دوست اہم یا مقابلے کا امتحان؟ طالب علم نے مثال قائم کردی
اشاعت کی تاریخ: 18th, May 2025 GMT
عام طور پر کہا جاتا ہے کہ جس شخص کے دوست اچھے اور مخلص ہوں اسے دنیا کی کوئی طاقت شکست نہیں دے سکتی، چین کے ایک طالب علم نے اس کو سچ کر دکھایا ہے۔
مشرقی چین سے تعلق رکھنے والے ایک طالب علم نے اپنی کلاس کے دوست کی زندگی بچانے کے لیے ایک اہم امتحان کھو دیا، لیکن اسے اپنے فیصلے پر کوئی پچھتاوا بھی نہیں۔
یہ بھی پڑھیں مصنوعی ذہانت: زندگی کے سفر میں ہماری ہمسفر، مگر کیا اس دوستی پر بھروسہ کیا جاسکتا ہے؟
میڈیا رپورٹس کے مطابق 18 سالہ جیانگ زاؤ پینگ اپنی کلاس کے دوست کے ساتھ چینی نیشنل ووکیشنل انٹرنس امتحان کے لیے جا رہا تھا، وہ ایک گاڑی پر سوار ہوئے تو اس کے دوست کو ہارٹ اٹیک آیا اور وہ بے ہوش ہوگیا۔
طالب علم جیانگ زاؤ نے دوست کو گاڑی میں ہی طبی امداد دینا شروع کی اور ڈرائیور کو کہاکہ فوری طور پر اسپتال پہنچو، جس کے بعد ڈرائیور انہیں لے کر اسپتال پہنچ گیا۔
میڈیا رپورٹس کے مطابق جیانگ کے دوست کے دل کی دھڑکن قریباً آدھے گھنٹے تک بند رہی تاہم ڈاکٹر اسے بچانے میں کامیاب ہوگئے۔
بعد ازاں طالب علم نے تعلیمی ادارے سے رابطہ کیا اور امتحانی مرکز پہنچا لیکن پیپر کا وقت گزر چکا تھا اور وہ امتحان میں شامل نہ ہو سکا۔
طالب علم کے اس جذبے اور دوست کا ساتھ دینے کو نہ صرف بلکہ دنیا بھر میں سراہا جا رہا ہے، اور سوشل میڈیا صارفین اسے خراج تحسین پیش کررہے ہیں۔
یہ بھی پڑھیں مصنوعی ذہانت میں نیا انقلاب: مکمل زندگی کی ساتھی روبوٹک گرل آریا
نوجوان کا کہنا ہے کہ امتحان تو میں دوبارہ بھی دے سکتا ہوں لیکن اگر میں ایسا نہ کرتا تو میرے دوست کی زندگی کبھی واپس نہیں آتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امتحان چین حق ادا کردیا دوستی طالب علم ہارٹ اٹیک وی نیوز.ذریعہ: WE News
کلیدی لفظ: چین حق ادا کردیا دوستی طالب علم ہارٹ اٹیک وی نیوز طالب علم نے کے دوست
پڑھیں:
دیانت داری کی اعلیٰ مثال: پاکستانی معاون نے عراقی خاتون حاجن کا گم شدہ مہنگا فون واپس کردیا
مکہ کی روحانی فضا، جہاں لاکھوں حجاج کرام فریضہ حج کی ادائیگی کے لیے دنیا بھر سے جمع ہوتے ہیں، پاکستانی معاونین (حج سپورٹ اسٹاف) اپنی لگن، ایمانداری اور ہمدردانہ خدمات کے ذریعے پاکستان کا نام روشن کرتے رہے ہیں۔
اگرچہ ان کا بنیادی فرض پاکستانی حجاج کی مدد کرنا ہے، لیکن معاونین مسلسل بین الاقوامی حجاج کی بھی مدد کررہے ہیں۔ حال ہی ایک پاکستانی معاون کو اپنی ڈیوٹی کے دوران ایک مہنگا موبائل فون ملا، جسے اس نے فوراً پاکستان حج مشن کے حوالے کردیا۔
یہ بھی پڑھیں ’پاکستانی عازمینِ حج کے لیے ہم وطن و ہم زبان طبی عملہ کا انتظام کسی نعمت سے کم نہیں‘
مدینہ ڈیپارچر سیل کے انچارج علی گوہر نے مالک کا پتا لگانے میں کامیابی حاصل کی، جو عراقی خاتون حاجن جنان رشید تھیں۔
مکہ کوآرڈینیٹر ذوالفقار خان نے فون عراقی حجاج کے گروپ لیڈر حمزہ خلیل صالح کو واپس کردیا، جو اسے وصول کرنے کے لیے ہفتے کے روز پاکستان حج مشن آئے۔
اس موقع پر بات کرتے ہوئے ذوالفقار خان نے معاون کی ایمانداری اور عہد کی پاسداری کی تعریف کی، انہوں نے معاون کی مثالی کارکردگی کے اعتراف میں نقد انعام اور تعریفی سرٹیفکیٹ دینے کا بھی اعلان کیا۔
کچھ دن پہلے ہی پاکستانی معاونین نے ایک بھارتی حاجی خاندان کی بھی مدد کی تھی جو حرم شریف میں راستہ بھٹک گیا تھا، اور انہیں ان کے گروپ سے دوبارہ ملا دیا تھا۔
یہ بھی پڑھیں پاکستانی معاونین حج نے حرم شریف میں بھارتی عازمین کی کیسے مدد کی؟
قابل ذکر بات یہ ہے کہ حج 2024 کے دوران ایک پاکستانی معاون آصف بشیر نے 44 افراد جن میں 17 بھارتی شہری بھی شامل تھے، کو منیٰ میں شدید گرمی سے بچا لیا تھا۔ ان کی بہادرانہ کارروائیوں کو سعودی اور بھارتی حکومت دونوں نے سراہا تھا۔ حتیٰ کہ بھارتی حکومت نے بھی آصف بشیر کو ان کی بہادری اور انسان دوست جذبے کے لیے بھارتی سول ایوارڈ کے لیے نامزد کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان حج معاون دیانتداری کی مثال مہنگا فون واپس وی نیوز
حماس نے آخری زندہ امریکی قیدی کو رہا کرنے کا اعلان کردیا