پولیو سے متاثرہ شہاب الدین کی تیار کردہ الیکٹرک شٹلز چینی سواریوں سے 3 گنا سستی
اشاعت کی تاریخ: 26th, September 2025 GMT
پشاور سے تعلق رکھنے والے نوجوان شہاب الدین پولیو کی وجہ سے چلنے پھرنے سے قاصر ہیں لیکن اپنی صلاحیتوں کے بل بوتے پر ماحول دوست اور کم قیمت جدید شٹل تیار کر رہے ہیں۔
یہ بھی پڑھیں: ملائیشیا کی فضاؤں میں پشاور کی خوشبو
شہاب الدین نے پشاور کے نواحی علاقے میں اپنی ایک ورکشاپ قائم کی ہے جہاں وہ دن رات محنت کرکے جدید شٹل بناتے ہیں۔
پشاور میں یہ اپنی نوعیت کی واحد ورکشاپ ہے جو اس طرح کی جدید شٹل تیار کرتی ہے۔
شہاب الدین کے مطابق وہ کباڑ سے مختلف گاڑیوں کے پرزے خرید کر استعمال کرتے ہیں۔
پہلی بار انہوں نے 14 سیٹر شٹل تیار کی جو سولر پاور پر چلتی ہے اور ایک چارج پر 100 کلومیٹر تک کا فاصلہ طے کرتی ہے۔ اس کامیابی کے بعد انہوں نے مزید شٹل تیار کرنی شروع کیں۔
شہاب کے مطابق یہ شٹل زیادہ تر یونیورسٹیوں یا کیمپسز میں استعمال کے لیے موزوں ہیں اور اب تک وہ کئی شٹل تیار کر چکے ہیں۔
ان کا کہنا ہے کہ انسان کو مایوس نہیں ہونا چاہیے بلکہ محنت جاری رکھنی چاہیے۔ ان کا مزید کہنا ہے ہم نے بھی ایسا ہی کیا اور اللہ نے کامیابی دی۔
شہاب الدین نے بتایا کہ ان کی پیدائش کے 2 سال بعد وہ پولیو میں مبتلا ہوگئے تھے جس کے باعث چلنے پھرنے سے محروم ہوگئے اور ان کی زندگی وہیل چیئر تک محدود ہوگئی۔ تاہم انہوں نے ہمت نہیں ہاری اور مسلسل محنت جاری رکھی۔
مزید پڑھیے: ہاتھوں کے انگوٹھوں سے محروم چینی نوجوان کی صلاحیتوں کی دھوم
ان کا کہنا ہے کہ پاکستان میں زیادہ تر چیزیں بیرون ملک سے منگوائی جاتی ہیں جبکہ خود کچھ کرنے کا ارادہ نہیں کیا جاتا۔
انہوں نے کہا کہ پاکستان میں شٹل سروس کی مقبولیت بڑھ رہی ہے اور خصوصاً پشاور میں بی آر ٹی سروس کے بعد اس کی مانگ میں اضافہ ہوا ہے۔
یوں تو شٹل چین سے درآمد کی جاتی ہیں جو انتہائی مہنگی ہیں لیکن شہاب الدین کی تیار کردہ شٹل کی قیمت چین کے مقابلے میں تقریباً 3 گنا کم ہے۔
شہاب الدین نے بتایا کہ وہ زیادہ تر استعمال شدہ پرزوں (کابلی پرزے) سے شٹل تیار کرتے ہیں جبکہ دیگر ضروری سامان خود تیار کرتے ہیں۔
مزید پڑھیں: پشاور کی پہلی خاتون ایس ایس پی انویسٹی گیشن عائشہ بانو: اب تفتیش کے مسائل جلد حل ہوں گے
ان کا کہنا ہے کہ وہ مانگ کے مطابق شٹل بنانے کی صلاحیت رکھتے ہیں۔ شہاب الدین کی کاوشوں اور کامیابیوں کی تفصیل جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
14 سیٹر شٹل پشاور پولیو سے متاثرہ باہمت نوجوان شٹل شہاب الدین.
ذریعہ
ذریعہ: WE News
کلیدی لفظ: 14 سیٹر شٹل پشاور پولیو سے متاثرہ باہمت نوجوان شٹل شہاب الدین شہاب الدین انہوں نے شٹل تیار کہنا ہے
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار