طالبہ یونیورسٹی کی نویں منزل سے گر کر ہلاک
اشاعت کی تاریخ: 19th, May 2025 GMT
بھارت(نیوز ڈیسک)بھارت کے پنجاب میں نجی یونیورسٹی کی طالبہ نویں منزل سے گر کر زندگی کی بازی ہار گئی، متوفیہ کی شناخت آکانکشا کے نام سے ہوئی ہے، جو کرناٹک کے منگلورو کے دھرمستھل کے بلیہار کی رہنے والی تھی۔
بھارتی میڈیا رپورٹس کے مطابق طالبہ نے اس یونیورسٹی سے اپنی تعلیم مکمل کی تھی اور وہ گذشتہ چھ ماہ سے دہلی میں ایرو اسپیس انجینئر کے طور پر کام کر رہی تھی۔ حال ہی میں اسے جاپان میں ملازمت کے لیے منتخب کیا گیا تھا۔
جاپان جانے سے پہلے وہ اپنی پڑھائی سے متعلق کچھ سرٹیفکیٹ لینے کے لیے اپنی سابقہ یونیورسٹی واپس آئی تھی۔ بدقسمتی سے طالبہ یونیورسٹی کی نویں منزل سے گر کر ہلاک ہوگئی۔
پولیس کے مطابق انہیں رات دیر اطلاع دی گئی کہ لڑکی ایک پرائیویٹ یونیورسٹی کی 9 ویں منزل سے گر گئی ہے۔ انہوں نے کہا کہ ابتدائی تحقیقات سے یہ بات سامنے آئی ہے کہ لڑکی دہلی میں کام کرتی تھی اور کسی کام سے یہاں آئی تھی۔ ہفتہ کی رات نویں منزل سے گرنے کے بعد جان کی بازی ہار گئی۔
پولیس کے مطابق یونیورسٹی نے گھر والوں کو واقعہ کی اطلاع دے دی ہے۔ جب وہ آئیں گے تو ان کا بیان ریکارڈ کرکے مزید قانونی کارروائی کا آغاز کیا جائے گا۔
یہ واضح نہیں ہے کہ طالبہ کی موت کیسے اور کن حالات میں ہوئی۔ پولیس معاملے کی سنجیدگی سے تحقیقات کررہی ہے اور اس معاملے میں مزید تفصیلات اہل خانہ کے بیانات درج کرنے کے بعد ہی مل سکے گی۔
یاد رہے کہ اس سے قبل کینیڈا میں کچھ دنوں سے لاپتہ بھارتی طالبہ کی لاش ساحل سمندر سے برآمد ہوئی تھی، بھارتی ہائی کمیشن نے بھی لاش ملنے کی تصدیق کردی ہے۔
سابق امریکی صدر جوبائیڈن کینسر میں مبتلا
.ذریعہ: Daily Ausaf
کلیدی لفظ: نویں منزل سے گر یونیورسٹی کی
پڑھیں:
بلوچستان یونیورسٹی میں مادری زبانوں کوبند کرنا سازش ہے
data-id="863a0a8" data-element_type="widget" data-widget_type="theme-post-content.default">
کوئٹہ(نمائندہ جسارت) نیشنل پارٹی کے سربراہ اور سابق وزیر اعلیٰ بلوچستان ڈاکٹر عبدالمالک بلوچ نے کہا ہے کہ بلوچستان یونیورسٹی میں مادری زبانوں بلوچی، براہوئی اور پشتو زبانوں کے شعبے بند کرنا ایک منظم سازش ہے۔ ان خیالات کا اظہار انہوں نے کوئٹہ پریس کلب میں پریس کانفرنس کرتے ہوئے کیا ہے۔ ڈاکٹر عبدالمالک بلوچ نے الزام عائد کیا کہ ان زبانوں کے شعبوں کی جگہ نئے ڈپارٹمنٹس متعارف کرائے جارہے ہیں، جو مقامی ثقافت و زبانوں کو نظر انداز کرنے کے مترادف ہے۔ انہوں نے کہا کہ نیشنل پارٹی اس فیصلے کے خلاف ہر فورم پر احتجاج کرے گی اور بلوچی، براہوئی اور پشتو ڈپارٹمنٹس کو بند نہیں ہونے دے گی۔ سابق وزیر اعلیٰ نے بلوچستان میں تعلیمی بحران پر بھی شدید تشویش کا اظہار کرتے ہوئے کہا کہ ہمارے تعلیمی ادارے مالی مشکلات کا شکار ہیں، اور جامعات کے ملازمین کو تین تین ماہ تک تنخواہیں نہیں دی جاتیں ۔ ان کا کہنا تھا کہ تعلیمی شعبہ پہلے ہی زوال کا شکار ہے، اور اب مادری زبانوں کے خلاف اقدامات اس تباہی میں مزید اضافہ کریں گے۔ انہوں نے کہا کہ کہا کہ سویڈن سمیت کئی ممالک میں بلوچی زبان سکھانے کے لیے باقاعدہ ڈپارٹمنٹس قائم ہیں،مگر بدقسمتی سے بلوچستان یونیورسٹی میں مادری زبانوں کے شعبے بند کیے جا رہے ہیں۔ ایک سوال کے جواب میں ڈاکٹر عبدالمالک بلوچ نے مائنز اینڈ منرلز بل پر ردعمل دیتے ہوئے کہا کہ اس بل پر ہمارے ساتھ دھوکا ہوا ہے۔ اس حوالے سے جلد ہی نیشنل پارٹی اپنا لائحہ عمل تیار کرے گی۔
اسپیکر نے مجھے کہا وزیراعلیٰ کی تقریر کے دوران احتجاج مت کیجیے گا، ملک احمد بھچر