غذر میں پیپلزپارٹی کے زیر اہتمام یوم تشکر، پاک فوج کو شاندار خراج تحسین
اشاعت کی تاریخ: 12th, May 2025 GMT
شرکاء نے اس عزم کا اعادہ کیا کہ پاکستان پیپلز پارٹی کا ہر کارکن ملکی دفاع اور سلامتی کے لیے افواج پاکستان کے شانہ بشانہ کھڑا ہے اور ہمیشہ کھڑا رہے گا۔ افواجِ پاکستان کی کامیابی پر کارکنوں نے خوشی اور تشکر کا اظہار کرتے ہوئے قومی اتحاد و یکجہتی کے عزم کو دہرایا۔ اسلام ٹائمز۔ پاکستان پیپلز پارٹی گلگت بلتستان کے زیر اہتمام ضلع غذر میں یوم تشکر منایا گیا اور پاک فوج کو خراج تحسین پیش کیا گیا۔ یوم تشکر کی تقریب میں پی پی کے صوبائی صدر امجد حسین ایڈووکیٹ اور صوبائی وزیر تعلیم غلام شہزاد آغا نے خصوصی شرکت کی۔ مقررین نے خطاب کرتے ہوئے افواجِ پاکستان خصوصاً پاک فضائیہ کے شاہینوں کو سلام پیش کرتے ہوئے کہا کہ انہوں نے قوم کا سر فخر سے بلند کیا اور دشمن کے غرور کو خاک میں ملا دیا جس کا اعتراف بین الاقوامی سطح پر بھی کیا گیا۔ تقریب سے پاکستان پیپلز پارٹی گلگت بلتستان کے صدر امجد حسین ایڈووکیٹ، ضلع غذر کے صدر سید جلال علی شاہ، سابق وزیر تعلیم علی مدد شیر، وزیر تعلیم غلام شہزاد آغا، سینئر نائب صدر نور ولی، جنرل سیکریٹری وقار احمد مایا، ڈپٹی جنرل سیکریٹری وجاہت علی، ڈپٹی انفارمیشن سیکریٹری بدرالدین بدر اور دیگر رہنماؤں نے خطاب کیا۔ تقریب کے اختتام پر شرکاء نے اس عزم کا اعادہ کیا کہ پاکستان پیپلز پارٹی کا ہر کارکن ملکی دفاع اور سلامتی کے لیے افواج پاکستان کے شانہ بشانہ کھڑا ہے اور ہمیشہ کھڑا رہے گا۔ افواجِ پاکستان کی کامیابی پر کارکنوں نے خوشی اور تشکر کا اظہار کرتے ہوئے قومی اتحاد و یکجہتی کے عزم کو دہرایا۔
.ذریعہ: Islam Times
کلیدی لفظ: پاکستان پیپلز پارٹی کرتے ہوئے
پڑھیں:
تہران؛ اسرائیل کے خلاف جنگ میں فتح کا جشن، ریلی میں فوج کو خراج تحسین
TEHRAN:ایران کے دارالحکومت میں عوام کی ایک بڑی تعداد نے سڑکوں پر نکل کر اسرائیل کے خلاف جنگ میں فتح کا جشن منایا اور صہیونی فورسز کے خلاف جنگ میں زبردست مقابلہ کرنے پر مسلح افواج کو خراج تحسین پیش کیا گیا۔
ایرانی میڈیا کی رپورٹ کے مطابق تہراین میں منگل کو جنگ بندی کے بعد عوام کی ایک بڑی تعداد جمع ہوئی اور صہیونی جارحیت کا مقابلہ کرنے پر مسلح افواج سے مکمل یک جہتی کا اظہار کیا۔
وسطی تہران میں انقلاب اسکوائر پر ایرانی خواتین، بچے اور ہر شعبہ سے تعلق رکھنے والے ہزاروں افراد جمع ہوئے اور انہوں نے اسرائیلی حملوں کے خلاف مزاحمت اور قوم کی خودمختاری کے دفاع پر ان کی مکمل حمایت کا اعادہ کیا۔
عوام نے اسرائیلی جارحیت کو مجرمانہ فعل قرار دیتے ہوئے اس کی مذمت کی اور امریکا کو خون ریزی میں اس کا برابر کا مجرم قرار دیا اور امریکا مردہ باد، بچوں کا قاتل اسرائیل مردہ باد اور کوئی سمجھوتہ نہیں، کوئی شکست نہیں، امریکا کے خلاف جنگ رہے گی جیسے فلک شگاف نعرے لگائے۔
ایران کے سپریم لیڈر آیت اللہ علی خامنہ ای کے پورٹریٹ، اسرائیل کے خلاف جنگ کے شہدا کی تصاویر اور ایران کے پرچم ہاتھوں میں اٹھائے عوام اسرائیل اور امریکا کے خلاف نعرے لگا رہے تھے اور پلے کارڈز میں درج تھا کہ ہم زندگی کے آخری لمحے تک کھڑے رہیں گے، اسرائیل کے تمام جرائم میں امریکا شراکت دار ہے، درج تھا۔
عوام نے پلے کارڈز میں لکھا تھا کہ صرف امن نہیں بلکہ پائیدار امن چاہیے اور لبیک یا خامنہ ای جیسے نعرے اور مطالبات درج تھے۔
ریلی میں پاسداران انقلاب، فوج، بسیج فورس اور پولیس کی تعریف میں نعرے لگائے گئے اور ان کے کردار کو بہادر اور جرات قرار دیا گیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی