براڈ پٹ کی ایکشن تھرلر فلم ایف 1” کا سنسنی خیز ٹریلر جاری، کب ریلیز ہوگی؟
اشاعت کی تاریخ: 14th, May 2025 GMT
ہالی ووڈ اداکار براڈ پٹ کی ایکشن تھرلر فلم "ایف 1” کا سنسنی خیز ٹریلر جاری کردیا گیا۔
براڈ پٹ کی نئی ایکشن سے بھرپور ریسنگ فلم ’ایف 1‘ کا ٹریلر یوٹیوب پر جاری کر دیا گیا ہے، جسے مداحوں کی جانب سے زبردست پذیرائی مل رہی ہے۔ فلم 27 جون 2025 کو عالمی سطح پر سینما گھروں میں نمائش کے لیے پیش کی جائے گی، جب کہ کچھ ممالک میں اسے 25 جون کو ریلیز کیا جائے گا۔
یہ فلم فارمولہ ون کے سات مرتبہ عالمی چیمپیئن لیوس ہیملٹن، جیری بروک ہائمر، جوزف کوسنسکی، براڈ پٹ اور دیگر پروڈیوسرز کی مشترکہ کاوش ہے۔
فلم میں براڈ پٹ ایف 1 کے تجربہ کار ڈرائیور سونی ہیز کا کردار ادا کر رہے ہیں، جو 1990 کی دہائی میں ایک حادثے کے بعد ایف 1 سے ریٹائر ہو گیا تھا۔ فلم کی کہانی اس وقت کے گرد گھومتی ہے جب ہیز کو ایک بار پھر ٹیم کی مدد کے لیے واپس بلایا جاتا ہے۔
اس فلم کی خاص بات یہ ہے کہ اس میں حقیقی ایف 1 لمحات شامل کیے گئے ہیں، جن میں براڈ پٹ کی سلور اسٹون گرینڈ پریکس تقریب میں حقیقی ڈرائیورز کے ساتھ موجودگی بھی شامل ہے۔ شائقین فلم کی حقیقی عکاسی اور ویژیول ایفیکٹس سے بہت متاثر دکھائی دے رہے ہیں اور اس کی ریلیز کا بےصبری سے اتنظار کر رہے ہیں۔
TagsShowbiz News Urdu.
ذریعہ: Al Qamar Online
پڑھیں:
ہانگ کانگ سکسز: سنسنی خیز مقابلے میں آسٹریلیا کو شکست، پاکستان کی فائنل میں رسائی
ہانگ کانگ سکسز کے پہلے سیمی فائنل میں پاکستان نے سنسنی خیز مقابلے کے بعد آسٹریلیا کو ایک رن سے شکست دے دی۔
تفصیلات کے مطابق آسٹریلیا نے ٹاس جیت کر پاکستان کو پہلے بیٹنگ کرنے کی دعوت دی تو پاکستان نے مقررہ 6 اوورز میں 2 وکٹوں کے نقصان پر 121 رنز بنائے۔
خواجہ نافع 50 رنز بناکر ریٹائرڈ ہرٹ ہوئے جبکہ عبدالصمد نے 34 اور کپتان عباس آفریدی نے 19 رنز بنائے۔
آسٹریلیا کی جانب سے ایلکس روز نے 2 وکٹیں حاصل کیں۔
ہدف کے تعاقب میں آسٹریلوی ٹیم مقررہ 6 اوورز میں 5 وکٹوں کے نقصان پر 120 رنز بناسکی۔
کرس گرین 46 اور کپتان ایلکس روز 36 رنز بناکر نمایاں رہے۔
پاکستان کی جانب سے شاہد عزیز، محمد شہزاد اور عباس آفریدی نے ایک ایک وکٹ حاصل کی۔
خورشید شاہ کے خلاف نیب ریفرنس ایف آئی اے کورٹ کو منتقل کر دیا گیا