جھوٹ کا پردہ چاک، پاک فضائیہ کی کارروائی میں بھارتی طیاروں کی تباہی کے شواہد دنیا نے دیکھ لیے
اشاعت کی تاریخ: 11th, May 2025 GMT
راولپنڈی ( اُردو پوائنٹ اخبارتازہ ترین۔ 11 مئی 2025ء ) بھارت کے جھوٹ کا پردہ چاک ہوگیا اور پاک فضائیہ کی کارروائی میں بھارتی طیاروں کی تباہی کے شواہد دنیا نے دیکھ لیے۔ تفصیلات کے مطابق ڈی جی آئی ایس پی آر کی جانب سے مسلح افواج کے نمائندگان کی جوائنٹ پریس کانفرنس میں بین الاقوامی میڈیا کے سامنے بھارتی جھوٹ کا پردہ چاک کیا گیا جہاں ڈی جی آئی ایس پی آر اور سینئر ائیر فورس آفیسر نے مشترکہ پریس کانفرنس میں بھارتی رافیل طیارے گرانے کے ناقابلِ تردید ثبوت پیش کیے، ثبوتوں میں بھارتی طیاروں کے نمبرز اور تباہ ہونے کی لوکیشنز بھی دکھائی گئیں۔
بتایا گیا ہے کہ 6 اور7 مئی 2025 کی رات پاک فضائیہ اور بھارتی طیاروں کے درمیان پاک بھارت تاریخ کا طویل معرکہ ہوا، پاک فضائیہ نے دفاعی کارروائیاں پاکستان کی خودمختاری کا تحفظ کرتے ہوئے سر انجام دی اور ایک گھنٹے سے زیادہ وقت پر محیط اس فضائی جنگ کے دوران پاک فضائیہ کے شاہنیوں نے 5 بھارتی طیارے مار گرائے، تباہ کئے جانے والے بھارتی طیاروں میں 3 جدید رافیل طیارے، 1 مگ 29 اور ایک SU30 شامل تھے تاہم بھارت نے روایتی ہٹ دھرمی اور جھوٹ کا سہارا لیتے ہوئے طیارے گرنے کی خبر سے انکار کیا، کچھ بھارتی میڈیا چینلز نے طیارے گرنے کی خبروں کی تصدیق کی جو بعد میں مودی سرکار نے ہٹوا دیں لیکن ڈی جی آئی ایس پی آر اور سینئر ائیر فورس آفیسر نے مشترکہ پریس کانفرنس میں بھارتی رافیل طیارے گرانے کے ناقابلِ تردید ثبوت پیش کیے، ثبوتوں میں بھارتی طیاروں کے نمبرز اور تباہ ہونے کی لوکیشنز بھی دکھائی گئیں۔(جاری ہے)
لیفٹیننٹ جنرل احمد شریف چوہدری نے بتایا کہ بھارت کے مطابق ہمارا کوئی طیارہ نہیں گرا جبکہ بھارتی میڈیا خود طیارہ گرنے کی خبروں کی تصدیق کرہا ہے ، طیارہ گرنے کی پہلی خبر "انڈیا ٹوڈے" نے جموں کشمیر کے علاقے پامپور سے دی، انڈیا ٹوڈے نے مقبوضہ جموں و کشمیر کے 3 علاقوں میں طیارے گرنے کی تصدیق کی، بھارتی فضائیہ کے طیارے گرنے کی فوٹیجز میں طیاروں کا ملبہ بخوبی دیکھا جا سکتا ہے، گرائے جانے والے طیارے کی "ٹیل" بھارتی 17گولڈن ایرو اسکاڈرن کے رافیل BS001طیارے کی ہے۔ ڈی جی آئی ایس پی آر نے کہا کہ فوٹیج میں تباہ ہونے والے طیارے کے انجن کو بھی دکھایا گیا ہے جو بھارتی طیارے کا ہے، ہم 21ویں صدی میں رہ رہے ہیں نہ کہ 18ویں صدی میں، اس دور ہر چیز اپنا نشان چھوڑ جاتی ہے، بی بی سی کے نمائندے نے مقبوضہ جموں وکشمیر سے رپورٹنگ کرتے ہوئے کہا کہ "پامپور کے علاقے میں رات کو دھماکے کی آواز سنی گئی، جو طیارہ گرنے کی تھی، ایسا ہی ایک اور دھماکہ جموں کے رام بن کے علاقے میں بھی ہوا"۔ اسی طرح بھارتی صحافی پراوین سواہنے نے بھی 6 اور 7 مئی کی رات جموں و کشمیر میں بھارتی فضائیہ کے 3 جیٹ طیاروں کی تباہی کے شواہد دیئے، انہوں نے بتایا کہ "انڈین ایکسپریس اور دی ہندو اخبار" نے بھٹنڈا کے قریب ایک اور بھارتی طیارہ گرنے کی خبر دی، "دی ہندو" نے 40منٹ کے بعد بھٹنڈا کے قریب طیارہ گرنے کی خبر ہٹا دی"، یہی نہیں بھارتی صحافی پراوین سواہنے اور کرن تھاپر کو معروف بھارتی میڈیا پلیٹ فارم "دی وائر" کے پروگرام میں سچ بولنے پر بلاک کر دیا گیا۔.ذریعہ: UrduPoint
