پاکستانی 'فوج کا ہیڈ کوارٹر کہیں بھی ہماری زد میں ہے'، بھارتی فوج
اشاعت کی تاریخ: 20th, May 2025 GMT
اسلام آباد (اُردو پوائنٹ ۔ DW اردو۔ 20 مئی 2025ء) ایک ایسے وقت جب پاکستان اور بھارت کے درمیان اب بھی کشیدگی کا ماحول ہے، بھارتی فوج کے ایک سینیئر افسر نے پاکستان کے خلاف جارحانہ نوعیت کا بیان جاری کر کے کہا ہے کہ بھارتی فوج پاکستان میں کسی بھی مقام کو نشانہ بنانے کی صلاحیت رکھتی ہے۔
ایک اعلیٰ بھارتی فوجی افسر نے زور دے کر کہا، بھارت کے پاس پاکستان کی پوری گہرائی میں اہداف کو نشانہ بنانے کی فوجی صلاحیت ہے، اور اگر پاکستانی فوج اپنا ہیڈکوارٹر راولپنڈی سے منتقل کرتی ہے تو اسے چھپنے کے لیے ایک بہت گہرا گڑھا تلاش کرنا پڑے گا۔
آرمی ایئر ڈیفنس کے ڈائریکٹر جنرل لیفٹیننٹ جنرل سمر ایوان ڈی کنہا نے بھارت کی ایک خبر رساں ایجنسی سے بات چیت میں کہا کہ پورا پاکستان بھارتی فوج کے "حملے کی رینج میں" ہے۔
(جاری ہے)
بھارت پاک کشیدگی: بھارت کا ایشیا کپ میں حصہ نہ لینے پر غور
بھارتی فوج کے جنرل نے کہا کہ اگر پاکستان اپنے فوجی جنرل ہیڈ کوارٹر (جی ایچ کیو) کو راولپنڈی سے خیبر پختونخواہ (کے پی کے) جیسے علاقوں میں منتقل کرتے ہیں، تو بھی انہیں بچنے کے لیے "گہرا گڑھا تلاش کرنا پڑے گا۔
"واضح رہے کہ 22 اپریل کو بھارت کے زیر انتظام کشمیر کے پہلگام میں حملے کے بعد دونوں ملکوں کے درمیان تعلقات کشیدہ ہیں۔ بھارت نے اس حملے کا الزام پاکستان پر عائد کیا، جس کی پاکستان نے سختی سے تردید کی تھی اور اس کی غیر جانبدار تفتیش کی پیشکش کی تھی۔
پانی کو ہتھیار بنانے کے'نتائج‘ نسلوں پر محیط ہوں گے، پاکستان
تاہم بھارت نے چھ اور سات مئی کی درمیانی شب کو پاکستان کے خلاف فوجی کارروائی کی، جس کے بعد دونوں ملکوں نے ایک دوسرے پر زبردست فضائی حملے کیے، جس میں دونوں جانب کے بہت سے فوجی اور عام شہری ہلاک ہوئے، اور پھر دس مئی کے روز امریکہ کی ثالثی سے جنگ بندی کا اعلان ہوا۔
بھارتی فوج نے مزید کیا کہا؟دونوں ملکوں کی فوجیں جنگ بندی پر عمل پیرا ہیں، تاہم بھارت میں پاکستان کے خلاف ہر سطح پر ایک مہم جاری ہے۔ اسی کے دوران بھارتی فوج میں ایئر ڈیفنس کے ڈائریکٹر جنرل لیفٹیننٹ جنرل سمر ایوان ڈی کنہا نے پاکستان کے خلاف دھمکی آمیز بیان جاری کیا۔
انہوں نے کہا، "میں صرف یہ کہنا چاہتا ہوں کہ بھارت کے پاس پاکستان کے خلاف اس کی گہرائی تک پہنچنے کے لیے ہتھیاروں کا کافی ذخیرہ موجود ہے۔
لہٰذا، اس (پاکستان) کے وسیع و عریض سے تنگ ترین علاقے تک، جہاں بھی ہو، پورا پاکستان ہمارے دائرے میں ہے۔"پاکستان اور بھارت کے مابین لڑائی میں فاتح کون؟
ان کا مزید کہنا تھا، 'ہم پوری صلاحیت رکھتے ہیں، اپنی سرحدوں کے پاس یا گہرائی میں بھی، جہاں سے ہم پورے پاکستان کا مقابلہ کر سکتے ہیں۔ اور جی ایچ کیو راولپنڈی سے کے پی کے یا جہاں بھی وہ منتقل ہونا چاہتے ہیں، جا سکتے ہیں، لیکن وہ پوری طرح سے ہماری حدود میں ہیں، اس لیے انہیں واقعی ایک گہرا گڑھا تلاش کرنا پڑے گا۔
"بھارتی فوجی افسر کا کہنا تھا کہ "ہمارا کام اپنی خودمختاری، اپنے لوگوں کی حفاظت کرنا ہے۔۔۔ لہذا، میں سمجھتا ہوں کہ حقیقت یہ ہے کہ ہم اپنی مادر وطن کو اس حملے سے بچانے میں کامیاب رہے ہیں، جس کا مقصد آبادی کے مراکز اور ہماری چھاؤنیوں میں بہت سارے مسائل پیدا کرنا تھا۔ حقیقت یہ ہے کہ ہم نے اپنے لوگوں کو، نہ صرف اپنی سول آبادی کو بلکہ فوجیوں کو بھی، تحفظ کی یقین دہانی کرائی ہے۔
"بھارت کے ساتھ امن مذاکرات کے لیے تیار ہیں، شہباز شریف
