آسان کاروبار کارڈ اسکیم : قرض حاصل کرنے کے خواہشمند افراد کے لیے اہم خبر
اشاعت کی تاریخ: 17th, May 2025 GMT
لاہور (نیوز ڈیسک) آسان کاروبار فنانس اسکیم کے تحت قرض حاصل کرنے کے خواہشمند افراد کے لیے اہم خبر آگئی، قرض کیلئے زیر غور درخواستوں کا پراسیس جلد مکمل کرنے کا حکم آگیا۔
تفصیلات کے مطابق وزیراعلیٰ پنجاب مریم نواز کی زیر صدارت آسان کاروبار فنانس اور آسان کاروبار کارڈ سے متعلق اجلاس ہوا ، جس میں مریم نواز نے ایکسپورٹ اور مینو فیکچرنگ سیکٹر لون کیلئے پلان طلب کر لیا۔
وزیراعلیٰ نے آسان کاروبار فنانس اور کارڈ لون کیلئے زیر غور درخواستوں کا پراسیس جلد مکمل کرنے کا حکم دیتے ہوئے کہا کہ آسان کاروبار فنانس اور آسان کاروبار کارڈ پروگرام کسی صورت نہیں رکنا چاہیے۔
خصوصی اجلاس میں آسان کاروبار فنانس اور آسان کاروبار کارڈ سے متعلق تفصیلی بریفنگ میں بتایا گیا کہ نئے کاروبار شروع کرنےکیلئے 23 ارب 91 کروڑ روپے کے قرض جاری کیےگئے، 6753 خواتین نے کاروبار چلانے کیلئے 3 ارب 42 کروڑ روپے کاقرضہ لیا، آسان کاروبار کارڈ اب واٹس ایپ کے ذریعے بھی ایکٹیو کیا جا سکے گا۔
چیف منسٹر آسان کاروبار فنانس اسکیم کے تحت 3010 افراد کو 18 ارب روپے کا قرضہ جاری کیا ہے جبکہ ایک لاکھ 4 ہزار افراد کو 43 ارب روپے کے قرض کا اجرا کیا۔
چیف منسٹرآسان کاروبار فنانس کے لئے 74579 درخواستیں آئیں ، جس میں سے 2505 منظور ہوئیں، جن کو قرضے مل گئے
چیف منسٹر آسان کاروبار فنانس ٹیر ٹو کیلئے12029 درخواستیں موصول ہوئیں ، جس میں سے 505 منظور ہوئیں اور قرضے مل گئے، اسی طرح چیف منسٹر آسان کاروبار کارڈ اسکیم کیلئے 1380838 درخواستیں موصول ہوئیں ، جس میں سے 104133 منظور ہوئیں۔
ٹرانسپورٹیشن کاروبار کیلئے 13 ہزار 12 روپے افراد نے 3ارب 91کروڑ روپے کے قرض اور ٹریڈنگ اینڈ ڈسٹری بیوشن کیلئے 175 افراد نے 3 ارب 94 کروڑ روپے کے قرض حاصل کیے۔
اس کے علاوہ آسان کاروبا کارڈ کے ذریعے سروسز مہیا کرنیوالے 61996 افراد نے 26 ارب 13 کروڑ روپے کے لون لیے جبکہ ٹریڈنگ کیلئے 24522 افراد نے 10 ارب 75کروڑ روپے اور ایگری سمال بزنس کیلئے 10699 افراد نے 3 ارب 69 کروڑ روپے کے قرض لیے۔
مزیدپڑھیں:پاکستان میں کون کون سی گاڑیاں سستی ہونے والی ہیں؟ بڑی خبر آگئی
ذریعہ: Daily Ausaf
کلیدی لفظ: آسان کاروبار فنانس اور آسان کاروبار کارڈ کروڑ روپے کے قرض افراد نے
پڑھیں:
رونالڈو کی معطلی کے باوجود پرتگال نے بڑی کامیابی حاصل کر لی
معروف فٹ بالر کرسٹیانو رونالڈو کی معطلی کے باوجود پرتگال نے بڑی کامیابی حاصل کر لی ہے۔
فیفا ورلڈ کپ 2026 کے لیے پرتگال نے شاندار انداز میں کوالیفائی کرلیا اور یوں کرسٹیانو رونالڈو ایک بار پھر عالمی کپ میں شرکت کے لیے تیار ہیں۔
پرتگال نے اتوار کو پورٹو میں کھیلے گئے میچ میں آرمینیا کو 1-9 کے بڑے مارجن سے شکست دی۔ رونالڈو معطلی کے باعث میچ میں شریک نہیں تھے، تاہم ٹیم نے ان کی غیر موجودگی میں بھی فیصلہ کن کامیابی حاصل کی۔
اکتالیس سالہ رونالڈو اگلے سال امریکا، کینیڈا اور میکسیکو میں ہونے والے ورلڈ کپ میں ممکنہ طور پر اپنے چھٹے اور کیریئر کے آخری ورلڈ کپ میں شرکت کریں گے۔ انہوں نے حال ہی میں کہا تھا کہ یہ عالمی ٹائٹل جیتنے کا ان کا آخری موقع ہوگا۔
رونالڈو اگر فٹ رہتے ہیں تو کوچ روبیرو مارٹینیز انہیں اسکواڈ میں شامل کرنے کا ارادہ رکھتے ہیں، البتہ آئرلینڈ کے خلاف 0-2 کی شکست میں ریڈ کارڈ کے باعث رونالڈو پر مزید دو میچوں کی پابندی بھی لگ سکتی ہے۔
پرتگال کو گروپ ایف میں سرفہرست رہنے کے لیے آرمینیا کے خلاف لازمی کامیابی درکار تھی، اور برؤنو فرنینڈس اور ژاؤ نیویس کی ہیٹ ٹرکس نے اس ہدف کو مزید آسان بنا دیا۔
ادھر ہنگری کو گروپ کی سرفہرست پوزیشن حاصل کرنے کا موقع ملا تھا، مگر بڈاپسٹ میں آئرلینڈ نے شاندار واپسی کرتے ہوئے انہیں 2-3 سے شکست دے دی۔
آئرلینڈ کے ٹرائے پیروٹ نے ہیٹ ٹرک کی، جن میں 80ویں منٹ میں برابر کرنے کا گول اور اضافی وقت کے چھٹے منٹ میں فیصلہ کن گول شامل تھے۔ اس کامیابی کے ساتھ آئرلینڈ گروپ میں دوسری پوزیشن پر آ کر پلے آف مرحلے میں پہنچ گیا۔
دبئی میں اُڑن ٹیکسی کی پہلی آزمائشی پرواز کامیاب