کلیدی لفظ: تلاش کیجئے میں بھارتی طیاروں طیارے گرنے کی طیارہ گرنے کی گرنے کی خبر پاک فضائیہ جھوٹ کا ایس پی
پڑھیں:
جھوٹ سے جنگیں نہیں جیتی جاتیں، خواجہ آصف نے بھارتی ایئرچیف کے دعوے کو مضحکہ خیز قرار دیدیا
وزیر دفاع خواجہ محمد آصف نے بھارتی فضائیہ کے سربراہ کی جانب سے آپریشن ’سِندور‘ کے دوران مبینہ طور پر پاکستانی طیاروں کو تباہ کرنے سے متعلق دیر سے دیے گئے بیان کو غیر حقیقی اور غیر موزوں وقت پر دیا گیا قرار دیا ہے۔
خواجہ آصف نے ’ایکس‘ پر دیے گئے ایک بیان میں کہاکہ یہ ایک ستم ظریفی ہے کہ بھارتی سیاسی قیادت کی تزویراتی کوتاہیوں کے نتیجے میں ہونے والی بڑی ناکامیوں کا ملبہ بھارتی افواج کے سینیئر افسران پر ڈالا جا رہا ہے۔
یہ بھی پڑھیں: پاک بھارت جنگ کے 3 ماہ بعد انڈین فضائیہ جاگ گئی، 6 پاکستانی جہاز تباہ کرنے کا انوکھا دعویٰ
انہوں نے کہاکہ تین ماہ تک بھارت کی جانب سے ایسا کوئی دعویٰ سامنے نہیں آیا، جبکہ پاکستان نے آپریشن ’بنیان مرصوص‘ کے فوراً بعد بین الاقوامی میڈیا کو تکنیکی بریفنگز پیش کیں۔ آزاد مبصرین، عالمی رہنماؤں، بھارتی سیاستدانوں اور غیر ملکی انٹیلی جنس اداروں کی رپورٹس میں متعدد بھارتی طیاروں، بشمول رافیل کی تباہی کی تصدیق کی گئی۔
وزیرِ دفاع نے واضح کیاکہ پاکستان کا کوئی بھی طیارہ بھارتی کارروائی میں نشانہ نہیں بنا۔ اس کے برعکس، پاکستان نے 6 بھارتی لڑاکا طیارے، ایس 400 فضائی دفاعی نظام اور ڈرون طیارے تباہ کیے، جبکہ متعدد بھارتی فضائی اڈے فوری طور پر ناکارہ بنا دیے گئے۔ جبکہ لائن آف کنٹرول پر بھی بھارتی افواج کو بھاری نقصان اٹھانا پڑا۔
انہوں نے کہاکہ اگر سچ پر شک ہے تو دونوں ممالک اپنے طیاروں کا ریکارڈ آزادانہ تصدیق کے لیے پیش کریں، اگرچہ ہمیں یقین ہے کہ ایسا کرنے سے وہ حقیقت عیاں ہو جائےگی جسے بھارت چھپانے کی کوشش کررہا ہے۔
خواجہ آصف نے کہاکہ جنگیں جھوٹ سے نہیں بلکہ اخلاقی برتری، قومی عزم اور پیشہ ورانہ صلاحیت سے جیتی جاتی ہیں۔
انہوں نے خبردار کیا کہ ایسے مضحکہ خیز بیانیے جو اندرونی سیاسی مفادات کے لیے گھڑے گئے ہوں، ایک ایٹمی خطے میں اسٹریٹجک غلط فہمی کے سنگین خطرات کو جنم دے سکتے ہیں۔
انہوں نے مزید کہاکہ جیسا کہ آپریشن ’بنیان مرصوص‘ کے دوران ثابت ہوا، پاکستان کی خودمختاری اور علاقائی سالمیت کی ہر خلاف ورزی کا فوری، یقینی اور متناسب جواب دیا جائے گا، اور اگر اس کے بعد خطے میں کشیدگی بڑھتی ہے تو اس کی مکمل ذمہ داری ان تزویراتی طور پر اندھے رہنماؤں پر عائد ہوگی جو وقتی سیاسی مفاد کے لیے جنوبی ایشیا کے امن سے کھیل رہے ہیں۔
یہ بھی پڑھیں: پاک بھارت کشیدگی: انڈیا نے 3 جنگی جہاز گر کر تباہ ہونے کی تصدیق کردی
واضح رہے کہ پاک بھارت جنگ کے تین ماہ بعد بھارتی ایئر چیف نے دعویٰ کیا ہے کہ بھارت نے آپریشن سندور کے دوران پاکستان کے 5 جنگی جہازوں سمیت 6 طیارے تباہ کیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آپریشن بنیان مرصوص بھارتی ایئر چیف دعویٰ پاک بھارت جنگ جنوبی ایشیا رافیل جہاز نریندر مودی وی نیوز
لیجنڈز لیگ میں پاکستان کی شکست پر سریش رائنا زہر اگلنے لگا