کراچی: مسافر وین اور ڈمپر میں تصادم، بچی سمیت 2 افراد جاں بحق، خواتین سمیت متعدد شدید زخمی
اشاعت کی تاریخ: 20th, May 2025 GMT
سپرہائیوے کاٹھورکے قریب مسافروین اورڈمپر کے درمیان تصادم میں بچی سمیت 2 افراد جاں بحق اورخواتین سمیت متعدد افراد شدید زخمی ہوگئے جب کہ اسٹیل مل موڑپرتیزرفتارڈمپروہیل چئیرپرچلنے والے معذورپرچڑھ گیا جس کے نتیجے میں نامعلوم معذورشخص موقع پرجاں بحق ہوگیا۔
تفصیلات کے مطابق گڈاپ ٹاؤن تھانے کے علاقے سپرہائیوے کاٹھورکے قریب مسافروین اورڈمپر کے درمیان تصادم میں بچی سمیت 2 افراد جاں بحق اورخواتین سمیت متعدد افراد شدید زخمی ہوگئے، حادثے کے باعث مسافروین کو شدید نقصان پہنچا۔
حادثے میں جاں بحق اورزخمی ہونے والوں کوفوری طور پرایدھی ایمبولینس سول اسپتال منتقل کردیا گیا۔
حادثے میں جاں بحق ہونے والوں کی شناخت 3 سالہ انجیلی دختر فاتوخان اور60 سالہ فاروق ولد عبدالستار کے نام سے کی گئی۔
زخمیوں میں 28 سالہ فرقان ولد عبدالستار ، 60 سالہ خوشی ولد اللہ رکھیہ، 45 سالہ ادی زوجہ رتومل، 45 سالہ حسن ولد محمد صالح ، 50 سال زرینہ زوجہ عادم ، 28 سالہ اللہ بخش ولد محمد امین، 4 سالہ کنگسٹن ولد ہارون مسیح، آخیہ زوجہ ہارون مسیح، ہارون ولد خوشی مسیح اور 50 سالہ دلبر علی ولد فیض علی شامل ہیں۔
ریسکیو حکام نے کہا کہ حادثے کا شکار مسافروین ٹنڈوآدم جارہی تھی، گڈاپ ٹاؤن پولیس کے مطابق حادثے کے بعد ڈمپرکاڈرائیورموقع پر سے فرار ہوگیا۔
پولیس نے ڈمپرکوتحویل میں لینے کے بعد اس کے ڈرائیورکی تلاش شروع کردی۔
اس کے علاوہ اسٹیل ٹاؤن تھانے کےعلاقےاسٹیل مل موڑ عادل کانٹے کے قریب تیزرفتارڈمپروہیل چئیرپرچلنے والے معذورپرچڑھ گیاجس کے نتیجے میں نامعلوم معذور شخص موقع پرجاں بحق ہو گیا۔
جاں بحق شخص کی لاش قانونی کارروائی کے لیے جناح اسپتال منتقل کردی گئی، حادثے میں جاں بحق شخص کی تاحال شناخت فوری ممکن نہیں ہوسکی۔
حادثے کے بعد ڈمپر ڈرائیور موقع پر سے فرارہو رہا تھا کہ موقع پرموجود شہریوں اورٹریفک پولیس نے تعاقب کرنے کے بعد ڈمپر ڈرائیور کو پکڑ لیا۔
اس دوران مشتعل شہریوں نے پتھراؤ کرکے ڈمپر کے شیشے توڑ گئے، پولیس کے مطابق زیر حراست ڈمپر ڈرائیور کو تھانے منقتل کرکے اس کےخلاف قانونی کارروائی عمل میں لائی جا رہی ہے جب کہ حادثے میں جاں بحق معذور شخص کی شناخت کی کوشش کی جا رہی ہے۔
.ذریعہ: Express News
کلیدی لفظ: کے بعد
پڑھیں:
نائجیریا: شادی کی بس المناک حادثے کا شکار، 19 افراد ہلاک
data-id="863a0a8" data-element_type="widget" data-widget_type="theme-post-content.default">
شمالی نائجیریا میں شادی کی تقریب میں شریک ایک بس دریا میں گرنے سے کم از کم 19 خواتین اور بچے ہلاک ہوگئے، یہ بات ایک یونین اہلکار اور مقامی رہائشیوں نے اتوار کو بتائی۔
عالمی خبر ایجنسی کے مطابق نیشنل یونین آف روڈ ٹرانسپورٹ ورکرز کے اہلکار ابوبکر محمد نے بتایا کہ ڈرائیور نے ہفتہ کی شام ایک ایسے پل پر بس روکی تھی جو جزوی طور پر منہدم ہوچکا تھا، لیکن بس پیچھے کی طرف لڑھک کر دریا میں جاگری۔
اہلکار نے بتایا کہ یہ بس دلہن کو اس کے نئے شوہر کے گھر لے جانے والے قافلے کا حصہ تھی اور حادثہ زمفارا ریاست کے گاؤں “فَس” کے قریب پیش آیا۔ شبہ ہے کہ ڈرائیور ہینڈ بریک لگانا بھول گیا تھا۔
بس کا رخ پڑوسی ریاست کبی کے شہر جیگا کی طرف تھا۔ فَس گاؤں کے رہائشیوں نے بھی خواتین اور بچوں کی ہلاکت کی تصدیق کی۔
خیال رہے کہ نائجیریا میں خستہ حال سڑکوں پر ٹریفک حادثات عام ہیں۔ سرکاری اعداد و شمار کے مطابق گزشتہ سال 9,570 حادثات میں 5,421 اموات ریکارڈ کی گئیں۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم