آئس کریم کمپنی بین اینڈ جیریز کے شریک بانی کا غزہ میں جنگ کیخلاف احتجاج، سینیٹ سے گرفتار
اشاعت کی تاریخ: 16th, May 2025 GMT
معروف آئس کریم کمپنی بین اینڈ جیریز کے شریک بانی بین کوہن کو امریکی سینیٹ میں اسرائیل کو فوجی امداد اور غزہ میں انسانی صورتحال پر احتجاج کے دوران گرفتار کیا گیا تھا۔
مظاہرین نے بدھ کو سینیٹ کی سماعت میں خلل ڈالا جب صحت اور انسانی خدمات کے سیکریٹری رابرٹ ایف کینیڈی جونیئر گواہی دے رہے تھے۔
یو ایس کیپیٹل پولیس کے مطابق بین کوہن پر بدعنوانی کے جرم کا الزام عائد کیا گیا تھا، جبکہ دیگر 6 مظاہرین کو بھی گرفتار کیا گیا تھا اور ان پر کئی سنگین الزامات کا سامنا کرنا پڑا تھا۔
یہ بھی پڑھیں:
سوشل میڈیا پر شیئر کی گئی ایک ویڈیو میں دکھایا گیا ہے کہ مسٹر کوہن کو پولیس ان کی کمر کے پیچھے ہاتھ باندھ عمارت سے باہر لے جاتی ہے۔
گرفتاری کا منظر فلمبند کرتی ایک خاتون نے بین کوہن سے جب ان کی گرفتاری کی وجہ دریافت کی تو انہوں نے کہا کہ کانگریس بم خرید کر غزہ میں غریب بچوں کو ہلاک کرتی ہے، اور امریکا میں میڈیک ایڈ سے بچوں کو محروم کرکے اس کی قیمت ادا کرتی ہے۔
پولیس ترجمان کا کہنا تھا کہ بین کوہن پر مجمع اکٹھا کرنے، رکاوٹیں ڈالنے اور بگاڑ پیدا کرنے کا الزام عائد کیا گیا ہے، یہ ایک ایسا جرم ہے جسے اکثر امریکی دارالحکومت میں سول نافرمانی کے معاملات میں استعمال کیا جاتا ہے۔
مزید پڑھیں:
سینیٹ کمیٹی کی مذکورہ سماعت کے موقع پر 6 دیگر مظاہرین کو بھی گرفتار کیا گیا، جنہیں ایک پولیس افسر پر حملہ کرنے اور گرفتاری کی مزاحمت جیسے الزامات کا سامنا کرنا پڑا۔
بین اینڈ جیریز آئس کریم کمپنی بین کوہن اور جیری گرین فیلڈ نے 1978 قائم کی تھی، جسے طویل عرصے سے سماجی اور سیاسی مسائل پر عوامی موقف اختیار کرنے کے لیے جانا جاتا ہے، اور اس نے اکثر ٹرانس جینڈر کے حقوق سمیت موسمیاتی تبدیلی جیسے مسائل پر مہمات کی حمایت کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئس کریم کمپنی امریکا بین اینڈ جیریز بین کوہن جیری گرین فیلڈ رابرٹ ایف کینیڈی جونیئر سینیٹ.
ذریعہ
ذریعہ: WE News
کلیدی لفظ: امریکا بین اینڈ جیریز بین کوہن جیری گرین فیلڈ رابرٹ ایف کینیڈی جونیئر سینیٹ بین اینڈ جیریز بین کوہن کیا گیا
پڑھیں:
’چاہیں تو گھر سے کھانا بھجوا دوں‘، سلمان خان کی سونم وانگچک سے بھوک ہڑتال ختم کرنے کی اپیل
بالی ووڈ سپر اسٹار سلمان خان نے طلبہ احتجاج کے تناظر میں ایک اہم پیغام جاری کرتے ہوئے طلبہ اور سونم وانگچک سے اپیل کی ہے۔
سلمان خان نے نیٹ امتحان میں مبینہ پرچہ لیک ہونے کے معاملے پر جاری طلبہ احتجاج کے تناظر میں سوشل میڈیا پلیٹ فارم انسٹاگرام پر جاری اپنے ایک بیان میں کہا کہ ’’طلبہ کی تعلیم اور سیکیورٹی ہماری اولین ترجیح ہونی چاہیے، اس لیے انہیں خود بھی فکر مند ہونے کی ضرورت نہیں اور نہ ہی اپنے والدین کو مزید پریشان کرنا چاہیے۔‘‘
انہوں نے کہا کہ ’’معزز وزیرِ اعظم اس معاملے پر ٹوئٹ کر چکے ہیں، اور مجھے یقین ہے کہ وہ پرچہ لیک کے ذمہ دار افراد کے خلاف سخت کارروائی کریں گے۔ لہٰذا تمام طلبہ سے گزارش ہے کہ وہ اپنے والدین اور گھروں کو واپس چلے جائیں۔‘‘
View this post on Instagramاداکار نے اپنے پیغام میں گزشتہ 25 روز سے بھوک ہڑتال پر بیٹھے تعلیمی کارکن سونم وانگچک کو بھی مخاطب کرتے ہوئے کہا، ’’سونم، اب بہت ہو گیا، بھائی۔ براہِ کرم اپنی بھوک ہڑتال مزید طویل نہ کریں۔ اگر مستقبل میں ضرورت پڑی تو احتجاج کا جذبہ برقرار رکھیے، لیکن مجھے نہیں لگتا کہ اب اس کی ضرورت ہے۔ کچھ کھا لیجیے، اگر چاہیں تو میں اپنے گھر سے آپ کے لیے کھانا بھی بھجوا دوں گا۔‘‘
یہ بیان سلمان خان کی جانب سے 24 گھنٹوں کے دوران اس معاملے پر دوسری عوامی اپیل ہے۔ اس سے قبل بھی انہوں نے نیٹ امتحان کے تنازع پر تشویش کا اظہار کرتے ہوئے طلبہ کے مفادات کے تحفظ پر زور دیا تھا۔
View this post on Instagramواضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع