’اقرار الحسن کے پاس کتنا ٹائم رہ گیا؟‘، شادی سے متعلق اداکار فیصل رحمان کے بیان پر وسیم بادامی کا سوال
اشاعت کی تاریخ: 21st, May 2025 GMT
پاکستانی ڈراما انڈسٹری کے لیجنڈ اداکار فیصل رحمان نے اپنی اصل عمر کا راز فاش کردیا۔
فیصل رحمان نے چند ہفتوں قبل بانی پاکستان قائداعظم محمد علی جناح سے ملاقات کا دعویٰ کیا تھا جس کے بعد ان کی عمر پر تبصرے شروع ہو گئے تھے۔ اداکار کے عمر سے متعلق انکشاف اور قائداعظم سے ملاقات کے دعوے پر صارفین کی جانب سے مختلف ردعمل کا اظہار کیا گیا تھا۔ کسی نے اداکار کو جھوٹا قرار دیا تھا تو کوئی یہ کہتا نظر آیا کہ سمجھ نہیں آ رہا کہ یہ مذاق کر رہے ہیں یا سچ بول رہے ہیں۔
اب حال ہی میں انہوں نے نجی ٹی وی کے پروگرام میں شرکت کی اور بتایا کہ جب ان کی ملاقات قائد اعظم سے ہوئی تو ان کی عمر 10 سال تھی۔ جس پر میزبان وسیم بادامی نے ہنستے ہوئے کہا، پھر تو آپ کی عمر کم از کم 88 سال ہو گئی۔ اداکار نے جواباً کہا کہ ان کی عمر 88 برس ہی ہے اور اب سر کے بال بھی سفید ہو رہے ہیں۔
فیصل رحمان نے صحت مند زندگی گزارنے کا راز بتاتے ہوئے کہا کہ اچھی غذا کھائیں، ورزش کریں اور شادی نہ کریں، تبھی صحت مند اور لمبی زندگی گزاریں گے۔ اداکار نے کہا اگر وہ شادی کر لیتے تو 88 برس کے نہ ہوتے۔
اداکار نے کہا کہ جن کی شادی ہوجاتی ہے، وہ اتنی لمبی عمر تک نہیں پہنچ پاتے، شادی کے بعد انسان کی تنزلی شروع ہوتی ہے۔ جس پر وسیم بادامی نے مزاحیہ انداز اپناتے ہوئے کہا کہ پھر ان کے دوست اقرار الحسن کے پاس کتنا ٹائم رہ گیا ہے۔
خیال رہے کہ اقرا الحسن نے پہلی شادی سابق نیوز کاسٹر قرت العین سے 2010 سے قبل کی تھی، جن سے انہیں ایک بیٹا بھی ہے۔ ٹی وی میزبان نے دوسری شادی نیوز کاسٹر فرح سے کی اور ان سے شادی کو بھی ایک دہائی سے زائد عرصہ گزر چکا ہے۔ جبکہ تیسری شادی تقریبا دو سال قبل صحافی عروسہ خان سے کی، انہوں نے بعد میں کی جانے والی اپنی دونوں شادیوں کو کچھ عرصے تک خفیہ بھی رکھا۔ ایک انٹرویو میں انہوں نے بتایا تھا کہ ان کی تینوں بیویاں ایک ساتھ نہیں رہتیں، تاہم تینوں کے آپس میں اچھے تعلقات ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقرارالحسن فیصل رحمان فیصل رحمان عمر قائداعظم وسیم بادامی.ذریعہ: WE News
کلیدی لفظ: اقرارالحسن فیصل رحمان فیصل رحمان عمر فیصل رحمان کی عمر کہا کہ
پڑھیں:
وزیرداخلہ داخلہ سندھ ضیاء الحسن لنجار کے گھر پر حملہ افسوسناک واقعہ ہے؛ محسن نقوی
سٹی 42: وفاقی وزیرداخلہ محسن نقوی نے وزیرداخلہ سندھ ضیاء الحسن لنجارکے گھر حملے کی مذمت کی
محسن نقوی کا کہنا تھا کہ وزیرداخلہ داخلہ سندھ ضیاء الحسن لنجار کے گھر پر حملہ افسوسناک واقعہ ہے۔مظاہرین کا یہ فعل ناقابل برداشت ہے۔ حملہ آوروں نے قانون ہاتھ میں لے کر شرپسندی کا ارتکاب کیا۔کسی کو بھی ایسے شرپسند واقعہ کی اجازت نہیں دی جا سکتی۔
انجلینا جولی کا شہید خاتون فلسطینی صحافی کو خراج عقیدت ، ویڈیو وائرل
چین اور روس کے درمیان اہم معاہدہ طے پا گیا