ماں اور بیٹے نے ایک ساتھ گریجویشن مکمل کرلی
اشاعت کی تاریخ: 12th, May 2025 GMT
ٹیکساس کرسچن یونیورسٹی (TCU) میں ایک دل کو چھو لینے والا واقعہ پیش آیا جب ماں اور بیٹے نے ایک ساتھ گریجویشن کی ڈگری حاصل کیں۔
50 سالہ برانڈی فیلڈز اور ان کے 22 سالہ بیٹے کائل فیلڈز نے مدرز ڈے ویک اینڈ کے موقع پر منعقدہ تقریب میں اپنی ڈگری حاصل کی۔
برانڈی نے TCU میں اسکول آف بزنس سے ایگزیکٹو ایم بی اے مکمل کیا، جب کہ کائل نے ایڈرن کالج آف لبرل آرٹس سے ماسٹر آف لبرل آرٹس کی ڈگری حاصل کی۔
دونوں نے ایک ساتھ اسٹیج پر جا کر ڈگری حاصل کیں اور اس موقع پر انہوں نے یونیورسٹی کے رنگ، جامنی، میں نائکی کے میچنگ جوتے پہنے تھے جو ان کی یکجہتی اور خوشی کی علامت تھے۔
برانڈی اور ان کے شوہر جو دونوں سابق فوجی ہیں، نے 2020 میں اپنی والدہ کے انتقال کے بعد کیلیفورنیا سے فورٹ ورتھ، ٹیکساس منتقل ہونے کا فیصلہ کیا تھا تاکہ بیٹے کائل کے قریب رہ سکیں جو پہلے ہی TCU میں تعلیم حاصل کر رہے تھے۔
برانڈی نے اپنے بیٹے کی کامیابیوں سے متاثر ہو کر خود بھی تعلیم جاری رکھنے کا فیصلہ کیا۔ کائل نے اپنی والدہ کی محنت اور عزم کو دیکھ کر مزید محنت کی۔ انہوں نے کہا کہ جب وہ اپنی والدہ کو کام کے بعد ہوم ورک کرتے دیکھتے تو انہیں بھی اپنی تعلیم پر توجہ مرکوز کرنے کی ترغیب ملتی تھی۔
.
ذریعہ
ذریعہ: Express News
کلیدی لفظ: ڈگری حاصل کی
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع