وزیر داخلہ سندھ نے کراچی سے اسٹریٹ کرائم جلد ختم ہونے کی خوش خبری سنادی
اشاعت کی تاریخ: 14th, May 2025 GMT
کراچی:
وزیر داخلہ سندھ ضیا الحسن لنجار نے شہر قائد سے جلد اسٹریٹ کرائم کے خاتمے کی خوش خبری سنائی ہے۔
ایکسپریس نیوز کے مطابق وزیر داخلہ سندھ کی زیر صدارت سیف سٹی پروجیکٹ پر جاری امور کے حوالے سے جائزہ اجلاس ہوا جس میں ڈی جی سیف سٹی آصف اعجاز شیخ نے اہم منصوبے پر مختلف حوالہ جات پر مشتمل تفصیلی بریفنگ دی۔
سیف سٹی پروجیکٹ کے تحت بلڈنگ و دیگر انفراسٹرکچرز کے حوالے سے بھی بریفنگ دی گئی۔
وزیر داخلہ سندھ نے کہا کہ پروجیکٹ کے ابتدائی مرحلے میں ریڈ زون میں شامل ائیرہورٹ کلفٹن و شاہراہ فیصل میں کسی ایک کو جلد سے جلد مکمل کیا جائے۔
انہوں نے کہا کہ میں چاہتا ہوں کہ سیف سٹی پروجیکٹ کے ثمرات شہریوں تک منتقل کیئے جائیں، اس پروجیکٹ کی تکمیل سے حفاظتی اقدامات اور جرائم کے خلاف پولیس اقدامات کو مذید تقویت ملے گی۔
وزیر داخلہ نے امید ظاہر کی کہ یہ منصوبہ اسٹریٹ کرائمز،ہائی ویز رابرز، دہشت گردوں اور سماج دشمن عناصر کے خلاف پولیس کا ایک مؤثر ہتھیار ثابت ہوگا اور اس سے کراچی میں اسٹریٹ کرائم میں واضح کمی ہوگی۔
انہوں نے مزید امید ظاہر کرتے ہوئے کہا کہ جرائم کی بیخ کنی اور کریمنلز کا قلع قمع کرنے میں سیف سٹی پروجیکٹ ایک اہم ٹول ثابت ہوگا۔
اجلاس میں سیکریٹری داخلہ اقبال میمن، پروجیکٹ ڈائریکٹر این آر ٹی سی و دیگر نے شرکت کی۔
.ذریعہ: Express News
کلیدی لفظ: وزیر داخلہ سندھ سیف سٹی پروجیکٹ
پڑھیں:
صدر مملکت ،وزیر اعظم اور وزیر داخلہ کا 23 خوارج کو جہنم واصل کرنے پر سیکورٹی فورسز کو خراج تحسین
سٹی 42: صدر مملکت ،وزیر اعظم اور وزیر داخلہ نے 23 خوارج کو جہنم واصل کرنے پر سیکورٹی فورسز کو خراج تحسین پیش کیا ۔
صدرِ مملکت آصف علی زرداری نے باجوڑ اور بنوں میں کامیاب کارروائیوں پر سیکیورٹی فورسز کو خراجِ تحسین پیش کیا ، انہوں نے بھارتی پشت پناہی میں سرگرم فتنہ الخوارج کے 23 دہشت گردوں کے خاتمے کو سیکیورٹی فورسز کی مؤثر حکمت عملی قرار دیا۔
صوبہ بھر میں ڈرائیونگ لائسنس کے اجراء کا سلسلہ تیزی سے جاری
صدر مملکت نے کہا باجوڑ میں خوارج سرغنہ سمیت متعدد دہشت گردوں کا مارا جانا امن دشمن عناصر کیلئے واضح پیغام ہے،بنوں میں ایک اور کارروائی میں بارہ خوارج کے انجام کو پہنچنے پر صدر زرداری نے جوانوں کی پیشہ ورانہ مہارت کی تعریف کی۔صدر نے کہا کہ سیکیورٹی فورسز کی بروقت کارروائیاں ملک میں امن کے قیام کیلئے ریاست کے عزم کی عکاس ہیں۔پاکستان کی سرزمین پر غیر ملکی پشت پناہی میں سرگرم دہشت گردی کی کوئی گنجائش نہیں ہے ۔
دہشت گردی کے مکمل خاتمے کے لئے پر عزم ہیں،پوری قوم اپنی افواج کے ساتھ کھڑی ہے:وزیراعظم
وزیراعظم محمد شہباز شریف نے ضلع باجوڑ اور ضلع بنوں میں فتنتہ الخوارج کے دہشت گردوں کے خلاف دو مختلف کامیاب کاروائیوں پر سیکیورٹی فورسز کو خراج تحسین پیش کیا انہوں نے ان آپریشنز میں فتنتہ الخوارج کے 23 دہشت گردوں کو ہلاک کرنے پر سیکیورٹی فورسز کی پزیرائی کی ۔
وزیر اعظم نے کہا عزم استحکام کے ویژن کے تحت سیکیورٹی فورسز دہشت گردی کے خلاف بڑی کامیابیاں حاصل کر رہی ہیں ،پوری قوم دہشت گردی کے خلاف اس جنگ میں پاکستان کی افواج کے ساتھ کھڑی ہے ۔ملک سے ہر قسم کی دہشت گردی کے مکمل خاتمے کے لئے پر عزم ہیں۔
مودی سرکار کو بڑا دھچکا,بھارتی شہریوں پر بغیر ویزا ایران میں داخلے پر پابندی عائد
وفاقی وزیر داخلہ محسن نقوی نے باجوڑ اور بنوں میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کو خراج تحسین پیش کیا ، انہوں نے کہاسکیورٹی فورسز کے بہادر سپوتوں نے 23 دہشتگردوں کو جہنم رسید کرکے نمایاں کامیابی حاصل کی۔ دہشتگردوں کے مذموم عزائم ناکام بنانے پر سکیورٹی فورسز کے دلیر سپوتوں کو سلام پیش کرتے ہیں ۔ قوم کو سکیورٹی فورسز کی پیشہ وارانہ صلاحیتوں اور جرات پر فخر ہے۔ خیبر پختونخوا میں فتنہ الہندوستان کے مکمل خاتمے کیلئے پر عزم ہیں۔انشااللہ وہ دن دور نہیں جب پاک دھرتی سے فتنہ الہندوستان کا مکمل صفایا ہو گا۔
پنجاب میں تاریخ کا سب سے بڑا سیلاب بحالی پروگرام جاری
پنجاب بھر کی عدالتوں میں سیکیورٹی انتظامات مزید سخت