بی جے پی رہنما نے کنگنا رناوت سے ٹرمپ مخالف ٹوئٹ کیوں ڈیلیٹ کروائی؟
اشاعت کی تاریخ: 16th, May 2025 GMT
بالی ووڈ کی متنازع اداکارہ اور سیاستدان کنگنا رناوت نے سماجی رابطوں کی سائیٹ ایکس پر ایک پوسٹ کی جسے بعد میں انہیں ڈیلیٹ کرنا پڑ گیا بلکہ سرِعام وضاحت بھی دینا پڑی۔
کنگنا رناوت کی یہ پوسٹ اس خبر کے رد عمل میں تھی کہ ٹرمپ نے ایپل کے سی ای او ٹم کک کو بھارت میں پروڈکشن یونٹ قائم کرنے سے منع کر دیا ہے۔ اپنی ڈیلیٹ کی گئی پوسٹ میں کنگنا رناوت نے امریکی صدر ڈونلڈ ٹرمپ اور بھارتی وزیر اعظم مودی کا موازنہ کیا تھا۔
کنگنا کا کہنا تھا کہ ٹرمپ امریکی صدر ہیں مگر دنیا میں سب سے زیادہ جس لیڈر کو پسند کیا جاتا ہے وہ بھارتی وزیراعظم مودی ہیں، یہ ٹرمپ کی دوسری جبکہ مودی کی تیسری ٹرم ہے، ٹرمپ ایلفا میل ہیں مگر مودی ایلفا میل کے بھی باپ ہیں۔ انہوں نے سوال کیا کہ یہ ذاتی حسد ہے یا سفارتی عدم تحفظ؟
اداکارہ کی یہ پوسٹ سوشل میڈیا پر وائرل ہو گئی تاہم ان کو اندازا نہیں تھا کہا اس پوسٹ سے ان کی اپنی ہی پارٹی ناراض ہو جائے گی۔ کنگنا نے یہ پوسٹ ڈیلیٹ کی اور اس پر وضاحت دیتے ہوئے کہا کہ پارٹی صدر جے پی نندا جی نے مجھے کال کی اور اس ٹوئٹ کو ڈیلیٹ کرنے کا کہا جو میں نے ٹرمپ کے حوالے سے کی تھی۔
اداکارہ کا کہنا تھا کہ انھوں نے یہ پوسٹ اس لیے کی تھی کہ ٹرمپ نے ایپل کے سی ای او ٹم کک کو ایپل کی مصنوعات بھارت میں مینوفیکچر نہ کرنے کا کہا تھا۔ انہوں نے مزید کہا کہ مجھے اپنی یہ ذاتی رائے ظاہر کرنے پر افسوس ہے، اور ہدایت کے مطابق میں نے فوری طور پر اسے انسٹاگرام سے بھی حذف کر دیا ہے۔
Respected national president Shri @JPNadda ji called and asked me to delete the tweet I had posted regarding Trump asking Apple CEO Tim Cook not to manufacture in India.
I regret posting that very personal opinion of mine, as per instructions I immediately deleted it from…
— Kangana Ranaut (@KanganaTeam) May 15, 2025
بالی ووڈ اداکارہ کی ڈیلیٹ کی گئی پوسٹ کا صارفین نے اسکرین شاٹ شیئر کرنا شروع کر دیا اور ان پر خوب تنقید کی۔ ایک ایکس صارف کنگنا رناوت کی ڈیلیٹ کی گئی پوسٹ کا سکرین شاٹ سیئر کرتے ہوئے تبصرہ کیا کہ کنگنا رناوت نے یہ پوسٹ ڈیلیٹ کر دی ہے اور انہوں نے ثابت کر دیا کہ وہ بھارت کی سب سے کم عقل رکن پارلیمنٹ ہیں۔
Kangana Ranaut has deleted this tweet.
Day by day, she is proving that she is India’s first low IQ MP ???????? pic.twitter.com/aWpAh1ejcj
— Dr Nimo Yadav 2.0 (@DrNimoYadav) May 15, 2025
موہت چوہان لکھتے ہیں کہ کنگنا رناوت نے صرف دو ٹویٹس میں پوری بی جے پی اور وزیراعظم کو بے نقاب کر دیا ہے۔ انہوں نے طنزاً لکھا کہ لگتا ہے کہ کنگنا رناوت کو راہول گاندھی نے بی جے پی میں پلانٹ کیا ہے۔
Kangana Ranaut exposed entire BJP in just two tweets.
