شاہین میزائل سے متعلق بھارتی میڈیا کا دعویٰ بےبنیاد اور من گھڑت ہے، دفتر خارجہ
اشاعت کی تاریخ: 19th, May 2025 GMT
دفتر خارجہ نے پاکستان کے شاہین میزائل کے استعمال سے متعلق بھارتی میڈیا کے دعوے مسترد کر دیے۔
دفتر خارجہ کے ترجمان نے اسلام آباد سے اس حوالے سے کہا کہ شاہین میزائل سے متعلق بھارتی میڈیا کا دعویٰ بےبنیاد اور من گھڑت ہے۔ بھارتی فوج کا ویڈیو دعویٰ غلط ثابت ہونے پر ہٹا دیا گیا، ویڈیو ہٹانے کے باوجود بھارتی میڈیا نے جھوٹا بیانیہ پھیلایا۔
دفتر خارجہ کے ترجمان نے کہا کہ بھارتی فوج نے ویڈیو سے متعلق وضاحت یا تردید جاری نہیں کی۔
انھوں نے کہا ماہرین کے مطابق یہ مہم بھارت کی آپریشن سندور میں ناکامی چھپانے کی کوشش ہے۔
ترجمان نے کہا بھارت کا جھوٹا پروپیگنڈا جنگ بندی پر غلط بیانی اور ایٹمی بلیک میلنگ کے بیانیے سے جڑا ہے، 12 مئی کی آئی ایس پی آر کی پریس ریلیز میں استعمال ہتھیاروں کی تفصیل موجود ہے۔
دفتر خارجہ کے ترجمان نے کہا پاکستان نے فتح ایف ون، ایف ٹو میزائل، جدید ڈرونز اور طویل فاصلے کی توپوں کا استعمال کیا۔
ترجمان نے کہا کہ بےبنیاد اور اشتعال انگیز خبریں خطے کے امن کو نقصان پہنچاتی ہیں۔
.ذریعہ: Jang News
کلیدی لفظ: ترجمان نے کہا بھارتی میڈیا دفتر خارجہ
پڑھیں:
وزیر خارجہ اسحاق ڈار بیجنگ پہنچ گئے
سٹی 42 : نائب وزیراعظم و وزیر خارجہ اسحاق ڈار بیجنگ پہنچ گئے ۔
ترجمان دفتر خارجہ کے مطابق وزیر خارجہ اسحاق ڈار کابیجنگ ایئرپورٹ پر چینی حکام اور پاکستانی سفیر نے استقبال کیا۔ اسحاق ڈار تین روزہ سرکاری دورے پر چین میں موجود ہیں۔
ترجمان دفتر خارجہ کا کہنا ہے کہ اسحاق ڈار 19 سے 21 مئی تک چین کے دورے پر ہیں، وزیر خارجہ کا بیجنگ میں مصروف شیڈول متوقع ہے ۔
اداکارہ سجل اور احد کی طلاق سےمتعلق آصف رضا میر نے خاموشی توڑ دی
اقوام متحدہ کی وارننگ: غزہ میں قحط کا سنگین خطرہ، 5 لاکھ افراد فاقہ کشی کا شکار