بھارتی میڈیا دیکھ کر لگا کارٹون نیٹ ورک دیکھ رہا ہوں: وزیرِ اعلیٰ سندھ
اشاعت کی تاریخ: 16th, May 2025 GMT
وزیرِ اعلیٰ سندھ سید مراد علی شاہ—فائل فوٹو
وزیرِ اعلیٰ سندھ سید مراد علی شاہ نے کہا ہے کہ بھارتی میڈیا دیکھ کر ہنسی آتی ہے، ایسا لگا کارٹون نیٹ ورک دیکھ رہا ہوں۔
سندھ اسمبلی میں اظہارِ خیال کرتے ہوئے وزیرِ اعلیٰ سندھ مراد علی شاہ نے کہا کہ پاکستان نے کامیابی سے بھارت کے 5 جہاز گرائے، جنگ کے 3 گھنٹے کے اندر بھارت کی بس ہو گئی۔
انہوں نے کہا کہ بھارت کے 85 ڈرونز تو فورسز نے گرائے، باقی اگر خود سے ادھر اُدھر گر گئے ہوں تو ہمیں پتہ نہیں، بھارتی ڈرون سے 8 مئی کو سندھ کی سر زمین پر پہلی شہادت ہوئی۔
وزیرِ اعلیٰ سندھ نے کہا کہ بھارت کے ڈرون گر رہے تھے اور لوگ اٹھا کر لے جا رہے تھے، بھارت کے اناڑی پن نے اسرائیلی کی ٹیکنالوجی کو بھی ملیا میٹ کر دیا۔
اُن کا کہنا ہے کہ کمپنی نے بھی کہا کہ یہ کس اناڑی کو ہم نے آلات دیے، بھارت سے کہیں بس کرے، بھارت سے زیادہ جنگی سامان بنانے والی کمپنیوں کو نقصان پہنچ رہا تھا۔
مراد علی شاہ نے کہا کہ بھارت کا میڈیا دیکھ کر ہنسی آتی ہے، جس نے جھوٹی خبر چلائی کہ لاہور اور سیالکوٹ تباہ ہو گیا ہے، ایسا لگا کہ کارٹون نیٹ ورک دیکھ رہا ہوں۔
اُن کا کہنا ہے کہ انتظامیہ کو الرٹ رکھا تھا، وار بک کے مطابق تیاریاں تھیں، 10 مئی کی رات بتایا گیا کہ جنگ شروع ہو گئی ہے۔
وزیرِ اعلیٰ سندھ نے کہا کہ ہمارا آپریشن بنیان مرصوص صبح سوا 5 بجے شروع ہوا، ہماری فورسز نے 26 بھارتی مقامات کو نشانہ بنایا۔
انہوں نے کہا کہ جنگ کے 3 گھنٹے بعد ہی امریکی وزیرِ خارجہ کا ہمارے وزیرِ خارجہ اسحاق ڈار کو فون آیا، جس میں مارکو روبیو نے بتایا کہ بھارت بس کرنے پر تیار ہے۔
مراد علی شاہ نے مزید کہا کہ جنگ کے 3 گھنٹے کے اندر بھارت کی بس ہو گئی، سب سوچ رہے تھے کہ ان 3 گھنٹوں کے اندر ایسا کیا ہوا کہ بھارت نے امریکا سے کہا کہ ہمیں بچاؤ۔
اُن کا یہ بھی کہنا ہے کہ پاکستان نے سارا کام 3 گھنٹوں میں کر لیا تھا ،امریکا تو بیچ میں نہیں آ رہا تھا، اچانک سب ملک بیچ میں کیوں آئے؟
.ذریعہ: Jang News
کلیدی لفظ: مراد علی شاہ نے نے کہا کہ بھارت کے کہ بھارت
پڑھیں:
وجے دیوراکونڈا اور رشميکا مندانہ کی منگنی ہوگئی، جَلد شادی کی خبریں زیرِ گردش
بھارتی میڈیا میں دعویٰ کیا جا رہا ہے کہ تامل انڈسٹری کے معروف فنکار جوڑے، اداکار وجے دیوراکونڈا اور رشميکا مندانہ کی منگنی ہو چکی۔
بھارتی میڈیا کے مطابق وجے دیوراکونڈا اور رشميکا مندانہ کی شادی فروری 2026ء میں متوقع ہے، اس جوڑے کی منگنی ایک نجی تقریب میں انجام پاچکی ہے جس میں صرف قریبی رشتے دار اور دوست شریک ہوئے تھے۔
بھارتی میڈیا رپورٹس کے مطابق اداکار جوڑے نے اب تک اپنی منگنی اور شادی کا باضابطہ طور پر اعلان نہیں کیا ہے جبکہ اِن سے تعلق رکھنے والے متعدد ذرائع کا دعویٰ ہے کہ دونوں نے ذاتی معاملات کو رازداری میں رکھنے کو ترجیح دی ہے۔
بھارتی میڈیا کے مطابق رشميکا مندانہ جب اپنی حالیہ وائرل انسٹاگرام پوسٹ میں ساڑھی زیب تن کیے نظر آئیں تو مداحوں نے خیال ظاہر کرتے ہوئے کہا کہ یہ تصاویر اِن کی منگنی کی تقریب کی ہیں۔
اداکارہ نے مذہبی تہوار کے موقع پر اپنی تصویریں شیئر کرتے ہوئے پوسٹ کے کیپشن میں لکھا تھا کہ ’ہیپی دُسہرہ مائی لَوز، اس سال میں خود کو بے حد شکر گزار محسوس کر رہی ہوں، آپ کے پیغامات اور سپورٹ ہر لمحے کو مزید خوشگوار بنا دیتی ہے۔‘
واضح رہے کہ وجے اور رشميکا نے اب تک اپنے تعلق یا بننے والے نئے رشتے سے متعلق کوئی تردید یا تصدیق نہیں کی ہے۔ اگرچہ اِن دونوں فنکاروں کی ایک ساتھ چھٹیاں گزارنے کی خبریں میڈیا میں آتی رہی ہیں مگر ہمیشہ اس جوڑی نے اپنی نجی زندگی کو خفیہ رکھا ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری