شبلی فراز کابیرون ملک دوروں کیلئے پارلیمنٹیرینز کے وفودمیں اپوزیشن کو شامل نہ کرنے کا شکوہ
اشاعت کی تاریخ: 19th, May 2025 GMT
قومی اسمبلی میں قائد حزب اختلاف شبلی فراز نے بیرون ملک دوروں کے لیے پارلیمنٹیرینز کے وفود میں اپوزیشن کو شامل نہ کرنے کا شکوہ کرتے ہوئے کہا ہے کہ قومی مسئلے پر اپوزیشن کو بالکل سائیڈ لائن کردیا گیا، بانی پی ٹی آئی عمران خان کی بات دنیا میں سنی جاتی ہے جبکہ شبلی فراز نے قومی مسائل میں اپوزیشن کو ساتھ لینے کا مشورہ دے دیا۔
ڈپٹی چیئرمین سینیٹ سیدال خان کی زیر صدارت سینیٹ اجلاس ہوا، اجلاس کے دوران اظہار خیال کرتے ہوئے پی ٹی آئی رہنما شبلی فراز نے کہا کہ حکومت کا بیرون ملک وفود بھیجنے کا فیصلہ بڑی اچھی بات ہے، بدقسمتی سے بنائی گئی کمیٹی میں اپوزیشن کا کوئی رکن شامل نہیں، قومی مسئلہ پر اپوزیشن کو سائیڈ لائن کردیا گیا۔
اپوزیشن لیڈر نے کہا کہ تحریک انصاف اپنی سطح پر پارٹی کے وفود بھی بھیجے گی، حکومتی سطح پر اپوزیشن کی کوئی نمائندگی نہیں، جو بھی ہوا ہے یہ ملک کے لیے اچھا نہیں، ملک کی خاطر یگانگت کے لیے سب کواکٹھا ہونا چاہیئے، حکومت کی جانب سے بڑی تنگ نظری کا مظاہرہ کیا گیا۔
شبلی فراز نے کہا کہ ایوان کی سب سے بڑی اپوزیشن پارٹی کا کمیٹی میں نام شامل نہیں کیا، حکومت نے اپوزیشن کو بالکل سائیڈ پر کرنے کی نئی روایت ڈالی ہے، قومی مسئلےپراپوزیشن کو دیوار کے ساتھ لگادیا گیا، بھارت میں اپوزیشن جماعت کانگریس پارٹی کے کئی لوگوں کو کمیٹی میں شامل کیا گیا، ہم اپنے پارلیمنٹرینز کو اپنے اخراجات پر بیرون ملک بھیجیں گے۔
پی ٹی آئی رہنما کا مزید کہنا تھا کہ بھارت نے پاکستان کے مفادات پر حملے کیے، انڈیا کے حملے کے خلاف پوری قوم متحد ہوگئی جو خوش آئند ہے، آپ نے اس اتحاد کو برقرار رکھنا ہے، بھارت سے ابھی بھی خطرہ ہے، حکومت نے پاکستانی موقف دنیا کو بتانے کے لئے سفارتی سطح پر کمیٹی بنائی۔
شبلی فراز نے کہا کہ جو اپوزیشن باہر نمائندے بھیجے، حکومت ان کے نام ای سی ایل میں نہ ڈال دے۔
وزیر قانون اعظم نذیر تارڑ نے ایوان میں اظہار خیال کرتے ہوئے کہا کہ میں ایک وضاحت دوں گا کہ جو حکومتی وفد ہوتے ہیں، اس میں صرف حکومتی لوگ شامل ہوتے ہیں، تاریخ میں ایسی روایت اورمثالیں موجود ہیں، اپوزیشن کا سیاسی حق ہے کہ وہ اپنی اختلاف رائے کا اظہار کریں، پارلیمانی وفود بارے اسپیکر قومی اسمبلی اور چیئرمین سینیٹ غور کررہے ہیں۔
ڈپٹی چیئرمین سینیٹ سیدال ناصر نے کہا کہ چیئرمین سینیٹ کے ساتھ حکومتی ارکان اس معاملہ پرساتھ بیٹھے، اس حوالے سے میرا آفس بھی حاضر ہے۔
ذریعہ: Daily Mumtaz
کلیدی لفظ: چیئرمین سینیٹ شبلی فراز نے میں اپوزیشن اپوزیشن کو نے کہا کہ
پڑھیں:
پی ٹی آئی اور اپوزیشن اتحاد کاسپیکر قومی اسمبلی کیخلاف تحریک عدم اعتماد لانے کا فیصلہ
اسلام آباد(ڈیلی پاکستان آن لائن)پی ٹی آئی اور اپوزیشن اتحاد نے سپیکر قومی اسمبلی کیخلاف تحریک عدم اعتماد لانے کا فیصلہ کرلیا۔
نجی ٹی وی چینل جیو نیوز کے مطابق پارٹی ذرائع کاکہنا ہے کہ بانی پی ٹی آئی سے وکلا ، بہنوں نے ملاقات میں سپیکر کیخلاف عدم اعتماد کی بات کی،بانی کو اپوزیشن اتحاد اور محمود اچکزئی کے سپیکر کیخلاف عدم اعتماد کے موقف سے آگاہ کیا گیا، بانی پی ٹی آئی نے سپیکر کیخلاف عدم اعتماد کے معاملے کو آگے بڑھانے کا پلان بنانے کا حکم دیدیا۔
پارٹی ذرائع کاکہنا ہے کہ بانی نے پی ٹی آئی قیادت اور اپوزیشن اتحاد کو فیصلے پر عملدرآمد کا اختیار دیا، بانی پی ٹی آئی نے کہاکہ موجودہ حکومت کو پارلیمنٹ کے اندر اور باہر ٹف ٹائم دیں۔
لیڈی ایچی سن ہسپتال ’’ پاکستان زندہ باد سیمینار‘‘ اور ریلی ،ڈاکٹرز، نرسنگ سٹاف، پیرامیڈیکل سٹاف اورسول سوسائٹی کے افراد کی بھرپور شرکت
دوسری جانب پی ٹی آئی رہنما اسد قیصر نے کہاکہ سپیکر اور وزیراعظم دونوں کیخلاف عدم اعتماد کا سوچ رہے ہیں،پاک بھارت کشیدگی کی وجہ سے عدم اعتماد کا معاملہ وقتی طور پر روکا ہے،اگر عدم اعتماد لائیں تو سمجھا جائے گا کہ جنگ میں بھی سیاست کررہے ہیں،اسد قیصر نے کہاکہ سپیکر اور وزیراعظم کیخلاف تحریک عدم اعتماد کا آپشن زیرغور ہے،سپیکر اوروزیراعظم کیخلاف تحریک عدم اعتماد کا آپشن وقت پر استعمال کریں گے۔
مزید :
اقوام متحدہ کی وارننگ: غزہ میں قحط کا سنگین خطرہ، 5 لاکھ افراد فاقہ کشی کا شکار