کراچی کے صارفین کیلئے بجلی 5 روپے 2 پیسے سستی کرنے کی درخواست
اشاعت کی تاریخ: 14th, May 2025 GMT
فائل فوٹو
کے الیکٹرک نے مارچ کی فیول پرائس ایڈجسٹمنٹ کے تحت کراچی کے صارفین کے لیے فی یونٹ بجلی 5 روپے 2 پیسے سستی کرنے کی درخواست نیپرا میں جمع کرادی۔
درخواست میں فیول پرائس ایڈجسٹمنٹ سے صارفین کو 6 ارب 79 کروڑ روپے کے ریلیف کا تخمینہ ہے۔
کے الیکٹرک نے ساتھ ہی یہ درخواست بھی کر دی کہ کے الیکٹرک کی پاور پلانٹس کے اسٹارٹ اپ سمیت مختلف مدوں میں 14 ارب 60 کروڑ روپے کی کی رقم زیر التوا ہے جس میں سے نیپرا نے نومبر سے جنوری کی فیول پرائس ایڈجسٹمنٹس میں سے 9 ارب 40 کروڑ روپے الگ کر لئے ہیں اور یہ رقم کراچی کے صارفین کو نومبر سے جنوری تک ملنے والے ریلیف سے کاٹی گئی ہے۔
کے الیکٹرک نے درخواست میں مارچ کی فیول پرائس ایڈجسٹمنٹ کے ریلیف سے بھی رقم کٹوتی کی درخواست کی ہے۔
یاد رہے کہ کراچی کی مختلف7 کاروباری تنظیمیں کے الیکٹرک کے مطالبے پر نیپرا کی طرف سے فیول پرائس ایڈجسٹمنٹس کے ریلیف میں کٹوتی کی مسلسل مخالفت کر رہی ہیں۔
ان کا موقف رہا ہے کہ پاور پلانٹس کے اسٹارٹ اپس کے خرچے صارفین پر نہیں ڈالے جاسکتے۔
نیپرا کے الیکٹرک کی درخواست پر 22 مئی کو سماعت کرے گی۔
.ذریعہ: Jang News
کلیدی لفظ: کے الیکٹرک فیول پرائس کی درخواست
پڑھیں:
آرامکو کی جانب سے پاکستان میں 50 فیول اسٹیشنز کی تکمیل کا اعلان
اسلام آباد کی سری نگر ہائی وے پر آرامکو کے باضابطہ فیول اسٹیشن کے افتتاح کے ساتھ ہی سعودی عرب کی سرکاری آئل کمپنی آرامکو نے پاکستان میں اپنے 50 فیول اسٹیشنز کی تکمیل کا اعلان کردیا ہے۔
اپنی ایک سوشل میڈیا پوسٹ میں آرامکو نے پاکستانی صارفین کے اعتماد پر ان کا شکریہ ادا کیا ہے۔
’لاہور کے لبرٹی میں قائم ہمارے پہلے فیول اسٹیشن سے لے کر 50ویں اسٹیشن تک، جو اسلام آباد کی سرینگر ہائی وے پر واقع ہے، یہ سفر آپ کے اعتماد سے ممکن ہوا، یہ سنگِ میل ہم سب کے لیے فخر کی بات ہے۔‘
یہ بھی پڑھیں: گیس اینڈ آئل کمپنی کے حصص کی خریداری کا عمل مکمل، آرامکو نے پاکستانی مارکیٹ میں باضابطہ طور پر قدم رکھ دیا
یہ پیشرفت پاکستان میں کمپنی کے ریٹیل سیکٹر میں باضابطہ مستحکم قیام کی علامت ہے۔
آرامکو نے گزشتہ برس کے اختتام تک پاکستان میں اپنا پہلا برانڈڈ ریٹیل پٹرول اسٹیشن لاہور کے لبرٹی چوک پر قائم کیا تھا۔
Aramco Expands Its Retail Presence with 50th Station in Pakistan.
Gas & Oil Pakistan Limited, an Aramco joint venture, marked a major milestone with the inauguration of its 50th retail station on Srinagar Highway, Islamabad. #Aramco #Islamabad #50thretailstation pic.twitter.com/yiFQ6fnzym
— SouthAsia (@southasiamag) November 11, 2025
مذکورہ اقدام گیس اینڈ آئل پاکستان لمیٹڈ میں 40 فیصد حصص کے حصول کے بعد ممکن ہوا ہے، جو مئی 2024 میں مکمل ہوا۔
یہ سرمایہ کاری آرامکو کی جانب سے پاکستان میں پہلا ڈاؤن اسٹریم ریٹیل انویسٹمنٹ ہے۔
کمپنی کا کہنا ہے کہ پاکستان میں اس کی موجودگی بڑھتے ہوئے مارکیٹ پوٹینشل اور توانائی کے شعبے میں تعاون کے نئے مواقع پیدا کرے گی۔
مزید پڑھیں: سعودی کمپنی آرامکو کی پاکستان میں بڑی سرمایہ کاری، گیس اینڈ آئل کمپنی کے 40 فیصد حصص خرید لیے
اس سے قبل آرامکو نے چلی کی معروف فیول اور لبریکنٹس ریٹیلر کمپنی ایس میکس ڈسٹریبیوشن اسپا میں بھی 100 فیصد ایکویٹی اسٹیک حاصل کیا تھا۔
تجزیہ کاروں کے مطابق یہ دونوں سرمایہ کاریاں آرامکو کی عالمی سطح پر ڈاؤن اسٹریم بزنس کے پھیلاؤ کی حکمتِ عملی کا حصہ ہیں۔
آرامکو کے ترجمان کے مطابق کمپنی پاکستان میں طویل مدتی شراکت داری کے عزم کے ساتھ ریفائننگ، اسٹوریج، اور فیول ڈسٹری بیوشن نیٹ ورک کو وسعت دینے کے منصوبے پر بھی کام کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل کمپنی آرامکو توانائی سعودی عرب فیول اسٹیشن
شمالی وزیرستان: شادی کی تقریب میں شرکت کےلیے جانے والی گاڑی کو حادثہ، 14 افراد زخمی