس علماء کا مشن علم، وحدت اور خدمت ہے۔ آخر میں ملکی سالمیت، ملت کے اتحاد اور شہداء کے درجات کی بلندی کے لئے دعا کی گئی۔
ذریعہ: Islam Times
کلیدی لفظ: مجلس علماء کرتے ہوئے کہا کہ
پڑھیں:
کوئٹہ، ملی یکجہتی کونسل کا اجلاس، متعدد قراردادیں منظور
اجلاس میں متعدد نکات پر مشتمل قراردادیں متفقہ طور پر منظور کی گئیں۔ جس میں ایران اور فلسطین پر اسرائیلی و امریکی حملوں کی مذمت، اور اتحاد کی ضرورت پر زور دیا گیا۔ اسلام ٹائمز۔ ملی یکجہتی کونسل بلوچستان نے فلسطین اور ایران کے خلاف اسرائیلی جارحیت کی بھرپور مذمت کرتے ہوئے امت مسلمہ کے اتحاد پر زور دیا ہے۔ آج صوبائی دارالحکومت کوئٹہ میں تمام مسلکی جماعتوں کی اتحادی تنظیم ملی یکجہتی کونسل بلوچستان کا ایک اہم اجلاس منعقد ہوا۔ جس کی صدارت صوبائی صدر و رکن اسمبلی مولانا ہدایت الرحمان بلوچ نے کی۔ اجلاس میں مجلس وحدت مسلمین، جماعت اسلامی، شیعہ علماء کونسل، جماعت غربا اہلحدیث، جمعیت علمائے اسلام اور دیگر رکن جماعتوں کے نمائندوں نے شرکت کی۔ اجلاس میں متعدد نکات پر مشتمل قراردادیں متفقہ طور پر منظور کی گئیں۔ پہلی قرارداد میں فلسطین و غزہ میں جاری اسرائیلی مظالم اور نہتے مسلمانوں پر بمباری کی شدید مذمت اور ایران پر امریکی جارحیت کو خطے کے امن کے لئے خطرناک قرار دیتے ہوئے اس کی بھرپور مذمت کی گئی۔ دوسری قرارداد میں فلسطینی عوام کے ساتھ مکمل یکجہتی کا اظہار کیا گیا۔ اس کے ساتھ ہی تمام مکاتب فکر کی قیادت کا متحد ہو کر اُمت مسلمہ کے مظلومین کے لئے آواز بلند کرنے کا عزم کیا گیا۔ چوتھی قرارداد میں کہا گیا کہ یہ اتحاد فرقہ واریت، سامراجیت اور ظلم کے خلاف ایک مضبوط پیغام ہے۔
سونے کی قیمت میں مزیدکمی