پی ایس ایل کے بقیہ میچز کے ٹکٹوں کے حوالے سے پی سی بی کا بڑا اعلان
اشاعت کی تاریخ: 14th, May 2025 GMT
پاکستان کرکٹ بورڈ (پی سی بی) نے 17 مئی سے 25 مئی تک راولپنڈی اور لاہور میں کھیلے جانے والے پی ایس ایل کے 8 میچز کے ٹکٹوں کی تفصیلات کا اعلان کردیا۔
پی سی بی کے مطابق وہ شائقین جنہوں نے 8 مئی پشاور زلمی بمقابلہ کراچی کنگز، 9 مئی پشاور زلمی بمقابلہ لاہور قلندرز اور 10 مئی اسلام آباد یونائیٹڈ بمقابلہ کراچی کنگز کے میچز کے ٹکٹ خریدے تھے اب وہی ٹکٹیں بالترتیب 17، 18 اور 19 مئی کے میچز کے لیے استعمال کر سکتے ہیں۔
یہ بھی پڑھیں پی ایس ایل میں شرکت کریں گے یا نہیں، لاہور قلندرز کے سکندر رضا نے واضح کردیا
پی سی بی نے بتایا کہ راولپنڈی کرکٹ اسٹیڈیم میں 18 مئی کو ڈبل ہیڈر ڈے ہونے کی وجہ سے پہلے جاری کردہ 9 مئی کا ٹکٹ دونوں گیمز میں شرکت کے لیے استعمال کیا جا سکتا ہے۔
پی سی بی کے مطابق جن شائقین نے ایلیمینیٹر 1، 2 اور فائنل کے ٹکٹ خریدے ہیں وہ متعلقہ میچوں کی نئی اعلان کردہ تاریخوں کے مطابق انہیں استعمال کر سکتے ہیں۔
پی سی بی نے بتایا کہ باقی لیگ میچوں اور پلے آف کے ٹکٹ ویب سائٹ یا ٹی سی ایس کی نامزد کردہ برانچز سے خریدے جا سکتے ہیں۔
پی سی بی کے مطابق شائقین صرف ملتان میں شیڈول 5 اور 10 مئی کو ہونے والے مقابلوں اور راولپنڈی میں پہلے سے طے شدہ کوالیفائر کا مکمل ریفنڈ حاصل کرسکتے ہیں۔
جن لوگوں نے ٹی سی ایس سینٹرز سے ٹکٹ حاصل کیے تھے انہیں نامزد برانچز پر ہی واپس کرنا ہوں گے، اور مناسب وقت پر رقم کی واپسی کا اعلان کردیا جائےگا۔
یہ بھی پڑھیں پی ایس ایل سیزن 10 کے بقیہ میچز کا شیڈول جاری
یاد رہے کہ پاکستان اور بھارت کے درمیان جنگ کی وجہ سے متاثر ہونے والے پی ایس ایل کے بقیہ میچز 17 مئی سے شروع ہوں گے، اور فائنل 25 مئی کو لاہور میں کھیلا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بڑا اعلان بقیہ میچز پاک بھارت جنگ پاکستان سپر لیگ پاکستان کرکٹ بورڈ پی ایس ایل پی سی بی ٹکٹ رقم کی واپسی وی نیوز.ذریعہ: WE News
کلیدی لفظ: بڑا اعلان بقیہ میچز پاک بھارت جنگ پاکستان سپر لیگ پاکستان کرکٹ بورڈ پی ایس ایل پی سی بی ٹکٹ رقم کی واپسی وی نیوز پی ایس ایل بقیہ میچز کے مطابق پی سی بی میچز کے کے ٹکٹ
پڑھیں:
بنگلا دیش کیخلاف قومی اسکواڈ تیار، شاداب باہر، تربیتی کیمپ 7 جولائی سے کراچی میں
data-id="863a0a8" data-element_type="widget" data-widget_type="theme-post-content.default">
پاکستان کرکٹ ٹیم آئندہ ماہ بنگلادیش کے خلاف 3میچز پر مشتمل ٹی 20 سیریز کے لیے میدان میں اترنے جا رہی ہے، جس کے لیے قومی ٹیم کے مجوزہ اسکواڈ کی تیاری مکمل کرلی گئی ہے۔
