پی آئی اے کا پاکستان کی فتح کو منانے کا انوکھا انداز
اشاعت کی تاریخ: 14th, May 2025 GMT
کراچی:پی آئی اے نے آپریشن بنیان مرصوص میں پاکستان کی فتح کو منانے کیلئے انوکھا انداز اپنالیا۔ ترجمان پی آئی اے کے مطابق قومی ائیرلائن کی جانب سے دوران پرواز مسافروں کی خصوصی تواضع کا اہتمام کیا جارہا ہے، تمام ملکی اور غیر ملکی پروازوں میں جشن فتح کے کیک کاٹنے کا آغاز کردیا گیا ہے۔پی آئی اے کی اندرون ملک پروازوں کے علاوہ بین الاقوامی روٹس ٹورنٹو، فرانس، عرب ممالک اور دیگر روٹس پر جانے والی پروازوں میں بھی کیک کاٹے جارہے ہیں۔
یاد رہے کہ پاکستان کی مسلح افواج نے 6 اور 7 مئی کی شب بھارتی فوج کی بزدلانہ جارحیت کے ردعمل میں 10 مئی 2025 کو آپریشن ’بنیان مرصوص‘ کا آغاز کیا تھا .
ذریعہ: Nawaiwaqt
پڑھیں:
حکومت سندھ کا 15 مئی کو یوم تشکر اور یوم فتح منانے کا اعلان
کراچی:حکومت سندھ اور پاکستان پیپلز پارٹی (پی پی پی) نے 15 مئی کو ’’یوم تشکر و یوم فتح‘‘ منانے کا اعلان کردیا۔
سندھ کے سینئر وزیر اور صوبائی وزیر اطلاعات، ٹرانسپورٹ اور ماس ٹرانزٹ شرجیل انعام میمن نے کہا کہ 15 مئی کو ’’یوم تشکر‘‘ اور ’’یوم فتح‘‘ منا کر پوری دنیا کو یہ پیغام دیا جائے گا کہ پاکستان ایک پرامن ملک ہے لیکن اپنی سرحدوں، خودمختاری اور قومی وقار کے تحفظ کے لیے ہر لمحہ تیار بھی ہے۔
انہوں نے کہا کہ اس دن کی مناسبت سے سندھ بھر میں تقریبات کا انعقاد کیا جائے گا، جن میں شہدا کے ایصال ثواب کے لیے قرآن خوانی، افواج پاکستان کے جوانوں کے اعزاز میں ریلیاں اور عوامی اجتماعات شامل ہوں گے۔
شرجیل میمن نے کہا کہ اس موقع پر دہشت گرد بھارت کی جارحیت کے خلاف پاکستان کی مسلح افواج کی جرات مندانہ مزاحمت، مؤثر حکمت عملی اور شان دار کامیابی کو بھرپور انداز میں خراج تحسین پیش کیا جائے گا۔
نواز شریف کی شہباز شریف سے ملاقات، پاک بھارت کشیدہ صورتحال پر گفتگو