دشمن روایتی جنگ میں شکست کے بعد بچوں پر حملے کرنے پر اتر آیا ہے: عطاء اللّٰہ تارڑ
اشاعت کی تاریخ: 21st, May 2025 GMT
وفاقی وزیرِ اطلاعات عطاء اللّٰہ تارڑ—فائل فوٹو
وفاقی وزیرِ اطلاعات عطاء اللّٰہ تارڑ نے کہا ہے کہ دشمن روایتی جنگ میں شکست کے بعد بچوں پر حملے کرنے پر اتر آیا ہے۔
قومی اسمبلی کے اجلاس کے دوران اظہارِ خیال کرتے ہوئے انہوں نے کہا کہ آج خضدار میں بچوں کے بس پر حملہ کیا گیا، فیلڈ مارشل عاصم منیر نے بھارت کو جو دھول چٹائی بھارت اس کا بدلہ بچوں سے لے رہا ہے۔
عطاء اللّٰہ تارڑ کا کہنا تھا کہ پوری قوم نے افواج پاکستان کا ساتھ دیا، افواج پاکستان نے بھارت کو تاریخی شکست دی۔
انہوں نے کہا کہ روایتی جنگ میں شکست کے بعد تمہاری پراکسیز کو بھی شکست دیں گے۔
انٹر سروسز پبلک ریلیشنز (آئی ایس پی آر) کے مطابق بھارتی اسپانسرڈ دہشت گردوں نے اسکول بس کو نشانہ بنایا۔
وفاقی وزیر کا کہنا تھا کہ فیلڈ مارشل نے کہا ہے یہ 1200 بندے کیا کرلیں گے بالکل ہم بھی یہی کہتے ہیں، ایک ایک دہشت گرد کو ٹھکانے لگائیں گے۔
انہوں نے کہا کہ خضدار واقعے پر مکمل تحقیقات سامنے لائیں گے، یہ بھارت کی پراکسیز کا کام ہے، بھارت کو ہر میدان میں شکست دیں گے۔
.ذریعہ: Jang News
کلیدی لفظ: عطاء الل ہ تارڑ نے کہا
پڑھیں:
یوکرین پرروسی فضائی حملہ، 2 بچوں سمیت 6 افراد ہلاک،بلیک آئوٹ
کیف: (ویب ڈیسک) یوکرین پر روسی فضائی حملے میں 2 بچوں سمیت 6 افراد ہلاک ہو گئے۔گورنر کے مطابق یوکرین کے شہر زاپوریزہزیا پر روسی حملے سے تقریباً 58 ہزار گھروں کی بجلی معطل ہو گئی۔
دوسری جانب روسی حکام کے مطابق روسی آئل پورٹ پر یوکرینی ڈرون حملے سے دو غیر ملکی جہازوں کو نقصان پہنچا ہے۔بحیرۂ اسود میں روس کی بندرگاہ پر رات گئے یوکرین نے ڈرون حملہ کیا ہے۔روسی حکام کا کہنا ہے کہ ڈرون حملوں میں کوئی جانی نقصان نہیں ہوا، حملے کے بعد لگنے والی آگ پر قابو پا لیا گیا ہے۔
محبت، بلیک میلنگ اور قتل، خوفناک واردات کی تفصیل سامنے آگئی