پنجاب اسمبلی: عاصم منیر کو فیلڈ مارشل بننے پر مبارکباد
اشاعت کی تاریخ: 21st, May 2025 GMT
لاہور (خصوصی نامہ نگار) پنجاب اسمبلی کے اجلاس میں بھارت کی جانب سے سندھ طاس معاہدہ کی خلاف ورزی کی قرارداد متفقہ طورپر منظور کرلی گئی ہے۔ اجلاس میں وزیر پارلیمانی امور مجتبیٰ شجاع الرحمن کی اپوزیشن رکن سے جھڑپ، سردار علی خان نے مجتبیٰ شجاع الرحمن کو آڑے ہاتھوں لیا۔ شیخ امتیاز محمود نے پنجاب اسمبلی کے سامنے مودی کا پتلا جلانے کا اعلان کیا۔ اجلاس 2 گھنٹہ 18منٹ کی تاخیر سے پینل آف چیئرمین سمیع اللہ خان کی صدارت میں شروع ہوا۔ حزب اختلاف ایوان میں شدید نعرے بازی کے ساتھ داخل ہوئی۔ بھارت کی جانب سے سندھ طاس معاہدہ کی خلاف ورزی کے متعلق قرارداد پنجاب اسمبلی میں متفقہ طورپر منظور کر لی گئی ہے۔ ایوان میں قرارداد حکومتی رکن عظمیٰ کاردار نے پیش کی۔ چیف وہپ رانا ارشد، حکومتی رکن آمنہ شیخ اور عظمیٰ کاردار نے عاصم منیر کو فیلڈ مارشل بننے پر مبارکباد پیش کی۔ آمنہ شیخ کا کہنا تھا کہ عاصم منیر کو فیلڈ مارشل بننے پر مبارکباد پیش کرتی ہوں۔ رانا ارشد کا کہنا تھا کہ ہمارے سپاہی بندوق اٹھا کر دشمن کے سینے میں گولی چلاتے ہیں۔ نریندر مودی کے خطہ میں بدمعاشی کے خواب کو سپہ سالار نے چکنا چور کر دیا۔ بھارت کے خلاف پاکستان نے بہترین خارجہ پالیسی اختیار کی۔ چین کی لازوال دوستی پر خراج تحسین پیش کرتا ہوں۔ اعظمیٰ کاردار نے کہا کہ آرمی چیف نے بھارت کو دھول چٹائی اس پر فیلڈ مارشل کا عہدہ دینا بھی کم ہے۔ مجتبیٰ شجاع الرحمن نے کہا کہ وفاق کی گندم کی خریداری یا قیمتوں کا اعلان نہ کرنے کی پالیسی پر پنجاب حکومت نے عمل درآمد کیا۔ حکومت پنجاب نے کسان کارڈ، کسان پیکیج اور ای ڈبلیو آر سسٹم سے کسانوں کو فائدہ پہنچایا۔ وزیر اعلیٰ نے کسانوں کو گندم کیلئے مفت سٹوریج کی سہولت دی۔ ای ڈبلیو آر سے پانچ سے چار سو ٹن گندم کی سہولت ہوتی ہے۔ یہ قرارداد جمعہ تک موخر کردی گئی۔ پینل آف چیئرپرسن سمیع اللہ خان نے کہا کہ مائیک کھولنے کیلئے کوئی ایم پی اے سٹاف کو نہیں کہہ سکتا۔ ڈائریکٹ مائیک کھولنے کے احکامات سپیکر ہی دے سکتا ہے۔ اگرسردار علی خان سیٹ پر بیٹھ جاتے تو بات اس حد تک نہ بڑھتی۔ وقفہ سوالات کے بعد حزب اختلاف کے شیخ امتیاز محمود بھارت کے خلاف ریلی نکالنے اور مودی کا پتلا جلانے پر اپنے خلاف مقدمہ درج کرنے پر سیخ پا ہوگئے، اور پنجاب اسمبلی کے سامنے مودی کا پتلا جلانے کا اعلان کردیا۔ پینل آف چیئرپرسن سمیع اللہ خان نے شیخ امتیاز کو سیاسی پوائنٹ سکورنگ کیلئے مائیک نہ دینے کا اعلان کیا۔ وزیر قانون صہیب بھرتھ نے شیخ امتیاز پر مودی کا پتلا جلانے پر مقدمہ درج کرنے کا معاملہ حل کروانے کی یقین دہانی کروائی تو شیخ امتیاز نے کہا کہ پنجاب اسمبلی کے سامنے مودی کا پتلا جلائوںگا۔ وزیر قانون صہیب بھرت کا کہنا تھا کہ پورے پاکستان میں مودی، بھارت کے خلاف ریلیاں نکالیں۔ اگر انہوں نے نکالیں تو شکریہ ادا کرتے ہیں۔ مودی کا پتلا اپوزیشن نہیں بلکہ پورا پاکستان جلائے گا۔ افواج پاکستان نے جس طرح جواب دیا اس پر اللہ کا شکر ادا کرتے ہیں۔ انہوں نے اگر پچاس پتلے جلائے تو ن لیگ نے پچاس ہزار پتلے جلائے ہیں، اگر پتلا جلانے پر مقدمہ درج ہوا ہے تو اس پر تحقیقات کرائوں گا اور اس کا حل نکالیں گے۔ محکمہ ہائر ایجوکیشن کے بارے میں سوالوں کے جوابات پارلیمانی سیکرٹری محمد اجمل نے دیے۔ صوبائی وزیر تعلیم رانا سکندر حیات نے حنبل ثنا کریمی کے سوال کے جواب میں کہا کہ یونیورسٹی آف ویٹرنری اینیمل سائنسز میں حکومت میں آتے ہی 16ڈسپلن متعارف کروائے۔ حکومتی رکن امجد علی جاوید ضلع ٹوبہ ٹیک سنگھ ہیڈ کوارٹرز سے یونیورسٹی ڈراپ کرنے پر برہمی کا اظہار کرتے ہوئے احتجاجاً اپنے بقیہ بزنس سے دست بردار ہوگئے۔ امجد علی جاوید نے پنجاب اسمبلی میں محکمہ ہائر ایجوکیشن کے متعلق احتجاجاً تمام سوالات ڈراپ کرنے کا اعلان کردیا۔ سردار سکندر حیات نے گورنمنٹ کوئین میری کالج میں بس کا کرایہ چار سو روپے فی طلبہ لینے کا معاملہ نمٹانے کی یقین دہانی کروا دی۔ حکومتی رکن سمیع اللہ خان کی پنجاب اسمبلی میں لاہور میں کرائم ریٹ کم ہونے پر وزیر اعلی مریم نواز، آئی جی پنجاب، سی سی پی او لاہور اور ڈی آئی جی آپریشن کو خراج تحسین کی قرارداد کثرت رائے سے منظور کر لی گئی۔ قرارداد میں موقف اختیار کیا گیا کہ ایک اندازے کے مطابق لاہور شہر میں کرائم کم ہوا ہے۔ لاہور نے کم کرائم ریٹ میں دنیا کے ترقی یافتہ شہروں کو پیچھے چھوڑ دیا ہے۔ کرائم کی شرح میں کمی کا اعتراف انٹرنیشنل ایجنسیاں اور میڈیا بھی کررہا ہے۔ یہ ثمرات وزیر اعلیٰ کی بہترین قیادت کی وجہ سے سامنے آیا ہے۔ پنجاب اسمبلی اجلاس کا ایجنڈا مکمل ہونے پر پینل آف چیئرمین راجہ شوکت عزیز بھٹی نے اجلاس آج دوپہر دو بجے تک ملتوی کردیا۔
.ذریعہ: Nawaiwaqt
پڑھیں:
پاکستان اور سعودی عرب کے باہمی دفاعی معاہدے میں فیلڈ مارشل کا کلیدی کردار
سعودی عرب اور پاکستان کے درمیان تاریخی دفاعی معاہدہ طے پا گیا ہے، جس میں فیلڈ مارشل سید عاصم منیر کا کلیدی کردار ہے۔
ایک تاریخی پیش رفت کے طور پر آج مملکتِ سعودی عرب اور اسلامی جمہوریہ پاکستان نے اسٹریٹجک باہمی دفاعی معاہدے پر دستخط کردیے، جو دونوں برادر ممالک کے درمیان اسٹریٹجک شراکت داری کی گہرائی اور دفاعی تعاون کی مضبوطی کو ثابت کرتا ہے۔
یہ بھی پڑھیں: سعودی عرب اور پاکستان کے درمیان تاریخی دفاعی معاہدہ، ایک ملک پر جارحیت دونوں کے خلاف تصور ہوگی
یہ سنگِ میل اور سب سے بڑا انقلابی معاہدہ اپنی اہمیت کی وجہ سے دونوں برادر ممالک کے سربراہان نے سائن کیا۔
آرمی چیف فیلڈ مارشل سید عاصم منیر نے اس معاہدے کی کامیابی میں کلیدی کردار ادا کیا ہے۔ اب پاکستان اب حرمین شریفین کے تحفظ میں سعودی عرب کا پارٹنر بن گیا ہے۔
اللہ تعالیٰ نے پاکستان کو سعودی عرب کا شراکت دار منتخب کیا تاکہ مقدس مقامات کے دفاع میں پاکستان سعودی عرب کے ساتھ کھڑا ہو۔
موجودہ اور متوقع خطرات و چیلنجز کے تناظر میں یہ معاہدہ دفاع کو مضبوط بنانے اور دونوں ممالک کی دفاعی صلاحیتوں کی تیاری اور انضمام کو بڑھانے کا مقصد رکھتا ہے۔ تاکہ دونوں ممالک کی سلامتی اور علاقائی سالمیت کو لاحق کسی بھی خطرے کا مقابلہ کیا جا سکے
اس معاہدے کی شقوں کے تحت کسی بھی ملک پر بیرونی مسلح حملہ دونوں ممالک پر حملہ تصور ہوگا۔ اس طرح یہ معاہدہ ایک اہم اور تاریخی سنگِ میل کی حیثیت اختیار کرتا ہے۔
اس معاہدے پر دستخط دونوں ممالک کے گہرے دوطرفہ تعلقات اور سیکیورٹی تعاون کی توثیق کرتے ہیں۔ جو گزشتہ کئی دہائیوں سے مشترکہ فوجی تربیت، کثیر الجہتی مشقوں اور دفاعی صنعتی تعاون کے ذریعے ظاہر ہوتا رہا ہے۔
یہ بھی پڑھیں: وزیراعظم شہباز شریف کا سعودی عرب میں پرتپاک استقبال، 21 توپوں کی سلامی، سبز ہلالی پرچم لہرائے گئے
یہ معاہدہ امن کے فروغ اور علاقائی و عالمی سلامتی کو مستحکم کرنے کے مشترکہ مقاصد کی بھی خدمت کرتا ہے۔ پاکستان اور سعودی عرب کے درمیان دفاعی معاہدہ دونوں کے لیے سیکیورٹی، معیشت اور سفارت کاری میں انتہائی فائدہ مند ہے۔
مشترکہ دفاع سے مراد ہے کہ دونوں ممالک کسی بھی خطرے سے مشترکہ نمٹیں گے اور اپنے دفاع کے لیے ایک ملک کی طاقت دوسرے ملک کے دفاع کے لیے موجود ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرمی چیف پاکستان دفاعی معاہدہ سعودی عرب فیلڈ مارشل عاصم منیر کلیدی کردار وی نیوز
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت