عبد الرحمن شہید جیسے سپوت اس دھرتی کا فخر ہیں ؛ ہمایوں اختر خان
اشاعت کی تاریخ: 19th, May 2025 GMT
سٹی 42 : سابق وفاقی وزیر ہمایوں اختر خان نے کہا ہے کہ پاکستان کی بہترین حکمت عملی ،عبرتناک بھارتی شکست کو وار کالجز نصاب میں پڑھایا جائے گا ۔
سابق وفاقی وزیر نے حلقہ این اے 97 سے تعلق رکھنے والے پاک بھارت جنگ میں شہید ہونے والے ایس ایس جی کمانڈو عبد الرحمن کی رہائشگاہ پر جا کر اظہار تعزیت اور فاتحہ خوانی کی۔ ہمایوں اختر خان نے عبد الرحمن شہید کی قبر پر بھی حاضری دی ، پھول رکھے اور فاتحہ خوانی کی ۔
اداکارہ سجل اور احد کی طلاق سےمتعلق آصف رضا میر نے خاموشی توڑ دی
ہمایوں اختر خان نے اس موقع پر کہا کہ عبد الرحمن شہید جیسے سپوت اس دھرتی کا فخر ہیں ، ہم شہدا ء کے خاندانوں کے ساتھ ہیں اور انہیں کسی صورت تنہا نہیں چھوڑیں گے۔ ہمایوں اختر خان نے مختلف برادریوں کے عمائدین اور اہل علاقہ سے ملاقاتیں کر کے حلقے کے مسائل اور ان کے حل کے حوالے سے بھی تبادلہ خیال کیا ۔
ہمایوں اختر خان نے کہا کہ پاکستان سے حالیہ عبرتناک شکست کے بعد بھارت کو سبق سیکھنا چاہیے اور بھارت اب پاکستان پر دوبارہ جارحیت کی جرات نہیں کرسکے گا ،جنگ کے دوران پاکستان کی بہترین حکمت عملی اور بھارتی شکست کو دنیا کے وار کالجز میںنصاب کے طور پر پڑھایا جائے گا ۔
ڈرائیور کے بغیر چلنے والے ٹرک تیار
سابق وفاقی وزیر نے کہا کہ بھارت کی عبرتناک شکست سے نہ صرف بی جے پی بلکہ نریندر مودی کی اپنی سیاست کو بڑا دھچکا لگا ہے ۔ انہوں نے کہا کہ پاکستان کو اب ماڈرن وار فیئر کے ذریعے خطے میں اپنی برتری کیلئے پیشرفت کرنی چاہیے اور اس کے ساتھ ساتھ سیاسی قیادت معیشت کو مزید بہتر کرنے پر توجہ مرکوز کرے ۔
.ذریعہ: City 42
کلیدی لفظ: ہمایوں اختر خان نے عبد الرحمن نے کہا کہا کہ
پڑھیں:
جنوبی افریقہ کو شکست,تیسراT-20،پاکستان نے سیریز 2-1سے جیت لی
کراچی (اسٹاف رپورٹر)پاکستان نے جنوبی افریقہ کو تیسرے ٹی ٹوینٹی میچ میں 4 وکٹوں سے شکست دیتے ہوئے سیریز 2-1 سے جیت لی ہے ۔تفصیلات کے مطابق پاکستان نے جنوبی افریقہ کی جانب سے دیا گیا 140 رنز کا ہدف بابراعظم کی شاندار بیٹنگ کی بدولت 19اوورز میں6 وکٹوں کے نقصان پر عبور کر لیا ۔قومی ٹیم کی جانب سے بابراعظم نے 47 گیندوں پر 9 چوکوں کی مدد سے 68 رنز کی اننگ کھیلی جبکہ کپتان سلمان آغا نے 33 رنز بنائے ، صائم ایوب صفر پر آوٹ ہوئے جبکہ صاحبزادہ فرحان 19 رنز بنانے میں کامیاب ہوئے ۔
اس سے قبل پاکستان نے ٹاس جیت کر فیلڈنگ کا فیصلہ کیا اور جنوبی افریقہ کو بیٹنگ کی دعوت دی جس پر مہمان ٹیم 20اوورز میں 9وکٹوں کے نقصان پر 139رنز بنانے میں کامیاب ہوئی۔ جنوبی افریقہ کی جانب سے ریزا ہنڈرکس 34 ، براویس 21 ، کپتان فریرا 29، کوربن بوش 30 بنانے میں کامیاب ہوئے ۔پاکستان کی جانب سے شاہین شاہ آفریدی نے 3 ، فہیم اشرف اور عثمان طارق نے 2 ،2 کھلاڑیوں کو آوٹ کیا جبکہ سلمان مرزا اور محمد نواز نے ایک ایک وکٹ حاصل کی ۔واضح رہے کہ پہلے ٹی ٹوینٹی میں پاکستان کو جنوبی افریقہ کے ہاتھوں شکست کا سامنا کرنا پڑا تھا تاہم دوسرے میچ میں پاکستان نے کم بیک کیا اور 9 وکٹوں سے کامیابی حاصل کی ۔
ٹی ٹی پی کے اہم رہنما حافظ گل بہادر کیا پاکستانی حملے میں مارے گئے؟