جنرل عاصم منیر کی فیلڈ مارشل تقرری پر مصطفی کمال اور انیس قائم خانی کی مبارکباد
اشاعت کی تاریخ: 21st, May 2025 GMT
ایک بیان میں ایم کیو ایم رہنماؤں نے جنرل سید عاصم منیر کو فیلڈ مارشل کے عہدے پر فائز کیے جانے پر دلی مبارکباد پیش کی اور اسے قومی سلامتی کے حوالے سے ان کی بے مثال قیادت اور خدمات کا اعتراف قرار دیا۔ اسلام ٹائمز۔ آرمی چیف جنرل عاصم منیر کی بطور فیلڈ مارشل تقرری پر ایم کیو ایم پاکستان کے مرکزی رہنماں مصطفی کمال اور انیس قائم خانی نے مبارکباد دی۔ وفاقی وزیر صحت سید مصطفی کمال نے جنرل سید عاصم منیر کو فیلڈ مارشل کے تاریخی اور اعلیٰ ترین عسکری عہدے پر تقرری پر دلی مبارکباد پیش کرتے ہوئے اسے قوم کے عسکری اداروں پر غیر متزلزل اعتماد کا مظہر قرار دیا ہے۔ انہوں نے اپنے بیان میں کہا کہ یہ تقرری نہ صرف پاک فوج کی قیادت پر بھرپور اعتماد کا اظہار ہے بلکہ یہ پاکستان کو مزید مستحکم، محفوظ اور ناقابلِ تسخیر بنانے کے قومی عزم کی بھی بھرپور عکاسی کرتی ہے۔ سید مصطفی کمال کے مطابق یہ فیصلہ پاکستان کی علاقائی سالمیت، قومی یکجہتی اور دفاعی استحکام کو مضبوط تر بنانے کے لیے ایک فیصلہ کن قدم ہے۔
ایم کیو ایم پاکستان کے سینئر مرکزی رہنما انیس احمد قائم خانی نے بھی جنرل سید عاصم منیر کو فیلڈ مارشل کے عہدے پر فائز کیے جانے پر دلی مبارکباد پیش کی اور اسے قومی سلامتی کے حوالے سے ان کی بے مثال قیادت اور خدمات کا اعتراف قرار دیا۔ انہوں نے کہا کہ یہ تاریخی اعزاز ان کی غیر معمولی عسکری بصیرت، قومی دفاع میں کلیدی کردار اور ریاستی اداروں پر قوم کے اعتماد کی روشن علامت ہے۔ ایم کیو ایم پاکستان نے اپنے بیان میں اس عزم کا اعادہ کیا ہے کہ وہ ادارہ جاتی ہم آہنگی، آئینی استحکام اور قومی اتحاد کے ہر قدم میں ملک کی قیادت کے شانہ بشانہ کھڑی رہے گی، یہ تقرری ملک میں جمہوری تسلسل، سول ملٹری ہم آہنگی اور داخلی سلامتی کو مزید مضبوط بنانے کی جانب ایک اہم سنگِ میل قرار دی جا رہی ہے۔
ذریعہ: Islam Times
کلیدی لفظ: ایم کیو ایم فیلڈ مارشل مصطفی کمال
پڑھیں:
سندھ:موسمیاتی تبدیلی سے نمٹنے اور زرعی شعبے کو محفوظ بنانے کیلئے جامع منصوبہ تیار
کراچی (نیوز ڈیسک)سندھ حکومت نے موسمیاتی تبدیلی سے نمٹنے اور زرعی شعبے کو محفوظ بنانے کے لیے جامع منصوبہ تیار کر لیا۔
وزیر زراعت سردار محمد بخش مہر کا کہنا ہے کہ کلائمیٹ اسمارٹ ایگریکلچرمنصوبہ2028 تک جاری رہے گا جس کے تحت زرعی پیداواربڑھانے کیلئے کسانوں کو تربیت دی جارہی ہے۔
انہوں نے کہا کہ 180 فیلڈ اسکول قائم کرکے ساڑھے 4 ہزار کسانوں کو تربیت دی جائے گی، اس حوالے سے سکھر، میرپورخاص اور بدین میں بھی فیلڈ اسکول قائم کیے ہیں۔
Post Views: 4
کیکو شاردا نے دی کپل شرما شو چھوڑنے کی خبروں کی تردید کردی