She also exposed so-called vishwaguru Prime Minister.
I think @KanganaTeam has been planted in the BJP by Rahul Gandhi.???? pic.twitter.com/F9EUDyVjpj
— Mohit Chauhan (@mohitlaws) May 15, 2025
معروف بھارتی یوٹیوبر دھرو راٹھی نے کنگنا رناوت سے سوال کیا کہ آپ کی پارٹی نے یہ ٹویٹ ڈیلیٹ کرنے کا کیوں کہا؟ کیا آپ کی پارٹی بی جے پی ڈونلڈ ٹرمپ سے ڈرتی ہے؟
Why do you think he asked you to do that?
Is your party BJP afraid of Donald Trump?
— Dhruv Rathee (@dhruv_rathee) May 15, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایپل بی جے پی ڈونلڈ ٹرمپ کنگنا رناوت مودی
ذریعہ
ذریعہ: WE News
کلیدی لفظ: ایپل بی جے پی ڈونلڈ ٹرمپ کنگنا رناوت کنگنا رناوت نے ڈیلیٹ کی انہوں نے ڈیلیٹ کر یہ پوسٹ کر دیا
پڑھیں:
ٹانک میں پولیس چیک پوسٹ پر خودکش حملہ، 12 فوجی، 2 پولیس اہلکار شہید، 12 دہشتگرد ہلاک کردیے گئے
فوٹو: فائلٹانک میں پولیس چیک پوسٹ پر فتنہ الخوارج کے دہشت گردوں نے بزدلانہ حملے میں بارود سے بھری گاڑی چیک پوسٹ سے ٹکرا دی، حملے میں 12 فوجی جوان، 2 پولیس اہلکار اور محکمہ جنگلات کا ایک سرکاری اہلکار شہید ہوگئے۔ فرار ہونے والے 12 خوارج کو ہلاک کردیا گیا۔
پاک فوج کے شعبہ تعلقات عامہ آئی ایس پی آر کے مطابق ٹانک پولیس چیک پوسٹ پر فتنہ الخوارج کے دہشتگردوں نے بزدلانہ حملہ کیا۔ 23 اور 24 جولائی کی درمیانی شب بھارتی اسپانسرڈ فتنہ الخوارج کے دہشتگردوں نے چیک پوسٹ کی سیکیورٹی توڑنے کی کوشش کی۔
سیکیورٹی فورسز کی بروقت اور مؤثر کارروائی نے دہشتگردوں کے مذموم عزائم ناکام بنا دیے اور جوانوں نے غیر معمولی جرات اور پیشہ ورانہ مہارت کا مظاہرہ کرتے ہوئے فرار ہونے والے 12 خوارج کو ہلاک کردیا۔
آئی ایس پی آر کے مطابق شدید دباؤ کا شکار حملہ آوروں نے بارود سے بھری گاڑی چیک پوسٹ کی بیرونی دیوار سے ٹکرائی۔ دھماکے کے باعث چیک پوسٹ کے بنیادی ڈھانچے کو شدید نقصان پہنچا اور وطن کے 15 بہادر سپوت شہید ہوگئے۔
پاک فوج کے شعبہ تعلقات عامہ کے مطابق شہدا میں 12 فوجی جوان، 2 پولیس اہلکار اور محکمہ جنگلات کا ایک سرکاری اہلکار شامل ہے۔
آئی ایس پی ار کا کہنا ہے کہ علاقے میں مزید کسی بھی دہشتگرد کی موجودگی کے خاتمے کیلئے کلیئرنس آپریشن جاری ہے۔ عزمِ استحکام کے تحت دہشتگردی کے خلاف بھرپور کارروائیاں بلا تعطل جاری رہیں گی۔
پاک فوج کے شعبہ تعلقات عامہ کا کہنا ہے کہ بیرونی سرپرستی میں ہونے والی دہشتگردی کا مکمل خاتمہ یقینی بنایا جائے گا، ہمارے بہادر شہدا کی عظیم قربانیاں وطن کے دفاع اور قومی سلامتی کے تحفظ کے عزم کو مزید مضبوط کرتی ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم