پاکستان نہ یو اے ای! باسط علی نے پی ایس ایل کے باقی میچز کس ملک میں کرانے کا مشورہ دیا؟
اشاعت کی تاریخ: 12th, May 2025 GMT
کراچی:
قومی ٹیم کے سابق ٹیسٹ کرکٹر باسط علی نے پاکستان سپر لیگ (پی ایس ایل) سیزن 10 کے باقی ماندہ میچز بنگلادیش منتقل کرنے کی تجویز پیش کی ہے۔
سماجی رابطے کی ویب سائٹ ایکس پر اپنے بیان میں باسط علی نے کہا کہ پی ایس ایل کے میچز دبئی کے بجائے بنگلادیش میں کروانے چاہئیں، کیونکہ بنگلادیش ہمارا برادر ملک ہے اور وہاں شائقین بڑی تعداد میں اسٹیڈیم آتے ہیں۔
انہوں نے کہا کہ اگر پاکستان کرکٹ بورڈ نے یہ قدم اٹھایا تو عوام کی جانب سے زبردست پذیرائی ملے گی۔
یاد رہے کہ بھارتی جارحیت کے پیش نظر پی سی بی نے پی ایس ایل کو غیرمعینہ مدت کے لیے معطل کر دیا تھا تاہم حالیہ دنوں پی ایس ایل انتظامیہ نے فرنچائزز کو ہدایت دی ہے کہ غیر ملکی کھلاڑیوں کو دبئی میں روک کر رکھا جائے جبکہ مقامی کھلاڑیوں کو بھی ذہنی طور پر تیار رہنے کی ہدایت دی گئی ہے۔
ذرائع کے مطابق امکان ہے کہ کھلاڑیوں کو اسلام آباد میں جمع ہونے کے لیے کہا جا سکتا ہے تاکہ ٹورنامنٹ سے متعلق حتمی فیصلہ کیا جا سکے۔
Idea????
@MohsinnaqviC42
@Salman_ARY
@KarachiKingsARY
@IsbUnited
@MultanSultans
@PeshawarZalmi
@TeamQuetta
@lahoreqalandars pic.
ذریعہ: Express News
کلیدی لفظ: پی ایس ایل
پڑھیں:
پاکستان بنگلادیش کو ہرا کر ایشیا کپ فائنل میں پہنچ گیا
گرین شرٹس نے زبردست بولنگ پرفارمنس کی بدولت بنگلہ دیش کو 11 رنز سے شکست دے دی
شاہین آفریدی، حارث رؤف نے تین ،تین ، صائم ایوب نے 2 جبکہ محمد نواز نے ایک وکٹ حاصل کی
ایشیا کپ سپر فور مرحلے کے اہم میچ میں پاکستان نے بنگلادیش کو 11 رنز سے شکست دیکر فائنل کیلئے کوالیفائی کرلیا، فائنل میں ایک بار پھر روایتی حریف بھارت کیساتھ جوڑ پڑے گا۔پاکستان کی جانب سے ملنے والے 136 رنز کے ہدف کے تعاقب میں بنگلادیش کرکٹ ٹیم مقررہ 20 اوورز میں 9 وکٹوں کے نقصان پر 107 رنز بناسکی۔بنگلا دیش کی جانب سے شمیم حسین30رنز بناکر ٹاپ سکورر رہے، سیف حسن نے 18 ، نور الحسن نے16، مہدی حسن نے 11، ذاکر علی نے 5، تنظیم حسن نے 10 اور تسکین احمد نے 4 رنز بنائے۔پاکستان کی جانب سے شاہین شاہ آفریدی اور حارث رؤف نے تین ،تین ، صائم ایوب نے 2 جبکہ محمد نواز نے ایک وکٹ حاصل کی۔قبل ازیں دبئی انٹرنیشنل کرکٹ سٹیڈیم میں ہونیوالے ایشیا کپ سپر فور مرحلے کے میچ میں بنگلہ دیش کے کپتان لٹن داس کی غیر موجودگی میں کپتانی کے فرائض انجام دینے والے ذاکر علی نے ٹاس جیت کر پہلے پاکستان کو بیٹنگ کی دعوت دی۔پہلے بیٹنگ کرتے ہوئے پاکستان کرکٹ ٹیم کے مقررہ 20 اوورز میں 8 وکٹوں کے نقصان پر 135 رنز بنائے، محمد حارث 31 رنز کیساتھ نمایاں رہے۔پاکستان کی جانب سے فخر زمان اور صاحبزادہ فرحان نے اننگز کا آغاز کیا لیکن صاحبزادہ فرحان ٹیم کے 4 رنز کے مجموعے پر 4 رنز بنا کر کیچ تھما بیٹھے، صائم ایوب کا بلا آج بھی خاموش ہی رہا اور وہ بغیر کھاتہ کھولے ہی پویلین لوٹ گئے۔کریز پر موجود فخر کا ساتھ نبھانے کیلئے کپتان سلمان علی آغا آئے لیکن 29 رنز کے مجموعی سکور پر فخر زمان بھی 13 رنز بنا کر کپتان کا ساتھ چھوڑ گئے۔نئے آنے والے بلے باز حسین طلعت بھی محض تین رنز بنا کر ہی پویلین چلتے بنے، کپتان سلمان علی آغا کی مزاحمت بھی 19 رنز پر دم توڑ گئی جبکہ شاہین آفریدی بھی 13 گیندوں پر 19 رنز ہی بنا سکے۔پاکستان کا ساتواں نقصان محمد حارث کی صورت میں ہوا جب وہ 23 گیندوں پر 31 رنز بنا کر کیچ آؤٹ ہو گئے، محمد نواز بھی 25 رنز بنا کر ہمت ہار گئے جبکہ فہیم اشرف 14 اور حارث رؤف 3 رنز بنا کر ناٹ آؤٹ رہے۔بنگلا دیش کی جانب سے تسکین احمد نے 3، رشاد حسین اور مہدی حسن نے دو،دو وکٹیں حاصل کیں۔بنگلادیش کو شکست دینے کے بعد پاکستان ایشیا کپ کے فائنل میں پہنچنے والی دوسری ٹیم بن گئی جو اتوار کو بھارت کے ساتھ مقابلہ کریگی۔واضح رہے کہ پاکستان اور بھارت کی ٹیمیں پہلی بار ایشیا کپ کے فائنل میں آمنے سامنے آئیں گی۔
کسی گروہ کو جہاد کا اعلان کرنے کا حق نہیں، جسے شوق ہے فوج جوائن کرے، طاہر اشرفی