ان کا مزید کہنا تھا کہ فوج ڈرون حملوں کے بارے میں بھی، "فکر مند تھی اور ہم نے اس بات کو یقینی بنایا کہ اس سے کوئی جانی نقصان نہ ہونے پائے، مجھے یقین ہے کہ اس بات نے نہ صرف فوجیوں کو فخر محسوس کرایا، بلکہ بھارتی آبادی کو بھی اس پر فخر محسوس ہوا اور یہ ہمارے لیے بڑا ٹیک اوے ہے۔
"پہلگام حملے کے بعد سے بھارت اور پاکستان کے درمیان تقریبا تین روز تک فضائی حملوں کا سلسلہ جاری رہا تھا، جس میں سرحدی علاقوں میں بسنے والے درجنوں افراد کی ہلاکت کی اطلاع ہے اور زبردست تباہی ہوئی۔ دونوں میں اب بھی ماحول کشیدہ ہے، تاہم سرحد پر اب صورتحال پہلے کے مقابلے میں پر امن ہے۔
ادارت: جاوید اختر
.ذریعہ: UrduPoint
کلیدی لفظ: تلاش کیجئے پاکستان کے خلاف بھارتی فوج بھارت کے کے لیے
پڑھیں:
بھارت ابھی تک پاکستان کے خلاف سازشوں میں مصروف ہے، عطاء اللہ تارڑ
اسلام آباد:وفاقی وزیر اطلاعات عطاء اللہ تارڑ نے کہا ہے کہ بھارت ابھی تک پاکستان کے خلاف سازشوں میں مصروف ہے۔ پاکستان نے دنیا بھر میں سفارتی کامیابیاں حاصل کی ہیں جسے پوری دنیا تسلیم کرتی ہے۔
اسلام آباد میں ”پاکستان کی سفارتی کامیابیوں“ کے موضوع پر سیمینار سے خطاب کرتے ہوئے عطا اللہ تارڑ نے کہا کہ پاکستان کے لئے سفارتی محاذ پر کام کرنے والوں کی خدمات کو ہمیشہ یاد رکھا جائے گا، دنیا تسلیم کرتی ہے کہ پاکستان کا فارن سروس سب سے بہترین ہے، ہماری فارن سروس کی عظیم روایات ہیں جن پر ہمیں فخر ہے۔
انہوں نے کہا کہ مجھے فخر ہے کہ ہماری فارن سروس روایات کو بخوبی آگے بڑھا رہی ہے، سفارت کاری ایک فن ہے جو صرف سیکھنے سے نہیں بلکہ تجربے اور محنت سے آتا ہے، فارن سروس کے افسران نے ہمیشہ پاکستان کا نام عالمی سطح پر روشن کیا۔
وزیر اطلاعات نے کہا کہ پاکستان نے دہشت گردی کے خلاف بے پناہ قربانیاں دی ہیں، دہشت گردی کی وجہ سے سب سے زیادہ نقصان پاکستان نے اٹھایا، پاکستان پر دہشت گردی کو فروغ دینے کا جھوٹا الزام لگایا گیا، پہلگام واقعے کے فوری بعد پاکستان پر الزام عائد کردیا گیا، پاکستان خود دہشت گردی کا سب سے بڑا شکار ہے۔
عطاء اللہ تارڑ نے کہا کہ وزیراعظم نے بھارت کو پہلگام واقعہ کی آزادانہ تحقیقات کی پیشکش کی، دوست ممالک نے بھی پاکستان کے موقف کی تائید کی، سفارتی کوششوں کے باعث پوری دنیا سے ہمیں بھرپور حمایت ملی، فیلڈ مارشل عاصم منیر کی قیادت میں ہم نے اپنے سے چار گنا بڑی طاقت کو شکست فاش دی۔
انہوں نے کہا کہ بھارت ہمیشہ کی طرح جارحیت کا مرتکب رہا ہے، بھارت ابھی تک پاکستان کے خلاف سازشوں میں مصروف ہے، ہمارے کوسٹ گارڈز نے بھارت کے لئے جاسوسی کرنے والے ملاح کو گرفتار کیا ہے جس نے بھارتی ایجنسیوں کے ہاتھوں استعمال ہونے کی تمام کہانی دنیا کے سامنے سنائی۔
عطا اللہ تارڑ کا کہنا تھا کہ جب ہم پر جنگ مسلط کی گئی تو ہماری مسلح افواج نے منہ توڑ جواب دیا، فیلڈ مارشل سید عاصم منیر کی قیادت میں ہم نے فتح حاصل کی، معرکہ حق میں ہماری فضائیہ کا کردار سنہری حروف میں لکھا جائے گا۔
انکا کہنا تھا کہ وزیراعظم کے دورہ سعودی عرب میں معاشی اسٹریٹجک فریم ورک کا اجراء انتہائی اہم پیشرفت ہے، اب ہمارا ہدف ملک میں بیرونی سرمایہ کاری کا فروغ ہے، وسط ایشیائی ریاستوں کے ساتھ مضبوط روابط اور تجارت کے لئے پاکستانی بندرگاہوں کا استعمال ہماری ترجیح ہے، ہم نے معاشی میدان میں نئی بلندیوں کو چھونا ہے، دوست ملکوں کے ساتھ اقتصادی و تجارتی روابط مزید مضبوط بنانے ہیں۔
کوئٹہ، خاتون ٹیچر کے قتل میں ملوث مرکزی ملزم گرفتار