نجی ٹی وی کی رپورٹ میں بورڈ ذرائع کے حوالے سے بتایا گیا ہے کہ پاکستان کرکٹ بورڈ (پی سی بی) کی منظوری کے بعد آئندہ چند روز میں اسکواڈ کا باضابطہ اعلان کر دیا جائے گا، تاہم ابتدائی طور پر یہ طے ہو چکا ہے کہ سینئر لیگ اسپنر شاداب خان اس سیریز میں ٹیم کا حصہ نہیں ہوں گے۔
ذرائع کے مطابق شاداب خان کندھے کی انجری سے مکمل طور پر صحتیاب نہیں ہو سکے اور ڈاکٹرز نے ممکنہ طور پر سرجری کا مشورہ دیا ہے۔ اس صورتحال کو مدنظر رکھتے ہوئے سلیکشن کمیٹی نے نوجوان کھلاڑیوں پر انحصار کرنے کا فیصلہ کیا ہے۔
کپتان سلمان علی آغا اور ہیڈ کوچ مائیک ہیسن کی مشاورت سے بننے والے اسکواڈ میں کچھ نئے چہرے متوقع ہیں، جنہیں انٹرنیشنل سطح پر خود کو منوانے کا موقع دیا جائے گا۔
قومی ٹیم کا تربیتی کیمپ 7 جولائی سے کراچی میں شروع ہوگا جب کہ ہیڈ کوچ مائیک ہیسن 6جولائی کو پاکستان پہنچیں گے تاکہ کیمپ کے تمام مراحل کی خود نگرانی کر سکیں۔ کیمپ کا مقصد کھلاڑیوں کو فٹنس، فارمیٹ کی مناسبت سے تیاری اور ٹیکنیکل اسکلز کی بہتری پر فوکس کرنا ہوگا۔
سیریز کا آغاز 20 جولائی کو ہوگا جب پاکستان اور بنگلا دیش کی ٹیمیں ڈھاکا کے میدان میں آمنے سامنے ہوں گی۔ اس کے بعد دوسرا میچ 22 جولائی اور تیسرا 24 جولائی کو کھیلا جائے گا۔ تمام میچز ڈھاکا میں شیڈول کیے گئے ہیں، جہاں موسم کی غیر یقینی صورتحال کے پیش نظر بھی متبادل پلان مرتب کیے جا رہے ہیں۔
سیریز مکمل ہونے کے بعد پاکستانی ٹیم امریکا روانہ ہوگی جہاں اسے 3ٹی 20 انٹرنیشنل میچز کھیلنے ہیں۔ اس کے بعد امریکا ہی میں کچھ ون ڈے میچز بھی شیڈول کیے گئے ہیں، لیکن اس پر حتمی فیصلہ ہونا ابھی باقی ہے۔
دلچسپ بات یہ ہے کہ پی سی بی نے ویسٹ انڈیز کرکٹ بورڈ سے ان ون ڈے میچز کو بھی ٹی 20 میچز میں تبدیل کرنے کی درخواست کر رکھی ہے، تاکہ ٹیم آئندہ ٹی 20 ورلڈ کپ کے لیے بہتر تیاری کر سکے۔
پی سی بی ذرائع کا کہنا ہے کہ حالیہ کارکردگی اور بین الاقوامی تقاضوں کو مدنظر رکھتے ہوئے ٹیم کی تعمیر نو پر توجہ دی جا رہی ہے، خاص طور پر محدود اوورز کے فارمیٹس میں۔ نوجوان کھلاڑیوں کو شامل کرنے کا فیصلہ اسی وژن کا حصہ ہے تاکہ مستقبل کے لیے ایک مضبوط کور اسکواڈ تیار کیا جا سکے۔
دوسری جانب شاداب خان کی انجری ٹیم مینجمنٹ کے لیے تشویش کا باعث ضرور ہے، کیوں کہ وہ گزشتہ کئی برسوں سے پاکستان کی ٹی 20 لائن اپ میں کلیدی کردار ادا کر رہے ہیں۔ ان کی عدم موجودگی میں اسپن بالنگ کے شعبے میں متبادل تلاش کرنا ایک بڑا چیلنج ہوگا، جس کے لیے ممکنہ طور پر ابرار احمد، عثمان قادر یا کسی نئے اسپنر کو آزمایا جا سکتا ہے۔
شیر افضل مروت کے علیمہ خان پر سنگین الزامات، فساد کی جڑ قرار دے دیا