بنا آکسیجن دنیا کی تمام بلندی ترین چوٹیاں سر کرنیوالے والا پہلا پاکستانی سرباز خان کون ہے؟
اشاعت کی تاریخ: 18th, May 2025 GMT
پاکستانی کوہ پیما سرباز خان نے 2017 میں شروع ہونے والے سفر کو مکمل کرتے ہوئے دنیا میں ایک نیا سنگ میل عبور کر لیا ہے۔
یہ بھی پڑھیں:پاکستان کے 4 کوہ پیما دنیا کی بلند ترین چوٹیاں سر کرنے کے لیے نیپال پہنچ گئے
اتوار کے روز سرباز خان نے مقامی وقت کے مطابق صبح 11:50 پر 8,586 میٹر بلند دنیا کے تیسرے سب سے اونچے پہاڑ کانگچن جنگا کی چوٹی پر پہنچے، جو برسوں سے جاری ان کی جدوجہد کا نقطہ عروج ہے۔
وادی ہنزہ کے باشندے سرباز خان نے اس سے قبل دنیا کے تمام 14 ’ 8 ہزار‘ یعنی 8,000 میٹر سے بلند پہاڑ سر کر چکے ہیں۔ تاہم ان میں سے 2 پہاڑوں کی چوٹی کے قریب انہیں آکسیجن سلنڈر استعمال کرنا پڑ گیا تھا۔
یہ بھی پڑھیں:کوہ پیما شہروز کاشف کا نیا ریکارڈ، 8 ہزار میٹر سے بلند تمام چوٹیوں پر پاکستانی پرچم لہرا دیا
مصنوعی آکسیجن کے بغیر تمام 14 چوٹیوں پر چڑھنے کا غیر معمولی امتیاز حاصل کرنے کے لیے پُرعزم سرباز خان رواں سال اپریل میں اناپورنا اور مئی میں کنگچن جنگا پر دوبارہ چڑھنے کے لیے واپس لوٹے اور بالآخر ان دونوں عظیم پہاڑوں کو بھی بنا مصنوعی اکیسجن سر کے منفرد ریکارڈ اپنے نام کر لیا۔
اس کامیابی کے ساتھ سرباز خان اضافی آکسیجن استعمال کیے بغیر دنیا کی 8,000 میٹر کی تمام 14 چوٹیوں کو سر کرنے والے پہلے پاکستانی بن گئے ہیں۔
اب وہ دنیا بھر میں تقریباً 70 کوہ پیماؤں کے ایک ایلیٹ گروپ میں شامل ہو گئے ہیں جنہوں نے تمام 14 چوٹیاں بنا آکسیجن سر کی ہیں۔ یہ ایک ایسا کارنامہ جو 8,000 میٹر سے بلند ’ڈیتھ زون‘ میں غیر معمولی برداشت کا مطالبہ کرتا ہے۔
یاد رہے کہ سرباز خان کا سفر 2017 میں نانگا پربت کی کامیاب چڑھائی کے ساتھ شروع ہوا۔ اس کے بعد انہوں نے K2، لوٹسے، براڈ چوٹی، مناسلو، اناپورنا، ایورسٹ، گاشربرم II، دھولاگیری، کنچن جنگا، مکالو، گاشربرم I، چو اویو، اور شیشاپنگما کو فتح کیا۔
سرباز خان کے اس کارنامے نے انہیں پاکستانی کوہ پیمائی میں ایک رجحان ساز بنا دیا ہے، جو کوہ پیماؤں کی نئی نسل کے لیے متاثر کن ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
k2 ایلیٹ گروپ ایورسٹ بلند ترین چوٹی سرباز خان کنچن جنگا کوہ پیما سرباز خان گاشربرم مناسلو.ذریعہ: WE News
کلیدی لفظ: ایورسٹ بلند ترین چوٹی کنچن جنگا کوہ پیما سرباز خان گاشربرم مناسلو کوہ پیما کے لیے
پڑھیں:
بحیرہ عرب میں ممکنہ سمندری طوفان، کراچی میں آج بارش کا امکان
کراچی:بحیرہ عرب میں ممکنہ سمندری طوفان کے پیش نظر کراچی سمیت سندھ کے جنوبی و مشرقی اضلاع میں آج بارش کا امکان ہے۔
محکمہ موسمیات کراچی نے ممکنہ سمندری طوفان کے متعلق چوتھا الرٹ جاری کر دیا جس کے مطابق شمال مشرقی بحیرہ عرب پر ہوا کا کم دباؤ موجود ہے۔
شمال مشرقی بحیرہ عرب اور اس سے ملحقہ سوراشٹرا کے ساحل کے نزدیک موجود ہوا کا کم دباؤ مزید شدت اختیار کر گیا، گزشتہ 12 گھنٹوں کے دوران سسٹم سست روی سے جنوب مغرب کی جانب بڑھا۔
سمندری سرگرمی کراچی سے تقریباً 440 کلومیٹر جنوب میں موجود ہے اور امکان ہے کہ دو روز کے دوران یہ نظام جنوب مغرب کی طرف شمال مغربی بحیرہ عرب کی طرف بڑھنے کا امکان ہے۔
سسٹم کے زیر اثر آج کراچی، تھرپارکر، عمرکوٹ، بدین، ٹھٹھہ، سجاول، ٹنڈو محمد خان کے اضلاع میں چند مقامات پر آندھی اور گرج چمک کے ساتھ ہلکی سے درمیانی شدت کی بارش کا امکان ہے۔
سندھ کے ساحل کے قریب 40 سے 50 کلو میٹر فی گھنٹہ کی رفتار سے ہواؤں کے ساتھ سمندری حالات خراب رہنے کا امکان ہے۔ سندھ کے ماہی گیروں کو ہدایت کی گئی ہے کہ وہ 3 اکتوبر تک گہرے سمندر میں نہ جائیں۔
سسٹم کے ارد گرد 45 سے 55 کلو میٹر فی گھنٹہ کی رفتار سے چلنے والی ہوائیں 65 کلو میٹر فی گھنٹہ تک تجاوز کر سکتی ہیں جبکہ دو روز کے دوران وسطی و مغربی وسطی بحیرہ عرب میں سمندر میں تیزی اور تندی رہ سکتی ہے۔
واضح رہے کہ سائیکلون وارننگ سینٹر، کراچی سسٹم کی نگرانی کر رہا ہے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