یورینیم کی افزودگی کسی صورت نہیں روکیں گے، کاظم غریب آبادی
اشاعت کی تاریخ: 16th, May 2025 GMT
اپنے ایک بیان میں ایرانی وزارت خارجہ کے قانونی مشیر کا کہنا تھا کہ ہم سے مذاکرات کرنے والے افراد یہ بات اچھی طرح جانتے ہیں کہ اسلامی جمہوریہ ایران اپنی اُن کامیابیوں پر کوئی سمجھوتہ نہیں کرے گا جو اس نے شہداء کی قربانیوں اور بڑی قیمت کے بدلے حاصل کیں۔ اسلام ٹائمز۔ استنبول میں یورپی ممالک اور ایران کے درمیان مذاکرات کا 5واں سیشن منعقد ہوا۔ یورپی ممالک میں فرانس اور جرمنی شامل تھے۔ یہ مذاکرات ایرانی قونصل خانے کی عمارت میں ہوئے جس میں مذکورہ بالا ممالک کے نائب وزرائے خارجہ اور یورپی یونین کی خارجہ پالیسی کے ڈپٹی ڈائریکٹر شریک ہوئے۔ اس سلسلے میں ایرانی وزارت خارجہ کے قانونی و بین الاقوامی امور کے مشیر "کاظم غریب آبادی" نے یورینیم کی افزودگی کے اپنے حق، یورپ کے ساتھ جاری مستقیم اور امریکہ کے ساتھ بالواسطہ مذاکرات کی تفصیلات سے آگاہ کیا۔ انہوں نے کہا کہ ہم سے مذاکرات کرنے والے افراد یہ بات اچھی طرح جانتے ہیں کہ اسلامی جمہوریہ ایران اپنی اُن کامیابیوں پر کوئی سمجھوتہ نہیں کرے گا جو اس نے شہداء کی قربانیوں اور بڑی قیمت کے بدلے حاصل کیں۔ انہوں نے کہا کہ یورینیم کی افزودگی ہماری ریڈ لائن ہے۔ ہم کسی صورت یورینیم کی افزودگی نہیں روکیں گے۔
دوسری جانب گزشتہ روز ایرانی وزیر خارجہ "سید عباس عراقچی" نے واضح طور پر کہا کہ ایران میں یورینیم افزودہ کرنے والی تنصیبات کو کسی صورت ختم نہیں کیا جائے گا۔ انہوں نے کہا کہ جوہری توانائی کے ساتھ ساتھ یورینیم کی افزودگی سمیت ایرانی عوام کے حقوق کا دفاع، ہمارے بنیادی اصولوں میں سے ہے۔ جس پر نہ ہی میڈیا اور اور نہ ہی مذاکرات میں کوئی کمپرومائز کریں گے۔ یہ ایرانی عوام کا حق ہے۔ کوئی طاقت ایرانی عوام کو اس کے حق سے محروم نہیں کر سکتی۔ ممکن ہے کہ ہم ایٹمی پروگرام کے حوالے سے شفافیت اور اعتماد کی فضاء کو ساز گار بنائیں۔ لیکن ہم اس کے اصولوں سے کبھی انحراف نہیں کریں گے۔ ہم نے ماضی میں بھی انحراف نہیں کیا اور نہ ہی اب انحراف کریں گے۔ ہماری پوزیشن واضح ہے۔ جوہری توانائی کے ساتھ افزودگی بھی ایرانی عوام کا حق ہے۔ کوئی بھی اس حق کو ہم سے نہیں چھین سکتا اور نہ ہی ہم اس حق سے پیچھے ہٹیں گے۔
ذریعہ: Islam Times
کلیدی لفظ: یورینیم کی افزودگی ایرانی عوام کے ساتھ کہا کہ
پڑھیں:
ٹنڈوجام،پیٹرولیم قیمتوں میں اضافہ ،عوام مشکلات کا شکار
data-id="863a0a8" data-element_type="widget" data-widget_type="theme-post-content.default">
251003-2-1
ٹنڈوجام (نمائندہ جسارت)وفاقی حکومت کی جانب سے پیٹرول کی قیمتوں میں حالیہ اضافے نے ملک بھر کے عوام کو شدید مشکلات سے دوچار کر دیا ہے۔ پہلے ہی مہنگائی کے بوجھ تلے دبے ہوئے شہری اس فیصلے کے بعد مزید پریشانی میں مبتلا ہو گئے تفصیلات کے مطابق گزشتہ چند ماہ سے آٹے، چینی گھی سبزیوں اور پھلوں سمیت روز مرہ استعمال کی اشیاء کی قیمتوں میں مسلسل اضافہ دیکھنے میں آ رہا ہے ٹرانسپورٹ کے کرایوں میں بھی پہلے ہی کئی بار اضافہ کیا جا چکا تھا تاہم اب پیٹرول کی نئی قیمتوں کے اعلان کے بعدانھوں نے بھی اپنے کرایوں میں دس سے بیس روپے اضافہ کردیا ہے جب کہ رکشا ڈائیور منی بس والوں نے بھی اپنے کرایوں میں اضافہ کردیا ہے اور خدشہ ہے کہ اس کے ساتھ ساتھ اشیائے خوردونوش، سبزی اور پھل بھی مہنگے ہو جائیں گے جس کا براہ راست اثر غریب اور دیہاڑی دار طبقے پر پڑے گاکونسلر طاہراسامہ کا کہنا ہے کہ کہ عام آدمی پہلے ہی دو وقت کی روٹی کے لیے پریشان تھا لیکن اب پیٹرول مہنگا ہونے سے مہنگائی کا طوفان آ جائے گا جس سے متوسط طبقے کی زندگی بھی اجیرن ہو جائے گی انھوں نے کہا افسوسناک بات یہ ہے کہ حکمران اپنی عیا شیاں ختم کرنے پر تیار نہیں اپنا سارا بوجھ غریب عوام پر ڈال دیتے ہیں انجمن تاجران ٹنڈوجام کے فنانس سیکرٹری راو حامد گوہر نے کہا کہ تنخواہیں اور مزدور کی اجرتیں وہی ہیں اور اب سرکاری ملازمین کی تنخواہوں اور پنشن میں کٹوتی کی جارہی جس پر وہ سراپا احتجاج ہیں کیونکہ اخراجات کئی گنا بڑھ گئے ہیں لیکن اس باوجود حکومت مسائل کم کرنے بجائے بڑھاتی جارہی جس کے منفی اثرات ہمارے کاروبار پر پڑ رہے ہیں ماہرین معاشیات اختر رضوی کے مطابق پیٹرول کی قیمتوں میں اضافہ نہ صرف ٹرانسپورٹ بلکہ بجلی، گیس اور دیگر پیداواری شعبوں پر بھی اثر انداز ہوتا ہے جس سے مجموعی طور پر مہنگائی میں اضافہ ناگزیر ہے عوام نے حکومت پاکستان سے مطالبہ کیا ہے کہ پیٹرولیم مصنوعات کی قیمتوں میں فوری کمی کی جائے اور مہنگائی پر قابو پانے کے لیے مؤثر اقدامات کیے جائیں تاکہ غریب اور دیہاڑی دار مزدور سکھ کا سانس لے سکیںاور عزت کے ساتھ اپنی زندگی گزار سیکں۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل