ملک کے بیشتر علاقوں میں مئی کی پہلی ہیٹ ویو، درجہ حرارت معمول سے 7 ڈگری زائد رہنے کا امکان
اشاعت کی تاریخ: 15th, May 2025 GMT
پاکستان میں مئی 2025 کی پہلی ہیٹ ویو کا آغاز آج سے ہو رہا ہے، جو آئندہ 3 سے 4 روز تک ملک کے بیشتر علاقوں کو اپنی لپیٹ میں لے گی۔
محکمہ موسمیات (پی ایم ڈی) کے مطابق 15 مئی سے ملک کے بالائی و جنوبی حصوں میں شدید گرمی کی لہر متوقع ہے، جس کے نتیجے میں دن کے وقت درجہ حرارت میں غیرمعمولی اضافہ ہوگا۔
محکمہ موسمیات کا کہنا ہے کہ جنوبی پنجاب، سندھ اور بلوچستان میں درجہ حرارت 15 سے 20 مئی تک معمول سے 4 سے 6 ڈگری سینٹی گریڈ زیادہ رہنے کا امکان ہے، جب کہ بالائی پنجاب، اسلام آباد، خیبرپختونخوا، کشمیر اور گلگت بلتستان میں 15 سے 19 مئی کے دوران درجہ حرارت 5 سے 7 ڈگری زائد رہ سکتا ہے۔
محکمہ موسمیات نے متنبہ کیا ہے کہ بالائی علاقوں میں درجہ حرارت میں اضافے سے برف پگھلنے کی رفتار تیز ہو سکتی ہے، جس کے نتیجے میں پانی کے انتظام سے متعلق چیلنجز پیدا ہو سکتے ہیں۔
مزید پڑھیں: ملک کے مختلف حصوں میں ممکنہ شدید موسمی حالات کی پیش گوئی
تاہم، 19 مئی کی شام ایک مغربی ہوا کا سسٹم ملک کے شمالی حصوں میں داخل ہونے کا امکان ہے، جو بارش، آندھی، گرج چمک اور کہیں کہیں ژالہ باری کا سبب بن سکتا ہے۔ یہ سلسلہ 19 اور 20 مئی کو کشمیر، اسلام آباد، پوٹھوہار ریجن، شمال مشرقی پنجاب، بالائی خیبرپختونخوا اور گلگت بلتستان میں متوقع ہے۔
پی ایم ڈی نے عوام، بالخصوص بچوں، خواتین اور بزرگوں کو ہدایت کی ہے کہ وہ دن کے وقت دھوپ سے بچیں، سایہ دار مقامات میں رہیں اور پانی کا وافر استعمال کریں۔ کسانوں کو بھی مشورہ دیا گیا ہے کہ وہ زرعی سرگرمیاں اس موسم کو مدنظر رکھتے ہوئے ترتیب دیں اور مویشیوں کی حفاظت کا خاص خیال رکھیں۔
محکمہ موسمیات نے تمام متعلقہ اداروں سے اپیل کی ہے کہ وہ الرٹ رہیں اور ممکنہ ہنگامی صورتحال سے نمٹنے کے لیے پیشگی اقدامات کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایم ڈی شدید گرمی محکمہ موسمیات موسم ہیٹ ویو.
ذریعہ
ذریعہ: WE News
کلیدی لفظ: پی ایم ڈی محکمہ موسمیات ہیٹ ویو محکمہ موسمیات ملک کے
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